The Definitive Guide to Living in the Capital , Cairo , Egypt

العربى الرياضى

العربى الرياضى: الأفكار الجديدة لها الجنة على قناة العربي

  • نادر السيد
  • إنتاج مستقل
  • من الآن
  • محمد مصطفىمحمد مصطفى...
written by
Ahmed Abd El Gawad
قيم
قيم الآن
العربى الرياضى: الأفكار الجديدة لها الجنة على قناة العربي

الرياضى:

سؤال: حضرتك رياضى؟

جواب: لا والله بس بـ اتفرج على ماتشات كورة كثير.

سؤال: طب حضرتك جربت تلعب رياضة عدد الساعات اللى بـ تتفرج فيها عن الرياضة

جواب: لا طبعًا ده أنا كان يحصل لى حاجة ونفسى يتقطع.

طب تخيل نفسك كده.. وكل عشاق الرياضة فى العالم لو تخيلوا نفسهم وهما بـ يلعبوا رياضة عدد الساعات اللى بـ يتفرجوا فيها على الكورة والرياضة.. كان زمان حالنا اتصلح وده هدفنا من القراءة دى.. نرجوكم حاولوا تعملوا كده.

 

العربى:

لما يبقى فيه تجربة تليفزيونية اسمها العربى.. فده معناه أننا أمام تجربة بـ تشيل اسم ثقيل قوى.. يعنى زى ما بـ نقول يا إما اسم على مسمى يا بلاش.. فى كل بلد فى العالم تقريبًا فيه برنامج خاص بالرياضة.. لكنه فى الغالب بـ يهتم بالرياضة المحلية.. وممكن لو المُعد شاطر يجيب تقارير عن الرياضة العالمية والدورى الأسبانى والإنجليزى وعشاق الكورة كثير.

أما أنك تعمل برنامج اسمه "العربى الرياضى" هنا التجديد لأنك هـ تركز ببساطة على الرياضة فى العالم العربى.. وده هم ثقيل صراحة.. كنا مترقبين اللى هـ يحصل إيه ونادر هـ يشتغل إزاى.

 

البرنامج:

البرنامج بقى صراحة جدًا خالص قدر أنه يحقق الفكرة ويشتغل على الرياضة فى الوطن العربى مش فى حلقات منفصلة، يعنى مش بـ يمسك فى كل حلقة بلد ويتكلم عن الكورة فيها مثلًا.. خالص.. هو بـ يلعب لعبة ثانية محترفة.. بـ يختار موضوع معين شاغل بال الرياضيين ويشتغل عليه.

وبـ يجيب تقارير بقى من كل حتة فى العالم العربى، وبـ يسأل الناس فى كل مكان، فـ تلاقيك شايف رأى الناس فى كذا بلد فى الحلقة الواحدة، وبـ يستضيف معاه كام لاعب على خبير كروى فى الستوديو ويتكلموا حول الموضوع.. وكمان بـ يعمل Video Conference مع ناشطين ولاعيبه ومديرين فنيين فى أماكن ثانية، ده بقى غير المداخلات التليفونية اللى بـ تعمل ثراء للموضوع، وكمان فيه حاجة جديدة أنه بـ يختار موضوعات عامة، يعنى مش هـ تلاقيه بـ يتكلم عن خناقة بين لاعب ولاعب مثلًا زى ما بـ نشوف فى برامج ثانية كثير، لا ده ممكن يتكلم عن إزاى نوصل بكرة القدم العربية إلى العالمية أو مشكلة التجنيس واللاعبين الدوليين وحلها يبقى إزاى ومين المسؤول عن ده.

كمان بـ يعمل تصوير خارجى مع الضيوف فيه جزء احترافى زى تحدى مثلًا ما بين نادر السيد وصاحب القدم الذهبية الكابتن رابح ماجر والكابتن على الحبسى، الأفكار الجديدة لها الجنة سيبكم أنتم.

عجبك ؟ جرب

برنامج "الكورة مع شوبير" لأحمد شوبير.

نصيحة 360

برنامج "العربى الرياضى" من تقديم نادر السيد، وإخراج محمد مصطفى، يعرض على قناة العربى كل أربعاء وخميس الساعة 9:15 مساءً.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح