The Definitive Guide to Living in the Capital , Cairo , Egypt

مكتبة الجامعة الأمريكية بالقاهرة

مكتبة الجامعة الأمريكية بالقاهرة: كل الغذاء اللي عقلك محتاجه في وسط البلد

  • 113 شارع القصر العيني
  • مكتبات
  • 0227975370
تم التقييم بواسطة
Katie Dryden
قيم
قيم الآن
مكتبة الجامعة الأمريكية بالقاهرة: كل الغذاء اللي عقلك محتاجه في وسط البلد

بدون أي تفكير، مكتبة الجامعة الأمريكية بالقاهرةAUC Bookstore تعتبر من أرقى وأحسن المكتبات من حيث الشكل والمضمون؛ وبالرغم من أن موقعها داخل الحرم الجامعي، فهي مع ذلك متاحة للجميع، مش بس لطلبة الجامعة أو العاملين بها. كل اللي محتاجه علشان توصل لها هو بطاقتك الشخصية، وفرد الأمن هـ يدلك على مكانها بمنتهى البساطة.

صحيح المكان يستاهل كل الاحتياط الأمني المفروض عليه؛ لأن المكان يختلف كثير عن الجو الخارجي المعروف لمنطقة وسط البلد، ففي الحرم نفسه المكان هاديء والخضرة في كل مكان مع وجود مقاعد خشبية للجلوس، أما في المبنى نفسه فالصمت هو سيد الموقف، وكل اللي في المبنى محترمين قعدة الصمت دي.

مش هـ نكذب عليكم، أسعار الكتب تعتبر غالية، إلا أننا صادفنا كتاب “The Secret” لـ “روندا بايرن” (100 جنيه)، والنسخة الفاخرة من المصحف بالإنجليزية (330 جنيه).

عدد الكتب كبير، ومعظمه مرتبط بالأقسام العلمية في الجامعة الأمريكية، ولكن ده ما يمنعش أنها منظمة ومرتبة بترتيب واضح وسهل في عملية البحث، من ضمن الأقسام دي: كتب تعليم اللغة العربية، والدراما والشعر، والكتب الكلاسيكية، والأخير لاقينا فيه مجموعة كبيرة لكتب شكسبير، وهيمنجواي وتشارلز ديكنز.

قسم الأطفال مش كبير، ولكن ده ما يمنعش أن فيه عناية كبيرة به، وكعادة أي حاجة متعلقة بالطفولة لاقينا كتب مجسمة ألوانها مبهجة ومغرية جدًا حتى لمجرد الفرجة، بنفس حجم القسم اللي فات لاقينا مجموعة من الأدوات المكتبية زي المذكرات بحجم الـ A5 من الجلد (100 جنيه) وإسكتشات الرسم بحجم الـ A4 بـ 40 جنيه).

أجمل حاجة أنك ممكن تأخذ وقتك في البحث على اللي أنت عاوزه في هدوء تام، أو أنك تسحب كتاب وتأخذ فكرة عامة عنه في منطقة مخصصة للجلوس في آخر المكتبة، ده غير أنك لو محتاج مساعدة أو عندك استفسار هـ تلاقي ألف من يدلك.  

نصيحة 360

المكتبة بـ تقيم حفلات توقيع وندوات، تابع أجندة كايرو 360 علشان تعرف المواعيد.

أحسن حاجة

مجموعة الكتب الكبيرة، ومش بس كده أحدث الإصدارات موجودة.

أسوأ حاجة

الكتب أغلبيتها غالية.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح