The Definitive Guide to Living in the Capital , Cairo , Egypt

تليفزيون
الكبير أوى (الجزء 4)

الكبير أوى (الجزء 4): موسم جديد وناجح فى رمضان 2014

  • أحمد مكيأحمد مكي...
  • دراماعائلي
  • من الآن
  • أحمد الجندى
تم التقييم بواسطة
Mohamed Hamdy
قيم
قيم الآن
الكبير أوى (الجزء 4): موسم جديد وناجح فى رمضان 2014

كان عندنا إحساس بالرعب من إقدام أحمد مكي على تقديم جزء رابع من مسلسل الكبير أوى، فى الواقع، مكي كان غير موفق فى تجاربه السينمائية الأخيرة سواء كانت “سمير أبو النيل” أو “سيما على بابا“، وكان عندنا إحساس ضخم أن مكي من خلال الكبير قوى مش هـ يقدم أكثر من اللى قدمه قبل كده، لكن وعلى الرغم من اليأس اللى كان بدأ يتسرب لعقولنا وقلوبنا عن موهبة أحمد مكي، خالف مكي توقعاتنا وقدر يقدم مسلسل قديم/ جديد بشكل مختلف وكوميدى.

من إخراج أحمد الجندي وبطولة أحمد مكي ودنيا سمير غانم، بـ نتابع موسم جديد من حلقات الكبير أوى، المسلسل اللى بـ تدور أحداثه فى قرية المزاريطة، حيث يعيش جوني والكبير وحزلقوم، واللى بـ يقوم بدورهم جميعًا أحمد مكي! وبـ تبدأ الأحداث فى التطور بشكل كوميدي طوال الوقت من خلال اختلاف شخصيات الثلاثة أخوة واختلاف ردود أفعالهم مع المواقف المختلفة، بالإضافة لذكرياتهم وحكاياتهم اللى بـ يأخذها أحمد مكي مدخل لتقسيم المسلسل لما يشبه الأوبريتات الكوميدية القصيرة، وهى المساحة اللى بـ يبدع أحمد مكي فى تقديمها دائمًا وأبدًا.

مكي بـ يحافظ دائمًا وأبدًا على المنطقة اللى حقق فيها نجاح قبل كده، وبـ يحاول يستثمرها وينميها طوال الوقت، الذكاء ده هو أكثر شىء بـ يعجب جمهور مكي، وقدرته على التواصل معاهم بنفس القدر من الذكاء ودس الإيفيهات فى الأحداث طوال الوقت بـ يعطيهم إحساس بالتقدير وأنهم أمام كوميديا حقيقية مش مجرد سكريبتات جاهزة أو مسروقة من الخارج.

على صعيد الديكور حسينا أن مافيش تجديد السنة دى عن باقى السنين اللى فاتت نفس الديكورات وأماكن التصوير، الموسيقى التصويرية كمان كانت محتفظة بنفس الجمل اللحنية بتاعة السنين اللى فاتت.

عندنا شعور أن دور دنيا سمير غانم مش بنفس الحجم بتاع السنين اللى فاتت، كمان شخصية فزاع تم تهميشها بشدة، وسمعنا إشاعات أن التهميش ده نتيجة طلب فزاع زيادة أجره، الأمر اللى قوبل بالرفض ومحاولة تهميش الدور ليتناسب مع الأجر.

من أجمل الحلقات اللى عجبتنا مجموعة الحلقات اللى بـ يحكي فيها الكبير عن مغامرات جده “الكبير جدًا”، واللى فيها تريقة رائعة وكوميدية جدًا على فيلم “شمس الزناتي” بطولة عادل إمام، بـ نشوف قدرة مكي على تجسيد شخصية عادل إمام وحركاته ولزماته، وقدرة فريق عمل المسلسل على توصيل الكوميديا الراقية والضحك باستمرار على مدار الحلقات.

الكبير أوى فى الجزء الرابع، نقدر نعتبره استمرار للنجاح، لكن خايفين على استمرار استهلاك الدجاجة اللى بـ تبيض بيضة ذهب لحد ما ينتهي ذهبها للنهاية.. ويتبقى الرماد.

 

علشان تعرف مواعيد وقنوات عرض “الكبير أوى” زور “دليل كايرو 360 للتليفزيون فى رمضان“.

عجبك ؟ جرب

المواسم القديمة من مسلسل الكبير.

نصيحة 360

بدأت فكرة مسلسل الكبير أوى فى دماغ أحمد مكي بعد كسر قدمه قبل تصوير كامل المسلسل، فتم عرض المسلسل لعامين متتالين.. ثم توالت الأجزاء حتى وصلنا إلى 4 أجزاء.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح