The Definitive Guide to Living in the Capital , Cairo , Egypt

السلام عليكم

السلام عليكم: حوار أديان في 45 دقيقة بمذيع قوي وفكرة قديمة في رمضان

  • طوني خليفةطوني خليفة
  • عائلي
  • من الآن
  • وائل ناصفوائل ناصف
تم التقييم بواسطة
Cairo 360
قيم
قيم الآن
السلام عليكم: حوار أديان في 45 دقيقة بمذيع قوي وفكرة قديمة في رمضان

موسيقى قوية بـ يدخل بعدها بجملته “السلام عليكم”، المذيع المحترف طوني خليفة نجح أنه يقدم برنامج ديني مميز رغم أنه مش رجل دين، والبرنامج بتاعه مش بس عن دين واحد، أو حتى فكر طائفة واحدة، لكنه لكل الناس ودي معادلة صعبة، لأن أصحاب كل دين بـ يقعدوا يتفرجوا على برامج خاصة بهم هم بس، يمكن دي من المرات القليلة اللي فيها برنامج واحد يجمع بين أصحاب ديانات مختلفة.

في كل حلقة بـ يتم اختيار موضوع، ويبدأ الكلام عنه، من وجهة نظر أديان وطوائف مختلفة، زي الزي الشرعي، الجنس، الزواج، الارتباط، وغيرها من الموضوعات، وده في حضور شيخ وقسيس وحاخام يهودي، وعضو مختلف كل مرة من طائفة مختلفة، زي السنة والشيعة والسلفيين، وصوفيين وهكذا، وتبدأ مناقشة القضية برواقة وأدب من غير صوت عالي.

الموضوع ما كانش ماشي طوال الحلقات بهدوء، طبعًا في بعض الأحيان كان بعض أعضاء الطوائف المختلفة زي السلفيين مثلاً بـ يثيروا بعض النقاش الحاد، زي اللي حصل في حلقة من الحلقات كانت بـ تتكلم عن الصحابة والتبرك بهم في ظل عقائد السنة والشيعة والمسيحيين، وجاء الضيف السلفي، بدأ يكذب الموجودين، ويغلط في الكل.

من خلال الحلقات المشاهد بـ يقدر يكتشف أن تعامل الأديان المختلفة مع أمور كثير مشتركة بينهم، متشابه جدًا في كثير من المواضع، من خلال البرنامج وحوار الأديان فيه المشاهد بـ يخرج بقناعة أن كل واحد حر، لأن الأساسيات متشابهة جدًا، وخلينا نقول أن أسلوب طوني خليفة المحترف جدًا خلى للحلقات معنى ثاني، فاهم خلفيات الموجودين كويس، ومش بـ يسمح للضيف أنه يأخذه في الكلام، للأسف بعض الضيوف كانوا واجهة سيئة للأفكار اللي بـ يمثلوها، بعض الناس الثانية صححت مفاهيم خاطئة فعلاً عند ناس كثير، وبينت إزاي الأزهر بـ يدور على اللي بـ يجمع الناس، مش اللي بـ يفرقهم، وإزاي فيه مذاهب مظلومة بتصرفات المتطرفين من أتباعها، وإزاي حوار أصحاب الأديان المختلفة لازم يكون بالعقل والتسامح، مش بالتطرف والحرب.

 

علشان تعرف مواعيد وقنوات عرض “السلام عليكم” زور “دليل كايرو 360 للتليفزيون فى رمضان“.

عجبك ؟ جرب

خطوات الشيطان لمعز مسعود.

نصيحة 360

البرنامج بـ يعرض على قناة القاهرة والناس، الساعة 8:05 مساءً، والإعادة الساعة 4:20، البرنامج حوار أديان راقي من إخراج وائل ناصف.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح