The Definitive Guide to Living in the Capital , Cairo , Egypt

أهل الرأي

أهل الرأي: تفسير لكل حاجة بـ تحصل حولنا

  • توك شو
  • من الآن
  • محمد يونسمحمد يونس
تم التقييم بواسطة
Marwa Fathy
قيم
قيم الآن
أهل الرأي: تفسير لكل حاجة بـ تحصل حولنا

أوقات
كثيرة بـ نصادف في حياتنا وجهات نظر متضاربة وآراء متعددة عن قضية أو موضوع بـ يشغل
بالنا، لكن مش بـ نعرف فين الصح والخطأ في كل الآراء دي، وبرنامج “أهل الرأي”
اللي بـ يعرض على قناة دريم 1 يقدر يوضح لنا كل الآراء المختلفة وإيه الصح فيها.

البرنامج
بـ تقدمه د. درية شرف الدين وطبعًا كلنا عارفينها لأنها كانت بـ تقدم زمان برنامج
نادي السينما واللى كانت دائمًا بـ تستضيف فيه رفيق الصبان الناقد السينمائي، لكن في البرنامج ده بـ تهتم أنها تعرض مقدمة بسيطة لمضمون الحلقة وبعد كده تبدأ
تستعرض آراء الناس المختلفة عن موضوعها وده بـ يكون في شكل تقرير مصور وبـ تهتم
بمعرفة آراء المفكرين والمثقفين عن القضية اللي بـ تعرضها في لقاء حواري مميز.

ونلاحظ أن
البرنامج بـ يهتم بعرض موضوعات متنوعة، مش موضوعات لها طابع واحد، يعني مثلاً
موضوع التفاؤل عند المصريين وليه الضحكة افتقدها الشعب المصري، موضوع الإبداع
الفني، ومصر في عيون أبنائها بالخارج وغيرها من موضوعات ثانية كثيرة متنوعة،
والجميل في البرنامج انتقاء د. شرف الدين لضيوفها لأن لهم طابع مميز يجذب انتباه
المشاهد وده بـ يساهم بشكل كبير في نجاح البرنامج، وكمان مساحة الكلام اللى بـ تسمح
لهم بها بـ تساعد على كده، والهدوء التام في أدائها بـ يعطى للبرنامج طابع خاص
ومميز لـ د.درية شرف الدين.

كمان بـ تهتم
بعرض كل وجهات النظر المختلفة فيما يخص موضوع الحلقة، والمختلف في البرنامج عن
باقي البرامج الحوارية أنها بـ تتعرض لفقرة كاريكاتورية أثناء اللقاء الحواري مع
ضيوفها لأحد الفنانين البارزين في مجال الرسوم الكاريكاتورية علشان يعلقوا ويقولوا
رأيهم في موضوع الحلقة سواء بالرسومات أو آرائهم الشخصية.

ورغم
تميز البرنامج إلا أن أداء د. درية شرف الدين يمتاز بالهدوء الشديد حتى في مناقشة
الموضوعات الحيوية اللى ممكن تساعد في استهانة المشاهد بالموضوعات اللى بـ يقدمها
البرنامج، وكمان مش بـ تحاول توجد حل جذري للموضوع اللى بـ تطرحه في الحلقة، فهى بـ
تهتم بعرض القضية من كل جوانبها، ورغم مكانتها الإعلامية إلا أنها ما قدرتش تستفيد
من ده فى تميز برامجها وسط سباق برامج التوك شو، وكمان ديكور البرنامج تقليدي جدًا
ومافيش أي مشاركات من الجمهور في البرنامج سواء عن طريق البريد الإلكتروني أو الاتصالات
التليفونية وده بـ يجعل البرنامج رتيب ومعتاد، وكمان بـ تهتم د. شرف الدين باستخدام
اللغة العربية الفصحي في تقديمها للبرنامج وده طبعًا مش بـ يناسب رجل الشارع
البسيط.

عجبك ؟ جرب

برنامج "بهدوء" لعماد الدين أديب على قناة cbc.

نصيحة 360

من البرامج الحوارية، بـ يُعرض كل يوم جمعة الساعة 5 مساءً ومن تقديم د. درية شرف الدين ورئيس تحرير محمد الشبة وإخراج محمد يونس، ويذاع على قناة دريم الفضائية.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح