The Definitive Guide to Living in the Capital , Cairo , Egypt

نجمة حشمت

نجمة حشمت: جنة المنتجات الطازجة فى الزمالك

تم التقييم بواسطة
Melissa Howell
قيم
قيم الآن
نجمة حشمت: جنة المنتجات الطازجة فى الزمالك
من المؤكد أن منطقة الزمالك مافيهاش نقص فى عدد محلات البقالة؛ فيها فروع من كل سلاسل السوبر ماركت الكبيرة الموجودة فى القاهرة، ومحلين أو ثلاثة بـ يبيعوا فواكة، وعدد كبير من محلات البقالة الصغيرة والأكشاك، وحتى مقدمى الأطعمة الفاخرة زى «جورميه – Gourmet» و«فوالا – Voila». رغم كده عدد البقالين اللى بـ يعرضوا منتجاتهم محدود قوى بالنسبة لمكان يقدر يستوعب أنواع كثيرة من الأكلات. الأغرب من كده أن المحلات الموجودة أصلاً عندها تشكيلة قليلة وجودتها مشكوك فيها. بس «نجمة حشمت» زى اسمه ما بـ يقول يعتبر فعلاً نجم وسط محلات الزمالك.

“نجمة حشمت” موجود فى شارع أحمد حشمت قريب من شارع إسماعيل محمد، وعنده كميات هائلة من المنتجات الطازجة. المحل الصغير مافيهوش بهرجة ويتميز بالبساطة، وبـ يفرش منتجاته من الخضروات الصالحة للأكل فى الخارج. أقفاص الخس والتوابل بـ تغرى الناس اللى بـ تعدى على المحل علشان أحسن طريقة تعبر عن المكان هى منتجاته نفسها.واجهة المحل المظللة بـ تعرض خس الآيس بيرج (4 جنيه) خس أخضر أو أحمر (3 جنيه)، وأوراق وأعشاب. محبي صوص البيستو هـ يحبوا الريحان الطازج الكثير بطعمه المسكر واللى سعره أكثر من معقول (5 جنيه). كل المنتجات الخضراء فى المحل والمعرضة للذبول بـ يعتنوا بها وبـ تتسقى كل فترة بالمياه علشان تحميها وكمان يوفر من وقت تحضير الأكل.
المكان من الداخل مقسم بالتساوى بين الخضروات والفواكة. كل الخضروات التقليدية موجودة زى البصل، والبطاطس، والخيار، والكوسة، والفلفل والقرنبيط. الحاجات اللى صعب تلاقيها بره زى الهليون asparagus، والكُرّات، والبروكلى (8 جنيه للكيلو) عادة موجودة عند “نجمة حشمت”.
كمان هـ تلاقى فواكة الموسم موجودة، فى الوقت الحالى عندهم جريب فروت لذيذ، ورمان وتفاح (سعر الكيلو 12 جنيه). “نجمة حشمت” كمان بـ يقدم منتجات مستوردة من أماكن ثانية فى المنطقة منها البرقوق والأفوكادو (سعر القطعة حوالى 10 جنيه).

نادرًا ما تلاقى عنده فواكة أو خضروات ذابلة أو بايظة، وعلشان كده الموظفين فخورين أنهم بـ يقدموا أجود المنتجات. الاستثناء الوحيد هو أنهم بـ يبيعوا منتجات معبأة فى أطباق من الفوم بـ تبقى محبطة أحيانًا.

علشان تتأكد من الاستفادة من الفلوس المدفوعة اطلب منهم كيس واختار حاجتك بنفسك، على عكس أماكن ثانية الموظفين بـ يوافقوا على طلبك بكل سعادة. رغم أنك هـ تدفع كثير فى منتجاتهم بس برضه الأسعار أرخص من أسعار فروع السوبر ماركت الكبيرة، وطبعًا الجودة أحسن.

نصيحة 360

روح بدرى علشان تأخذ أحسن حاجة.           

أحسن حاجة

"نجمة حشمت" بـ يبيع بعض من أجود المنتجات فى القاهرة سواء كانت منتشرة أو نادرة.

أسوأ حاجة

الفواكة المغلفة، واللى عددها قليل، أحيانًا بـ تبقى خسارة أنك تشتريها.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح