The Definitive Guide to Living in the Capital , Cairo , Egypt

محسن الفيومي

محسن الفيومى: أي هدايا تخطر على بالك للسنة الجديدة

  • طريق صلاح سالم - أول يمين قبل مسجد الشرطة
  • أطفال
  • 0226828289,0226828018
تم التقييم بواسطة
Engy Azzam
قيم
قيم الآن
محسن الفيومى: أي هدايا تخطر على بالك للسنة الجديدة

فاضل أيام ونودع كلنا عام 2011
بأفراحه وأحزانه كل سنة وأنتم طيبين، وبما أن فيه سنة جديدة قادمة يبقى لازم فيه
مقتنيات جديدة تدخل بيوتكم وكمان تعملوا حسابكم على الهدايا السنوية اللى بـ
تقدموها لأفراد العائلة وللأصحاب وللقرايب ولزملاء الشغل.

«محسن الفيومى» معرض كبير مكانه
فى طريق صلاح سالم تروحوه عن طريق الدخول فى أول يمين قبل مسجد الشرطة، بـ يقضى
على أى حيرة ممكن تجيء لكم بسبب سعر أو نوع الهدايا اللى ممكن تشتروها، علشان هو بـ
يعرض منتجات كثيرة ومختلفة وماركات زى ساعات اليد “أورينت”
و”كاسيو” و”كيو أند كيو”، والمنبهات بأشكال وألوان مختلفة
وساعات الحائط، والأجهزة الكهربائية المنزلية زى الخلاطات والميكرويف والمضارب
الكهربائية، وماكينات الحلاقة وأجهزة تصفيف الشعر. وبالنسبة لستات البيوت، فيه ركن
مخصص لأدوات المطبخ، وأطقم الطاسات والملاعق والسكاكين وأطقم الصينى، تقدروا
تعيشوا فيه حياتكم، وأسفنجات مخصصة لتلميع الفضيات، والكريستالات الصغيرة اللى بـ
توضع فى الفازات.

وفى قسم الهدايا المكتبية اللى
مخصص لها الفيومى مكان كبير، هـ تلاقوا فيه أجندات السنة الجديدة، وأجندات الحائط،
ودي يا إما بـ تبقى أجندات إسلامية أو أجندات مرسوم عليها مناظر طبيعية وبـ تبقى
شاملة التقويم الميلادى والهجرى والقبطى، وأجندة للأطفال وبـ تبقى عبارة عن لوحة
واحدة لكن مرسوم عليها أشكال الكرتون، كمان فيها أطقم الأجندات المكتبية للمكتب
الواحد، كمان شكل الأجندات المخصصة للتدوين والكتابة مختلف، فيه الأجندة اللى
غلافها جلد طبيعى، واللى غلافها جلد صناعى، ده غير المفكرات وحافظات الكروت
الكبيرة والصغيرة فى حجم الجيب، والوراقات المكونة من طبقات ألوان مختلفة، وأجندات
التليفونات والأقلام من أول الأقلام الباركر اللى بـ تبدأ سعرها بـ 120 جنيه لحد
الأقلام الجاف العادية اللى بـ تباع بالجملة، وعلب الألوان الفلوماستر والمياه
والزيت والخشب، وكمان فيه ألوان للرسم على وجه الأطفال فى الحفلات، ومادام
جبنا سيرة الحفلات، ففيه زواق حفلات الكريسماس وشجرة عيد الميلاد وزواق لأعياد الميلاد
وشمع التورتة الأرقام ولفات الهدايات اللى بـ تباع بالجملة وأكياس الهدايا وفيه
منها أنواع: القماش، ونوع زى أكياس البلاستيك مكتوب عليها تهنئة بعيد الميلاد،
وشنط الهدايا اللى مرسوم عليها شخصيات ديزنى ودي عليها خصم 40% وأحجامها كبيرة
وعلب الهدايا. مش بس كده لأ فيه كابات بـ تباع بالجملة للشركات اللى تحب تطبع
عليها شعار معين. وطالما بـ تباع أسطوانات الكمبيوتر والديفيديهات يبقى أكيد بـ تباع
حافظات البلاستيك المخصصة لهم ودرجات فخامتها بـ تختلف باختلاف السعر.

كل ما تتجولوا شوية جوه الفيومى هـ
تنبهروا من كثر ما المكان غطى كل الحاجات اللى يحتاجها أى بيت، واللى ممكن أى شخص
يحب يهادى بها، يعنى مثلاً فيه ركن للشنط والشنط دي شاملة شنط السفر وشنط اليد
الصغيرة وشنط اللاب توب والبورتوفليو. ما تستغربوش لما تدخلوا الفيومى وتلاقوا
نبات البامبو على إيدكم الشمال، ده نبات طبيعى صينى للزينة المنزلية وبـ يقعد 5
سنين، لأنه بتاع كله.

نصيحة 360

خلى بالكم أن "محسن الفيومى" مش بـ يلف الهدايا.

أحسن حاجة

التنوع فى البضائع المعروضة.

أسوأ حاجة

أنه بـ يقفل يوم الجمعة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح