The Definitive Guide to Living in the Capital , Cairo , Egypt

تصبيرة

تصبيرة: ربع ساعة سعادة على قناة بانوراما فوود

  • دينا أبو كرم
  • طبخ
  • من الآن
  • شكري الحكيمشكري الحكيم
تم التقييم بواسطة
Rasha Zeidan
قيم
قيم الآن
تصبيرة: ربع ساعة سعادة على قناة بانوراما فوود

إحنا شعب أكيل، مالناش في الريجيم والكلام ده، نكتئب لو أكلنا ثلاث وجبات في اليوم بس.. وليه يعني نعمل كده.. ليه ثلاثة بس.. لما ممكن الواحد يأكل ويتمتع وتبقى الحياة زي الفل.. ومافيش مشكلة لما السكر يعلى شوية ولا الكوليسترول.. أو حتى الوزن يزيد حبتين.. لازم تصبيرة كده بين الفطار والغدا، أو بين الغدا والعشا..

ورغم كل الوعى "الغلط" ده لكنه وعي برضه وحاجة موجودة في المجتمع المصري بالذات.. كل قنوات الطبخ تجاهلت واحد من أهم مصطلحات الأكل في الحياة: "التصبيرة" لحد ما قناة بانوراما فوود أخدت بالها من الموضوع وعملت برنامج "تصبيرة" من تقديم الشيف اللى زي العسل دينا أبو كرم.

دينا من أول البث التجريبي للقناة قدمت برنامج ناجح ودمه خفيف وكان جامد جدًا صراحة اسمه "حلو وبس" ونعتقد أن ناس كثير استفادت منه.. وفي بداية البث المباشر للقناة فاجئتنا بمهارتها في الأكل الحادق كمان.. وده ظهر في برنامج "تصبيرة"، هي صراحة مش تصبيرة بالمعنى المعروف ساندويتش جبن وخيار أو طماطم مثلًا.. لأ ده موضوع ثاني، وفكر ثاني في عمل الأكلات لكن بشكل سريع.. آه يعني ممكن الموضوع يوصل لـ "فتة" أو "تشيز كيك" بس على السريع.. وأهي حاجة تمشي مع المصريين برضه.

سر خلطتها بقى مش بس في المقادير المضبوطة والريحة اللى طالعة من الشاشة.. لأ دي كمان بـ تقدمه بشكل شيك شكلًا ومضمونًا، ونؤكد هنا على حاجة مهمة صراحة أنها شيف "نظيف" يعني مرتبة جدًا، أدواتها شكلها شيك.. الطبق بـ يطلع شكله حلو.. تحس أنها مش بـ تتعب عين الراجل بتاع الكاميرا، العين مستريحة مع الترتيب بتاعها.. والتصوير بتاع البرنامج واخد كادرات هايلة.. والمخرج واضح أنه بـ ياكل آخر كل حلقة وبـ يعجبه الأكل علشان كده عامل شغل عالي مع الكادرات المختلفة والإضاءة وشكل المطبخ المرتب جدًا.

البرنامج على كل ده مدته تقريبًا ربع ساعة.. بس خلوا بالكم الموضوع مش بـ يتحسب بالزمن.. ولا بـ يتحسب أنت قعدت قد إيه أمام التليفزيون.. إنما له حساب ثاني خالص.

فيه مقياس جديد صراحة.. الموضوع بـ يتحسب "بالسعادة".. أنتم هـ تقضوا ربع ساعة من السعادة.. هـ تعرفوا من خلالها إزاي من أبسط الحاجات اللى موجودة في مطبخكم وثلاجتكم أو في البيت عمومًا.. تصنعوا أكلة جميلة وطعمها مختلف.

عجبك ؟ جرب

برنامج "سنة أولى طبخ" على نفس القناة.

نصيحة 360

برنامج تصبيرة من تقديم دينا أبو كرم، وإخراج شكري الحكيم، يعرض على قناة بانوراما فوود كل يوم الساعة 4:45 عصرًا.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح