The Definitive Guide to Living in the Capital , Cairo , Egypt

تسوق
مكتبة آدم – Adam Bookshop

مكتبة آدم: أفضل مكتبة تلاقي فيها كتب أطفال بكل اللغات في المعادي

  • محل رقم 124، معادي جراند مول
  • مكتبات
تم التقييم بواسطة
Nagla Ashraf
قيم
قيم الآن
مكتبة آدم: أفضل مكتبة تلاقي فيها كتب أطفال بكل اللغات في المعادي

طبعًا المكتبات حاليًا بقيت كثيرة جدًا، وبـ تتنافس في الأسعار والخدمات، بس الحقيقة في كل المكتبات اللي رحناها في القاهرة، ماشوفناش مكتبة بـ تهتم بكتب الأطفال وكل احتياجاتهم التعليمية، زي “مكتبة آدم-Adam Bookshop”في جراند مول المعادي.

أول ما بـ تدخل المكتبة بـ تلاقي على أيدك اليمين كروت للتهنئة بأشكال مختلفة وجمل ظريفة، بعد كده هـ تلاقي على طول مجلدات عن مصر وتاريخها والعمارة لمحبي المجلدات والتاريخ وبالمناسبة كان عليها تخفيض 20%، كمان فيه مجلات خاصة بوصفات الطبخ وأسعارها معقولة تبدأ من 20 جنيه.

وطبعًا بـ تشوف كل الروايات اللي متاحة حاليًا في الأسواق، بأسعارها المعتادة والـNotebooksاللي عليها أشكال هندسية مميزة وجمل بخط عربي أصيل، سواء لكلمة واحدة زي “حلم” أو “علم” أو “حياة” أو لبيت شعر زي “أحبك حبين حب الهوى وحبًا لأنك أهل لذاك”، وأبيات ثانية كثير بكل الألوان.

كمان فيه براويز فيها صور فنانين الزمن الجميل زي فاتن حمامة وشادية وأحمد رمزي وعماد حمدي ونجوم ثانية. وبراويز مكتوب عليها بالخط العربي، كلمة واحدة زي “محبة” أو “حب” أو بيوت شعر برضه، والحقيقة أن أسعاره معقولة ومتناسبة. سعر البرواز على حسب حجمه ونوعه بـ يبدأ من 65 لـ125 جنيه.

أما بقى الكنز الكبير، يكمن في كتب الأطفال.. عارف إحساس علي بابا وهو بـ يقول: “ذهب.. ياقوت.. ألماظ.. أحمدك يا رب”، إحنا بـ نبقى عاملين كده وسط كتب الأطفال هناك، مبدأيًا أنت عندك أربع لغات للكتب: إنجليزي وفرنساوي وألماني وطبعًا عربي.

مما لا شك فيه أن قسم العربي عندهم أقل ما يقال عليه أنه متنوع، لأنه غني جدًا بكل أنواع القصص والكتب اللي بـ تنمي مهارات الطفل وأسعارهم بـ تبدأ من 10 لـ100 جنيه. مش بس كده عنده كمان كتب صغيرة جدًا لقصص ديزني وقصص ثانية مبتكرة الواحدة بـ 10 جنيه بس.

نيجي بقى للأقسام اللي بلغات ثانية، غير طبعًا القواميس اللي لا غنى عنها في أي مكتبة شخصية، هـ تلاقي كتب صغيرة فيها الأرقام والحروف للأطفال وقصص بأحجام مختلفة وكتب للتلوين، كما فيه لعب بـ تحفز روح الإبداع للأطفال سواء في التلوين أو الإكسسوارات.

الحقيقة أكثر حاجة لفتت نظرنا غير القصص وكتب التربية للأطفال اللي متنوعة برضه، الكتب الألمانية والفرنساوية طبعًا لندرة وجودهم وأسعارهم المعقولة، واللي بـ تبدأ من 15 لـ 150 جنيه. أما كتب اللغة الإنجليزية غير القصصوالروايات وكتب التربية، فيه كتب بـ تساعد الطفل  في كل العلوم  تقريبًا:حساب وعلوم طبيعية وكتب للمساعدة على القراءة والقواعد اللغوية Grammar، وأسعارها معقولة جدًا.

لو عاوز تشتري كتب لأولادك أنسب مكان لك هو مكتبة آدم، وممكن تظبط نفسك أنت كمان بكام رواية وNotebook، علشان مكتبة آدم بـ تجمع لك كل اللي تحتاجه في مكان واحد.

نصيحة 360

جرب تشتري برواز مختلف من عندهم لتزيين بيتك أو مكتبك.

أحسن حاجة

كتب الأطفال والـ Notebooks.

أسوأ حاجة

مش بـ تعمل ندوات.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح