The Definitive Guide to Living in the Capital , Cairo , Egypt

هاي هوم

هاي هوم: تشكيلة كبيرة من الأثاث والإكسسوار في مصر الجديدة

تم التقييم بواسطة
Angie El Batrawy
قيم
قيم الآن
هاي هوم: تشكيلة كبيرة من الأثاث والإكسسوار في مصر الجديدة

في ميدان تريامف في مصر الجديدة،
محل صغير أنواره جامدة من بعيد شدنا، أول ما تقرب وتنزل الكام سلمة اللي بـ يؤدوا
للمدخل وعلى الجانبين جنينة صغيرة هـ تلاقي صوت مزيكا صدر عن Sensor أول ما تدخل من
الباب علشان تنبه العاملين في محل «هاي هوم – High Home» أن عندهم ضيف جديد.

“هاي هوم” محل أثاث
وإكسسوارات منزل (زي تابلوهات، تماثيل على شكل حيوانات وأشخاص، وحدات إضاءة زي
الأباجورة، فازات، وغيرها)، الإكسسوارات مستوردة من الفلبين، وتايلاند، وكينيا، والهند،
وباكستان، وأندونيسيا. أما الأثاث المنزلي (ماعدا أثاث المطابخ) بـ يصنعوه لك بناء
على نماذج صور عندهم، أو لو جبت لهم صور لأثاث أنت حابب تصنع شبهه في ورشتهم في
عين شمس.

المحل موجود من سنة 2005، مساحته
صغيرة لكن فيه تنويعات كثيرة جدًا على كل الأذواق ومافيش قسم مخصص لكل حاجة، كل
الحاجات محطوطة مع بعضها، والطرقات صغيرة مش مستقيمة عاملة زي بيت جحا شوية لحد ما
توصل لمكتب صاحب المحل أحمد أنور. العاملين في المحل ودودين جدًا ومتعاونين وبـ
يفضلوا معاك لو أنت حابب تسأل عن حاجة وتفاصيلها.

أسعار الإكسسوارات بـ تتراوح من
50 لحد 5 آلاف جنيه على حسب الحجم والخامة المصنوع منها، يعني مثلاً شفنا هناك
تابلوه على شكل مجموعة من كذا حصان بارزة ومحفورة من قطعة خشب واحدة (3750 جنيه)،
وتماثيل القطط الخشب المطعمة بالمعدن (50 جنيه)، إلى جانب تماثيل لحيوانات ثانية
من الخشب المطعم بالنحاس. فيه كمان حاجة هاي هوم بـ يصمموها هي الستيكرز اللي بـ
تتعلق على الحائط كديكور. أما بالنسبة للأثاث لقينا عنده كنبة كبيرة على شكل حرف L بـ 10 آلاف جنيه من القطيفة، ولو
عاجبك الشكل ممكن تغير خامة الكنبة وحجمها يكبر ويصغر على حسب مساحة شقتك. 

الخدمة في “هاي هوم” مش
بـ تقف عند حد التصنيع للأثاث فقط، لأنهم هناك حريصين أن شغلهم يتوظف مع باقي
ديكور شقتك بشكل كويس علشان على حد قولهم “قطعة الأثاث ما تتظلمش”، أحمد
أنور صاحب المحل لازم بـ يسألك لون الحائط في شقتك إيه ومساحتها وبـ يعرف كل
تفاصيل Plan
الشقة علشان يتفصل صح وكمان بـ يقدم لك توصية للون الستائر والأرضيات علشان المكان
يكون وحدة واحدة مش مجرد قطعة أثاث من عنده محطوطة في بيتك وخلاص.

نصيحة 360

موضوع تنسيق الأثاث مع لون وأرضية البيت مهم جدًا، شوف التوصيات والنصائح اللي هـ يقدموها لك في "هاي هوم" ومش هـ تخسر.

أحسن حاجة

نطاق الأسعار واسع جدًا فأكيد هـ تلاقي حاجة تناسبك.

أسوأ حاجة

مافيش موقع على الإنترنت للمحل ولا جروب على الفيسبوك.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح