The Definitive Guide to Living in the Capital , Cairo , Egypt

تسوق
لو شاتو – Le Chateau

لو شاتو: فساتين وجيبات قمة في الأنوثة في مول العرب

  • مول العرب - بالقرب من بوابة 4
  • إكسسوارات
  • 10 ص: 10 م -
تم التقييم بواسطة
Angie El Batrawy
قيم
قيم الآن
لو شاتو: فساتين وجيبات قمة في الأنوثة في مول العرب

«لو شاتو – Le
Chateau» اسم اعتدنا نسمعه فى عالم المطاعم وبالتحديد مطعم “لو
شاتو” الموجود في الجيزة أمام النايل بولينج والمشهور بأن فيه عزف بيانو حى
لرواد المكان، لكن “لو شاتو” اللى هـ نتكلم عنه النهارده محل جديد لملابس
السيدات ما بقالوش ثلاثة أسابيع في مول العرب.

“لو شاتو” شركة كندية
رائدة تأسست فى عام 1959 وبدأت بداية متواضعة فى مونتريال، لحد ما بقى لها أكثر من
200 محل في كندا والولايات المتحدة والشرق الأوسط، لها أكثر من 40 سنة خبرة في
تاريخ صناعة الموضة، والشركة بـ تصنع تقريبًا 2 مليون ثوب في السنة.

بنات حواء هـ تلاقى كل ما يخصها
من فساتين سهرة وخاصة بالعمل والحفلات الصباحية وكمان جيبات لنفس المناسبات
وبلوزات في منتهى الشياكة وكمان قمصان رقيقة، لدرجة أن بعد زيارتنا دخلنا على موقع لو شاتو الكندي وشفنا الموديلات اللى
لسه ما نزلتش مصر وتعقدنا. وعلى الرغم من أننا لقينا تشكيلة ملابس للرجال على
الموقع إلا أن المحل فى مول العرب فيه تشكيلة للسيدات فقط، ربما لأنهم لسه فاتحين
من وقت قريب ولسه ما نزلوش كل التشكيلة وبدأوا بالسيدات.

المحل مساحته كبيرة جدًا ومش هـ
تعرف تبدأ منين، لأن كل شوية هـ يشدك موديل أو شكل فستان من بعيد فـ تروح وتشوفه، التفصيل
خطوطه دقيقة وبـ يبرز الجمال الأنثوي لأى واحدة هـ تلبسه وده لاحظناه جدًا هناك، بعض
الفساتين عليها تطريز خفيف لكنه مش بزيادة زي ما بـ نشوف فى أغلب الفساتين التفصيل
المصري اللى تحس أنها “فلة، شمعة، منورة” على رأي عمرو أديب. والمعروضات
موجودة من أعلى السقف لآخره وهـ تقعد حبة حلوين فى المحل لحد ما تخلص فرجة فقط.

أسعار الفساتين هناك اللى فيها
لمعة خفيفة وتنفع تتلبس في سهرات أو مناسبات (تبدأ من 1099 جنيه) وفيه فساتين
خامتها قطن تنفع للخروج الصبح وفساتين خامتها عاملة زي الشيفون علشان السهرات
وبعضها بسيط جدًا ينفع لمناسبات صباحية، عامة أسعار الموديلات هناك بـ تتراوح بين 1000
لحد 1500 جنيه.. قد تكون الأسعار مستفزة للبعض، لكن بجد الخامة والتفصيلة والموديل
يستحقوا أكثر من كده. إحنا انبهرنا، لدرجة أن كان معانا ولد صديقنا أبدى إعجابه
بأشكال الموديلات وتفصيلتها.

بجد زيارة استثنائية لمكان
اكتشفناه بالصدفة، بقالنا كثير ما شفناش فساتين وبلوزات وجيبات بحلاوة التصميم
والتصنيع والتقفيل والشكل ده، لما تشوفوا الموديلات هـ تبقوا عاوزين تشتروا كل
اللي فى المحل من حلاوته زي ما حسينا، وفى الآخر “الغالي ثمنه فيه”. 

نصيحة 360

"لو شاتو" لهم أكونت على تويتر ممكن تتابعي منه أحدث الموديلات اللى بـ تنزل عالميًا.

أحسن حاجة

عمرنا ما شفنا فساتين بالرقة والحلاوة والأنوثة دي.

أسوأ حاجة

الأسعار الغالية.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح