The Definitive Guide to Living in the Capital , Cairo , Egypt

تسوق
معرض الإسراء

معرض الإسراء: زين بيتك بمراكب شراعية وفلوكة من الإسكندرية

  • شارع قلعة قايتباى بجوار نادى اليخت
  • أثاث ومستلزمات منزل
تم التقييم بواسطة
Engy Azzam
قيم
قيم الآن
معرض الإسراء: زين بيتك بمراكب شراعية وفلوكة من الإسكندرية

مين فينا ما حلمش ولو لمرة واحدة بأنه يبقى عنده مركب من المراكب اللى دائمًا بـ نشوفها فى الأفلام؟ مركب شراعي يأخذه وسط أمواج البحر العالية، الحلم ده ممكن يبقى حقيقة حتى لو كنت قاعد فى بيتك، فى زيارتك القادمة للإسكندرية لازم تزور قلعة قايتباي، ما يفوتكش ساعتها زيارة معرض الإسراء وهو موجود على أيدك اليمين وأنت داخل شارع قلعة قايتباي جنب نادى اليخت، كثير زاروا قلعة قايتباى واستمتعوا بالتمشية على سور وكورنيش القلعة والتصوير فيها وبتأجير الحنطور والمراكب الصغيرة، لكنهم ما أخذوش بالهم أن على مسافة قصيرة جدًا منها هـ يلاقوا مبنى مكون من دورين، المبنى قديم وشوية متهالك إلا أن في الدور الأرضي هـ تلاقى فيه بوابة صغيرة مفتوحة بـ تطل منها نماذج صغيرة للمراكب اسمه “معرض الإسراء”..

المراكب أشكال وألوان مختلفة، فيه المراكب اللي باللون البني الغامق أو البني الفاتح وطبعًا زيها زى السفن الحقيقية بالضبط مصنوعة من التوت والسويد والسنط، أحجامها مختلفة يعني فيه نماذج لليخوت الكبيرة، والمراكب الشراعية من مقاسات كبيرة وصغيرة ومتوسطة والأشرعة معمولة من الخيش أو قماش الستان طبعًا، بـ يبقى فيه خيوط بـ تربطها بجسم المركب نفسه وخرز لونه ذهبى علشان يتناسب مع لون النقش الموجود على المركب ودائمًا بـ يكون فيه قعدة للمراكب علشان تزين المكاتب والطاولات.

أسعار المراكب تتراوح ما بين 70 و80 و100 حسب حجم المركب والخامات المستخدمة فى صناعته، خلوا بالكم الفصال ممنوع حتى لو كنت هـ تشترى كذا مركب، ومن المراكب الشراعية إلى مراكب القراصنة اللى حجمها بـ يكون أكبر شوية من المراكب الشراعية، وكمان فيه مراكب الصيد الصغيرة زيها زى المراكب الموجودة فى منطقة بحري بالإسكندرية ودي أسعارها أقل من 70 جنيه طبعًا حسب الشكل والخامة.

كل مراكب “أبو شنب” صاحب معرض الإسراء شغلها يدوى، يعنى كلها معمولة بحرفية ودقة عالية، وده مش بـ ينطبق على المراكب وبس، لأ فيه كمان إكسسوارات بحرية ممكن تضفي جو جديد على بيتك ومكتبك، أو ممكن تناسب جو شاليهك أو شقتك اللى بـ تصيف فيها، هى إكسسوارات كلها لها علاقة بالبحر. هـ تلاقوا المنارات اللى بـ ترشد السفن فى الأصل، أطوالها مختلفة فيه منها غير الملون يعنى بلون الخشب فقط، وفيها منها مطلية بألوان الذهبى والنحاسى والبنى الغامق ومتركب فيها سلم، المنارة بالذات ممكن ما تبقاش مجرد قطعة زينة، لأ ممكن يتركب فيها شناكل أو مسامير صغيرة علشان تنفع تبقى شماعة صغيرة يتعلق فيها المفاتيح أو أدوات المطبخ لستات البيوت، وده حسب كلام أبو شنب.

كمان هـ تلاقى شكل الهيلب اللى أحيانًا بـ يزين شراع المركب وبـ يبقى حجمه صغير جدًا أو كبير مصنوع من معدن ولونه نحاسي أو ذهبي مؤكسد علشان يتعلق على الحوائط، زيه زى مجسم عروس البحر بذيلها المشهور، وكمان كلب البحر المصنوع من المعدن ولونه أسود، والسلحفاة البحرية، كمان هـ تلاقي دفة السفينة ودي مصنوعة من الخشب فيه منها حجم صغير وكبير معلق فى نصفها قارب النجاة الصغير وعوامة كمان.

نصيحة 360

ما تحاولش تفاصل علشان كل المجسمات شغل يدوي.

أحسن حاجة

مراكب الزينة وكأنها مراكب أصلية وتنوع الإكسسوارات البحرية.

أسوأ حاجة

المكان مش واضح قوي، مافيش يافطة للمعرض.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح