The Definitive Guide to Living in the Capital , Cairo , Egypt

تسوق
هش بابيز

هش بابيز: ماركة أحذية أمريكية كلاسيك في سيتي ستارز

  • سيتي ستارز المرحلة 2 - الدور 1 - شارع عمر بن الخطاب
  • أحذية
  • 10AM - 12AM -
تم التقييم بواسطة
Salma Tantawi
قيم
قيم الآن
هش بابيز: ماركة أحذية أمريكية كلاسيك في سيتي ستارز

لو فيه حاجة واحدة فقط حقيقية في العالم ده فهي أننا –ولاد وبنات- أكيد لا
يمكن يكون عندنا أحذية كثيرة. «هش بابيز – Hush Puppies» في سيتي ستارز عنده تشكيلة متنوعة إلى حد ما ولكن
في نفس الوقت شكلهم مش جذاب كفاية لنا وخاصة لمدمنيها علشان تتميز وسط الأحذية
العملية واللي أسعارها معقولة اللي موجودة في كل مكان في كايرو.

بنظرة واحدة على أزواج الأحذية في أقسام السيدات والرجال وحتى الأطفال هـ
تحس أن الأحذية دي بقالها على الأرفف على الأقل سنتين، ومن الآخر الستايل بتاعهم
ما نقترحوش لكم.

جودة الجلد وخامة الأحذية جيدة جدًا، خامة الجلد ناعمة وشيك. زوج جزمة بكعب
عالي سوداء سادة هـ تكلفك 750 جنيه، ولكن ممكن تلاقي هناك صندل ذهبى هـ يشد انتباهك
بـ 600 جنيه وهـ يكون مريح أكثر.

بالكاد هـ تلاقي نوع واحد من الأحذية هـ يعجبك بالرغم من أن مافيش اختيارات
كثيرة في كل ستايل. لقينا جزمة كلاسيك كعبها منخفض بني بـ 500 جنيه محطوطة جنب
جزمة مسطحة بـ 188 جنيه، وجنبهم كمان شبشب فيه ورد بـ 300 جنيه، في أي مكان تبص هـ
تلاقي حاجة مختلفة أسوأ أو أفضل.

أغلب القطع اللي موجودة في القسم الرجالي تقريبًا حاجة واحدة. زوج الأحذية
التقليدي بـ يبدأ من 700 جنيه، وفيه قسم ممكن تلاقي فيه شبشب جلد بـ 400 جنيه.
وفيه كمان منتجات عناية بالأحذية الجلد والرياضية متاحة بألوان مختلفة وبـ تبدأ من
39 جنيه.

قسم الأطفال هو أصغر قسم فيهم. في الحقيقة ممكن يفوتك وما تلاحظوش وأنت
ماشي بـ تتفرج على الأحذية في قسم السيدات لأنه جنبها. يمكن “هش بابيز”
عنده أصغر أحذية ممكن تشوفها عينيك على وجه الأرض لكن ثمنها كان 200 جنيه، كانت
مغرية للشراء جدًا.

“هش بابيز” عنده كمان إكسسوارات زي الشرابات ونظارات الشمس
بتصميمات مختلفة زي النظارة الكبيرة اللى كان لونها أحمر وفيها نقشة النمر بـ 300
جنيه، فيه كمان كذا شنطة كانت معلقة على حائط المحل وما كانش شكلهم جذاب خالص، لكن
ممكن يعجبوك لو بـ تدور على شنط جلد سادة مصنوعة بشكل جيد ممكن تكلفك حوالي 500
جنيه.  

على الرغم من اللوجو اللطيف للمحل، “هش بابيز” مش المحل اللي تقع
في غرامه من أول زيارة، يمكن يحالفك الحظ وتلاقي اللي بـ تدور عليه، ولكن بسبب
كمية الاختيارات المحدودة مش سهل أن ده يحصل.

نصيحة 360

"هش بابيز" له فرع ثاني في مول العرب.

أحسن حاجة

أحذية مسطحة بسيطة وشيك موجودة وخامتها كويسة.

أسوأ حاجة

جو المحل ما يشجعش أنك تقعد فيه كثير، خاصة لو البنت اللي في المحل ماشية وراءك.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح