The Definitive Guide to Living in the Capital , Cairo , Egypt

هنكمولر – Hunkemoller

هنكمولر: إعادة Branding وافتتاح لماركة اللانجيري فى كايرو فيستيفال سيتي

  • داخل كايرو فيستيفال سيتي
  • ملابس حريمي
  • 224802370
  • 10 صباحًا - 12 مساءً
تم التقييم بواسطة
Aliaa Serry
قيم
قيم الآن
هنكمولر: إعادة Branding وافتتاح لماركة اللانجيري فى كايرو فيستيفال سيتي

أول ظهور لـ هنكمولر – Hunkmoller –أو Bodique وقتها- كان في سيتي ستارز مول من كام سنة فاتوا. بعد التغيير للاسم الجديد فتحوا أحدث فروعهم في واحد من أكبر مولات التسوق –وهو كايرو فيستيفال سيتي- كمحاولة للحفاظ على مكانته وسط مجموعة كبيرة من ماركات اللانجيري الموجودة في مصر.

وبما أن مساحة المحل مش كبيرة فمن السهل جدًا أنك تتفرج على المعروضات في جولة واحدة سريعة، استقبلنا اثنين من مسئولي البيع بابتسامة لطيفة، وكلمونا عن عملية الـ Rebranding اللي مرت بها الماركة، بعدها أخذنا جولتنا في المكان مع استعدادهم التام لمساعدتنا وقت ما نحب.

أول مجموعة لفتت نظرنا كانت للملابس الرياضية، واللي كانت بـ تضم قطع أي واحدة غاوية جيم هـ تحتاجها؛ من ضمن المجموعة دي Sport bra أسود في وردي (495 جنيه)، بنطلون يوجا لونه أسود (236 جنيه) أما الجاكيت اللي بـ يليق عليه فسعره (375 جنيه).

المجموعة المعروضة الخاصة بالمايوهات -واللي كانت مكونة من مايوهات بيكيني فقط- فنعترف أننا ما حبيناهاش، لأن تفاصيلهم كانت كثيرة والشغل فيهم كان زيادة. زي بيكيني لونه وردي فاقع عليه مجموعة من القطع المعدنية، سعر القطعة العلوية (235 جنيه) أما السفلية (150 جنيه). ما اختلفتش الكاش مايوهات عن المايوهات بـ تفاصيلها ونقشتها الغريبة، من ضمنهم واحد عليه مجموعة من النقشات الهندسية المكونة من الألوان: الأحمر، الأزرق والأبيض (395 جنيه).

استغربنا أن المعروضات من اللانجيري معظمها غير عملية بالمرة ومش للاستخدام اليومي، لأن الألوان المستخدم فيها صارخة وكمية الدانتيل فيها رهيبة، لفت نظرنا حمالة صدر Bra  لونها بنفسجي وعلى أطرافها دانتيل باللون الأسود (315 جنيه)، ومن ضمن العروض اللي كانت موجودة وقت زيارتنا هو أنك تأخذي 3 قطع ملابس داخلية بسعر اثنين (72 جنيه للواحد).

بعكس دوشة موديلات المايوهات واللانجيري، مجموعة البيجامات وملابس النوم تميزت ببساطتها، من ضمنهم بيجاما التوب لونه برتقالي وأبيض (181 جنيه)، ومعاه الشورت بسعر (264 جنيه).

بالرغم من أن الأذواق المعروضة –خصوصًا في اللانجيري والمايوهات- محتاجة جرأة، وخصوصًا أنها مش للاستخدام اليومي؛ ولكن الملابس الرياضية، بالرغم من قلتها، إلا أنها عملية ومناسبة، ده غير أن القائمين على الخدمة ممتازين، وبـ يتعاملوا بمنتهى المهنية.

نصيحة 360

كل فترة هنكمولر بـ يقدم عروض مختلفة على منتجاته.

أحسن حاجة

بساطة مجموعة الملابس الرياضية المريحة.

أسوأ حاجة

المبالغة في تصميمات اللانجيري، وأذواقها الغريبة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح