The Definitive Guide to Living in the Capital , Cairo , Egypt

تليفزيون
خارج القاهرة

خارج القاهرة: تعرف على ما يحدث في كل أنحاء مصر

  • إخباري
  • من الآن
  • أيمن بديرأيمن بدير
تم التقييم بواسطة
Marwa Fathy
قيم
قيم الآن
خارج القاهرة: تعرف على ما يحدث في كل أنحاء مصر

كل يوم بـ نعرف أخبار جديدة بـ تحصل
في مصر وأغلبها بـ تكون أحداث حصلت في القاهرة، لكن باقي المحافظات ما بـ نعرفش
عنهم تفاصيل كثيرة، وده بـ يخلينا منفصلين عن باقي أجزاء بلدنا، لكن برنامج
“خارج القاهرة” قدر أنه يربط الجزء المنفصل بين القاهرة وباقي المحافظات.

والبرنامج ده بـ يعرض يومين في
الأسبوع على قناة OnTv
Live وبـ يقدمه محمد عبده وبـ يبدأ بفقرة خاصة عن أخبار المحافظات سواء
في المنيا، المنوفية، بنها وغيرها من باقى المحافظات، والأخبار دي غالبًا ما بـ تعرض
إنجازات أو معاناة ناس عايشة في المحافظة اللى بـ يتكلم عنها البرنامج.

وبعد كده بـ يكون فيه تقارير
مصورة عن الخبر نفسه وده بـ يخليه له مصداقية كبيرة عند المشاهد، ونلاحظ أن فقرة
التقارير بـ ييجي بعدها جزء خاص بالتحقيق عن بعض القضايا اللى بـ تمس بعض محافظات
مصر والجديد أنه قبل ما يقدم فقرة التحقيق بـ تظهر صورة لخريطة مصر بكل محافظاتها،
ويبدأ يظهر منها المراسل عن المحافظة اللى بـ يحقق فيها، وكمان فيه فقرة خاصة داخل
التحقيق عن أهم المهن اللى بـ تشتهر بها المحافظة، وده بـ يساعد أنه يخرج التحقيق
من الشكل التقليدى اللى اعتاد عليه، ويليها ملخص بسيط عن كل التحقيقات الخاصة بكل المحافظات
اللى عرضها البرنامج، وده بـ يخلى المشاهد متابع جيد للحلقة حتى لو شاهده من المنتصف.

وبـ ينتقل البرنامج بعد كده لفقرة
حوارية لمناقشة أهم الموضوعات المطروحة على الساحة وبـ تشغل بال الكثيرين من
المحافظات الثانية زي مثلاً إضراب عمال ميناء السخنة وإيه الحلول اللى قدروا
يوصلوا لها، وبـ يهتم بعرض بعض الموضوعات الخفيفة زي مثلاً مساوئ التوك توك في مختلف
محافظات مصر.

وكمان بـ يناقش موضوعات فنية
وثقافية كثيرة وده بـ يكون من خلال استضافة العديد من المفكرين والمثقفين، ونلاحظ
أن أداء المذيع متميز جدًا وطريقته في تقديم الأخبار جميلة وغير تقليدية خاصة وأن
الأخبار تمتاز بالجمود والملل، وده بـ يخلى للبرنامج طابع مختلف ومميز عن باقي
البرامج الحوارية.

ورغم كل الجمال ده إلا أنه مش بـ يعرض
كل وجهات النظر الإيجابي منها والسلبي، فبـ يكتفى بعرض رأي أصحاب المشكلة فقط
وبالتالي مش بـ يوجد حلول لها، كمان ديكور البرنامج تقليدي جدًا ومافيهوش أي نوع
من الإبداع ومع كل ده الفواصل الخاصة بالبرنامج محدودة جدًا فمافيش راعي إعلاني
لها رغم أنه برنامج مميز، وطريقة إخراج التقارير الخارجية مش بـ تتميز بالتقنية
العالية فى عرضها.

عجبك ؟ جرب

برنامج "الأسئلة السبعة" على قناة النهار.

نصيحة 360

من البرامج الحوارية وبـ يعرض كل يوم جمعة وسبت الساعة 9:20 مساءً على قناة OnTv Live ومن تقديم محمد عبده وإخراج أيمن بدير.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح