The Definitive Guide to Living in the Capital , Cairo , Egypt

تليفزيون
إزي الصحة

إزي الصحة: الإعلانات في شكل برنامج طبي على قناة النهار

  • مي حامدهند رضا
  • عائلي
  • من الآن
تم التقييم بواسطة
Muhammad Nasr
قيم
قيم الآن
إزي الصحة: الإعلانات في شكل برنامج طبي على قناة النهار

قليل لما نسمع عن برنامج طبي ونفسنا نشوف حاجة تُقدم في الإعلام العربي على مستوى البرنامج الأمريكي The Doctors أو  Dr.Oz، للأسف إحنا لسه فاضل لنا شوية عقبال ما نوصل لـ 10/1 المستوى المتميز ده في البرامج الطبية والبرامج عمومًا.

برنامج النهارده هو ظاهرة في عالم البرامج الطبية تقدروا تقولوا أنه إعلان لمدة 20: 30 دقيقة عن إمكانيات واحد من اللي بـ يمارسوا مهنة الطب مع مذيعتين شكلهم ظريف وشيك.

البرنامج كل حلقة بـ يتناول موضوع من المواضيع الطبية زي السمنة والأمراض الجلدية أو في مجال العظام أو الأسنان أو المواضيع الأخرى، مقدمة البرنامج بسيطة وصغيرة بموسيقى هادئة ورسمة تليسكوب بـ يدل على الطب، بعد المقدمة اللطيفة دي بـ تبدأ مذيعة البرنامج (هند رضا أو مي حامد) تقول إيه الموضوعين اللي هـ تتكلم عنهم في الحلقة ومقدمة بسيطة عن الموضوع وتعريف للطبيب/ الطبيبة اللي هـ يقدموا نصائحهم وفي نفس الوقت الإعلان عن عيادتهم أو مركزهم الطبي.

أماكن الكاميرا تقليدية مافيش كلام كثير نقدر نقول عليه في الجزئية دي، كادر ثابت على الضيف وكادر ثابت على المقدمة وشوية من هنا وشوية من هنا وكادر ثالث بـ يعرض الستوديو بصورة عامة متضمن الضيف والمذيعة، خلف الضيف بـ تبقى شاشة متوسطة الحجم فيها إعلان عن المركز الطبي أو العيادة بتاعة الضيف وطبعًا خلال الحلقة بـ تقوم المذيعة بالمباركة والإعلان عن أنه أحسن دكتور في مصر أو أحسن دكتورة في مصر والحاصلة على زمالة الكلية الفلانية وجائزة البتاع العلانية في الطب.

صحيح فيه نصائح كويسة وشرح معقول لبعض المشاكل بس كمية الإعلانات للضيف بـ تبقى مبالغ فيها، والأكثر غرابة أن الضيوف بـ تكون أسعارهم مبالغ فيها (ضيف من الضيوف اتصلنا نشوف الأسعار بتاعته عاملة إزاي بعد الإعلان الجامد له وكانت النتيجة.. شكرًا). 

برنامج “إزي الصحة” ما كناش قادرين نصنفه برنامج طبي، هو ينفع أكثر برنامج إعلاني على قناة إعلانات، بس ده ما يمنعش أنه يحتوي على مجموعة من النصائح والمعلومات الطبية القيمة.

عجبك ؟ جرب

التفاح الأخضر على MBC مصر.

نصيحة 360

يُعرض الساعة 12 ظهرًا على قناة النهار وبعدها بساعتين على النهار +2.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح