The Definitive Guide to Living in the Capital , Cairo , Egypt

الجراج

الجراج: برنامج بيهتم بتفاصيل السيارات على قناة CBC

  • عائلي
  • من الآن
تم التقييم بواسطة
Ahmed Abd El Gawad
قيم
قيم الآن
الجراج: برنامج بيهتم بتفاصيل السيارات على قناة CBC

أهلا بيكم:

أهلا بيكم وحلقة جديدة من برنامج الجراج..

الفيروس العالمي اللى بيصيب السيارات..

عربية بتوقيع (جيمس بوند) يا ترى هتتباع بكام؟

دي مقدمة كده من برنامج الجراج، اللي بيجي على قناة cbc، وفكرته مش جديدة، بس بيقدم البرنامج اتنين فكرهم حلو وطريقتهم كمان.. علا عامر وأمين عليوة.

 

الفكرة:

بدأوا الحلقة الأولى بتقرير عن معرض فورميلا وان، وقابلوا مسؤولين كتير والحلقة كانت عبارة عن تقرير كبير عن المعرض، بس صراحة اتعملت حلو، وأهم حاجة شدتنا هي قدرة المذيعين على الحوار، وأسئلتهم كمان كانت في مكانها وكانوا محضرين كويس (مذاكرين يعني) وكمان حضورهم مع الكاميرا كان هايل.

 

القبول:

لازم نقول أن البرنامج بيبان من عنوانه، بمعنى لما تلاقي عنوان مميز ودارج وكل الناس بتستخدمه بس كان تايه عن بالك أنه ممكن يبقى برنامج ساعتها اعرف أن اللي قايمين عليه ناس بتفهم، وفي الغالب بيطلع برنامج حلو ومتشاف، بالضبط ده اللي عايزين نقوله، برنامج الجراج باين من عنوانه، كلنا عارفين الجراج بس مين فكر أنه يخليه اسم برنامج، ده اللي شدنا ليه من الأول. ولما اتفرجنا عليه ولاقينا قد إيه مهتمين بالتفاصيل وبالإيقاع السريع عرفنا أنه هينجح بس دايمًا فيه مشكلة.

 

المشكلة:

المشكلة بقى أن البرنامج متخصص يعني هيركز معاه الناس اللي بتحب العربيات أو اللي عندها عربية وعايزة تفهم تفاصيل عنها، هنا مشكلة كبيرة صراحة لأن البرنامج الناجح لازم يخاطب فئة كبيرة وشريحة عريضة من الجمهور علشان ينطلق ويبقى متشاف، وده كان ممكن يعملوه لو فيه فقرات بتهتم بحاجات زي (إزاي تشتري عربية رخيصة؟ إزاي تصلح عربيتك بنفسك؟ المواصلات والتوفير؟ حلقات عن العجل والموتوسيكلات والفيسبا والاسكوتر) لو عملوا كده أكيد هيجيبوا جمهور أكتر.

 

الجمهور:

بس هو الجمهور يتفرج ليه؟ سؤال مهم لازم يجاوبوا عليه لأن الإجابة على السؤال ده هي نص النجاح، والنجاح هو اللي بيفرق برنامج على التاني، وإحنا شايفين أن البرنامج حلو لأنه بيشتغل بإيقاع سريع وإنتاجه جيد، وبيعمل تقارير كتير ومهتم بتفاصيل كتير هتفيد اللي عنده عربية بالفعل، مع أن ميعاده صعب شويتين يعني بيجي يوم الجمعة الساعة 2 الظهر، وده توقيت صعب مين اللي هيقعد يتفرج في الوقت ده، بس اليوتيوب مخلاش يعني.

لو أنت من عشاق السيارات يبقى لازم تتفرج على البرنامج علشان هتلاقي فيه أخبار السيارات المحلية والعالمية والمسابقات والمعارض حوالين العالم، وبيقدم نصايح كمان للسائقين عن أخبار السيارات والأسعار ونصايح العناية بسيارتهم، وبيعرفوا الجمهور على السيارات الجديدة علشان لو حد عايز يشتري.. وبيهتموا بالتفاصيل.. تفاصيل السيارات.

عجبك ؟ جرب

"أكشن يا عيال" على mbc action.

نصيحة 360

برنامج الجراج يقدم كل يوم جمعة الساعة 2 ظهرًا على قناة cbc، من تقديم علا عامر وامين عليوة، وإخراج مصطفى الشاعر.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح