The Definitive Guide to Living in the Capital , Cairo , Egypt

سؤال:

يا ترى ليه أوبرا وينفري على فتافيت؟.. ده السؤال الأول اللى خلانا نقف أمامه الأول قبل ما نتكلم عن البرنامج، يعني فتافيت قناة أكل في المقام الأول وهي أول قناة عملت كده قبل أي حد ثاني، ومن هنا كان لازم السؤال.. ليه برنامج أوبرا وينفري؟

إجابة:

أن الإنسان هو الهدف الأول ولأن أوبرا وينفري اشتغلت على تيمة الإنسان جدًا، ولأنها عانت كثير في حياتها وعاشت يتيمة، وتعبت في حياتها جدًا وعانت كمان من التمييز العنصري في شبابها، وكانت فقيرة في أول حياتها، كل دي عوامل خلتها تبقى بـ تفهم الإنسان وبـ تحس به قوي، علشان كده لما عملت برنامجها "مع أوبرا وينفري" اشتهرت وبقى لها معجبين في كل الدنيا… وعلشان كده لما تعاقدت معاها قناة فتافيت على برنامج خاص بقناتها كان في دماغها حاجة واحدة هو شعار القناة "الحياة حلوة" وعلشان تبقى الحياة حلوة، فالقناة محتاجة تعمل حاجة جديدة تخلي الحياة حلوة.

الحاجة الجديدة:

الحاجة الجديدة أن فتافيت هـ تعمل برنامجين في برنامج واحد شايل اسم أوبرا وينفري الأول بعنوان Super Soul Sunday والثاني بعنوان Iyanla: Fix My Life وكل عنوان بـ يطرح معظم المشاكل اللي بـ تعاني منها الناس في المجتمع، وبـ تسلط الضوء بشكل كبير على الصعوبات اللي بـ تعترض حياة كل امرأة، وكمان بـ تدور على الحلول عن طريق مناقشات مع أشخاص وضيوف وأخصائيين عاشوا تجارب قاسية، أو اختبروا لحظات مصيرية مهمة في حياتهم، واللحظات دي غيرت مجرى حياتهم بالكامل، علشان نستخلص منها العبّر اللي بـ تتكشّف وتبان أمام الناس على امتداد الحلقات.

الحياة حلوة:

البرنامج مميز وبـ تقدمه نجمة مشهورة وهو نقلة نوعية على قناة فتافيت وجرأة منها أنها تتكلف التكاليف دي كلها، لكن نعتقد أنها تكاليف في مكانها وهـ تعمل صدى عالي جدًا على كل المستويات، خاصة أن البرنامج فكرته قريبة من الناس وبـ يدور في المشاكل وحلها، وعرض تجارب كثير وده بـ تحبه الناس، كمان بـ يعرض تجارب أجنبية أكثر من العربية، وده بـ يخلي الجمهور مركز مع فئة وشريحة جديدة، والستوديو والتصوير الخارجي والتقارير معمولة باحترافية واضح أنها كلها مُسجلة ومونتاجها معمول فى أوربا أو أمريكا لأن التقنية عالية جدًا وده كمان بـ يفرق مع البرنامج من ناحية الشكل والمضمون، برامج أوبرا وينفري على فتافيت حاجة مختلفة دوروا عليها وشوفوها.