The Definitive Guide to Living in the Capital , Cairo , Egypt

التحقيق

التحقيق: برنامج عن خبايا الطرف الثالث في مصر

  • إخباريتوك شو
  • من الآن
  • ماجد أمينماجد أمين
تم التقييم بواسطة
Marwa Fathy
قيم
قيم الآن
التحقيق: برنامج عن خبايا الطرف الثالث في مصر

كل يوم بـ تحصل حولنا أحداث قوية
وكثيرة لكن ما بـ نعرفش إيه السبب ورائها، وعلشان نعرف تفسير كل الموضوعات اللى بـ
تحصل يبقى لازم نشوف برنامج «التحقيق» اللي بـ يعرض على قناة النهار الفضائية وبـ يقدمه
عمرو الكحكي.

بـ يبدأ البرنامج بمقدمة بسيطة عن
مضمون الحلقة من المذيع، وبعدها بـ يعرض فيلم تسجيلي لمدة نصف ساعة عن موضوع
الحلقة، والمميز فيه أنه شامل لكل جوانبه وبـ يناقشه من كل الزوايا، وكمان فيه
لقاءات حوارية مع متخصصين سواء في المجال المهني أو العلمي للحدث، وكمان بـ يكون
فيه لقاءات حوارية مع محتكرين بعض الصناعات واللى بـ يكون لهم دور قوي في صناعة
الأزمة.

لكن مستوى تصوير الفيلم التسجيلي
سيء جدًا كأن الصورة مسجلة من كاميرا موبايل، وكمان فيه أماكن كثيرة مش واضح
تصويرها على الرغم من أن أداء مقدم التحقيق مميز، وكمان فيه احترام لخصوصية بعض
الناس في التصوير، زي مثلاً في مناقشة موضوع أزمة أنبوبة البوتاجاز وإيه السبب
وراء زيادة الأزمة بشكل كبير كل شتاء خاصة أنها زادت السنة دي مع الغياب الأمني
الكبير، وده ساعد على ظهور السوق السوداء وطبعًا في استغلال للناس وبـ يحققوا مكاسب
كبيرة.

وبعد انتهاء الفيلم التسجيلي بـ يهتم
الكحكي بعمل لقاءات حوارية داخل الستوديو مع بعض المتخصصين في موضوع الحلقة، لكن
من الملاحظ أن أداؤه غير جيد وبطئ في إدارة الحوار وكمان طريقة مناقشته للموضوعات
غير حماسية فلها طابع رتيب وكمان فبـ يصيب المشاهد بالملل وبالتالى ما عندوش قدرة
عالية على جذب انتباه الجمهور، من الواضح أنه بارع ومتميز في إدارة برامج القناة لكن
في مجال الإذاعة والتقديم مستواه بسيط ومع كل ده إخراج البرنامج مافيهوش أى تقنيات
حديثة أو إبداع، وده بـ يظهر بشكل واضح في ديكور البرنامج التقليدي والبسيط جدًا.

وكمان نلاحظ محاولة تقليد مجدي
الجلاد في برنامجه «لازم نفهم» اللي بـ يعرض على قناة cbc الفضائية لكن مع اختلاف تميز
برنامجه عن التحقيق، وبـ يظهر بوضوح وجود بعض المصطلحات اللى من الصعب على المشاهد
العادي أنه يفهمها بدون محاولة توضيحها، وكمان الضيوف اللى بـ يختارهم البرنامج
سطحيين جدًا وغير متعمقين في الموضوعات اللى بـ تُناقش، فأفضل ما في التحقيق هو
الفيلم التسجيلي.

عجبك ؟ جرب

"لازم نفهم"، "ممكن"

نصيحة 360

من برامج التحقيق التليفزيوني لكن دوريته غير منتظمة، بـ يعرض كل أسبوعين أو ثلاثة على الأكثر يوم الخميس الساعة 11 مساءً ولمدة ساعتين، من تقديم عمرو الكحكي، وإخراج والي ولي الدين، ورئيسا التحرير حازم إبراهيم وهيثم أحمد. ومقدم الفيلم التسجيلي محمد محيي الدين ومن إخراج ماجد أمين.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح