The Definitive Guide to Living in the Capital , Cairo , Egypt

كيكي ريكي – Kiki Riki

كيكي ريكي: أسعار غالية وفساتين غير مبهجة في وسط البلد

تم التقييم بواسطة
Nagla Ashraf
قيم
قيم الآن
كيكي ريكي: أسعار غالية وفساتين غير مبهجة في وسط البلد

أي بنت لما تعرف أن فيه مناسبة قريب هـ تحتاج أنها تلبس فيها لبس سواريه، بـ تشيل هم المكان اللي هـ تشتري منه اللبس المناسب، خاصة أنه للأسف في مصر بقى من الصعب جدًا أنك تلاقي حاجة مناسبة ومش غالية في نفس الوقت، خاصة أن أغلب الموجود في السوق المصري بـ يبقى ذوقه غريب وسعره مبالغ فيه وده للأسف اللي شوفناه في كيكي ريكي – Kiki Riki.

أول معرفتنا بكيكي ريكي كان من زمان جدًا وفي فرع مدينة نصر، اللي ساعات كنا ممكن نلاقي عنده حاجة مناسبة، لكن أول ما دخلنا فرع وسط البلد تفاجأنا أن فيه موديلات كثيرة شبه بعض ومش ذوقنا، وبرغم أنه فيه مقاسات كبيرة لكثير من الموديلات إلا أن خامتها مش حلوة، وتقريبًا نفس الستايل على عكس الموجود في فرع مدينة نصر اللي فيه موديلات كثيرة، يمكن لأن مساحة مدينة نصر أكبر.

المهم لفت نظرنا فستان كت دانتيل أسود في أخضر من فوق لحد أول البطن ونازل شيفون منفوش أخضر، وسعره حوالي 1400 جنيه، وفيه منه جميع الألوان. كمان كان فيه فستان أزرق سماوي شيفون كت سادة خالص ضيق من فوق ونازل واسع، تقريبًا بنفس السعر. واللي كان غالب على تصميم الفساتين هناك اللون الذهبي اللامع والتصميم بقماشة بطبقة لامعة، وكان فيه فساتين كلها مشغولة بطبقة من الترتر اللامع نازل لتحت، وفساتين بكم طويل فيها رسم دانتيل خفيف من فوق، وأسعارهم ما بين 1000 لـ 1800 جنيه.

غير الفساتين القصيرة فوق الركبة اللي بـ تبقى مناسبة أكثر ليوم الحنة، عجبنا منهم فستان ذهبي من فوق لحد أول البطن، ونازل شيفون أوف وايت لحد الركبة وكان بـ 600 جنيه، وكان فيه فساتين ثانية منها برضه القماش اللي بـ يلمع من فوق لحد أول البطن بس ألوان مختلفة، أو بـ يبقى دانتيل كله وكت لحد الركبة، وفيه منه كل الألوان، وأسعاره من 400 لـ 800 جنيه.

كان نفسنا نلاقي موديلات تعجبنا أكثر نتمنى المرة الجاية يكونوا نقلوا كمية أكبر من الموديلات من فرع مدينة نصر لوسط البلد، ولو أننا نعتقد أنهم مختارين موديلات ذوقها يتناسب مع ذوق المنطقة.

نصيحة 360

ممكن تشوفوا كل تصميماتهم من خلال صفحتهم على الفيسبوك.

أحسن حاجة

مكان المحل في منطقة كويسة في وسط البلد.

أسوأ حاجة

الأسعار المبالغ فيها لموديل الفساتين.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح