The Definitive Guide to Living in the Capital , Cairo , Egypt

الأولياء

الأولياء: برنامج عنوانه الله على قناة دريم 1

  • عائلي
  • من الآن
تم التقييم بواسطة
Ahmed Abd El Gawad
قيم
قيم الآن
الأولياء: برنامج عنوانه الله على قناة دريم 1

 الطريق:

امشي على طول واكسر أول يمين.. وبعدين كمل طوالي عدي تاني إشارة وهناك هـ تلاقى العنوان..

ده ممكن يكون وصف اتوصف لحضرتك قبل كده أو حاجة قريبة منه وأنت رايح مشوار محدد وبـ تسأل أهل الخبرة.. ولما تسمع الوصف اللى فات هـ تمشى عليه بالضبط علشان توصل.. علشان إيه؟ علشان توصل..

نفس الفكرة عند الصوفية، هما بـ يوصفوا الطريق علشان توصل والعنوان “الله”، علشان توصل لطريق الله لازم تعرف الطريق.. والطريق فيه علامات والعلامات محتاجة اللى يدلك عليها واللى يدلك عليها هم الأولياء.

 

الأولياء:

يعنى إيه ولي؟.. الولي فى اللغة يعنى المحب أو النصير وكأنه هو اللى بـ يحب ربنا وربنا بـ ينصره.. وبرنامج الأولياء برنامج متميز علشان شوية حاجات:

هو برنامج متخصص عن الصوفية وده قليل فى برامجنا، ومقدم البرنامج د. يوسف زيدان عنده خبرة واسعة جدًا بالموضوع ومش بـ يحكى وخلاص، والبرنامج فيه توليفة ما بين التاريخ والمعانى الصوفية، كمان ما تقدرش تقول عليه برنامج دينى ومع ذلك بـ يعمل حالة صفاء حلوة لما تسمع حلقاته.

الموضوع مش مجرد حكايات عن الصوفية لا ده حكايتهم وطريقتهم وأنصارهم وأتباعهم، وهـ تعرف فى البرنامج يعنى إيه “الطريقة”، وأن مش كل الطرق الصوفية سليمة ومش كلها مريضة زى أى مجتمع فيه وفيه، البرنامج مش بـ يركز على أشخاص بعينهم قد ما بـ يركز على تاريخ التصوف فى العالم العربى وإزاى بدأ وتطور ووصل لإيه، هـ تحس أن د. يوسف زيدان متصوف أصلًا خاصة لما يتكلم عن حد من شيوخه فى وسط الحلقات ويذكر مواقف معاهم، كمان خبرة د. زيدان فى المخطوطات أعطت البرنامج بُعد جديد لأنه كان بـ يستعين بالمخطوطات اللى عنده فى شرح مصطلحات كثير وفى التعريف بناس ممكن تكونوا ما سمعتوش عنهم قبل كده.

 

الوصول:

الهدف من البرنامج واضح فى طريقة عرضه اللى بـ تعتمد على كاميرا مركزة جدًا على د. يوسف وهو بـ يتكلم وخطابه للناس اللى بـ يحاول يوصلُّهم الصوفية مش الناس اللى واقفة فى الحضرة أو الدراويش لكن كان فيهم سادة وأغنياء وأمراء وجنود وعلماء وشيوخ فيهم (البسطامي والحلاج وابن عربي والنفري) لازم تتابعوا البرنامج علشان تعرفوها.. المحطة الأخيرة بعد ما تتعرف على الصوفية وتتعرف على طريقهم هى “الوصول”، يعنى إيه الوصول؟

نقول لكم.. “الوصول” يعنى تعرف ربنا كويس وتحس أنه معاك طوال الوقت فـ تذكرهه طوال الوقت ودى حالة تكلم عنها الصوفية كثير.. لو عاوزين تعرفوا كل اللى فات هـ يتم إزاى يبقى لازم تشوفوا برنامج “الأولياء”.

عجبك ؟ جرب

برنامج "على طريق الله" لمصطفى حسنى.

نصيحة 360

البرنامج تقديم د. يوسف زيدان وإخراج هيثم البيطار يعرض على قناة دريم 1 كل ثلاثاء الساعة 5 مساءً والإعادة الساعة 11:30 مساءً و 5 صباحًا.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح