The Definitive Guide to Living in the Capital , Cairo , Egypt

تليفزيون
دكتور أمراض نسا

دكتور أمراض نسا: محتاج دكتور نفسانى!

  • صابرينمصطفى شعبان...
  • دراما
  • من الآن
تم التقييم بواسطة
Mohamed Hamdy
قيم
قيم الآن
دكتور أمراض نسا: محتاج دكتور نفسانى!

الحقيقة أننا بـ نحاول نتابع التاريخ الفنى للفنان مصطفى شعبان، التاريخ اللى بـ يحتاج بالإضافة للتحليل السينمائى والفنى، محتاج كمان التحليل النفسى للوقوف على أسباب استمرار فنان معين فى تقديم نوعية أدوار واحدة فى أعماله الأخيرة كلها خاصة فى رمضان، رغم اعتراض الجمهور وعدم إقبالهم على المشاهدة!

من تأليف أحمد عبد الفتاح وإخراج محمد النقلى بـ نشوف قصة طبيب أمراض نسا بـ يعيش حياته بالطول والعرض، قبل ما يقرر الزواج والسير على الطريق المستقيم فى النهاية، لكن علاقاته النسائية المتعددة سابقًا بتوقعه فى مواقف كثير المفروض أنها كوميدية.

فى البداية إحنا مش عارفين ليه يتم الربط بين مهنة البطل كطبيب أمراض نسا وبين علاقاته النسائية المتعددة، والحقيقة أن الموضوع ده تمت مناقشته فى أكثر من عمل فنى، وبشكل عام نقدر نقول أن نظرة السينما والأفلام لمهنة طبيب أمراض النسا وإزاى ممكن تكون سبب فى “إيقاعه” بالنساء أو غيرة زوجته عليه، كلها أمور مبالغ فيها جدًا.

الديكورات بشكل عام فى مسلسلات رمضان تم الاهتمام بها بقوة، و”دكتور أمراض نسا” مش استثناء عن القاعدة، كان واضح جدًا حتى الآن الاهتمام بفخامة الديكور، وسمعنا تصريحات صحفية أنه تم بناء منزل مصطفى شعبان فى المسلسل كديكور كامل مستقل حرصًا على ضغط التكاليف، لكن ضايقنا أن بعض تفاصيل الديكور مش قوية أو مرتبطة بأرض الواقع رغم الاهتمام بالفخامة.

فى المشاهد الافتتاحية للمسلسل بـ نشوف مصطفى شعبان بـ يتكلم مع قريبه (أحمد بدير) عن متعة الزواج والحلال وبداية حياة جديدة مختلفة عن الماضى المُظلم، لكن فى الحقيقة أسلوب كلام مصطفى شعبان وتعبيراته فى المشهد ده وباقى مشاهد المسلسل لا تمت للطب بأى حال من الأحوال، وإن كانت تقترب من أسلوب المعلمين وتجار المخدرات فى الكلام، وهو نفس أسلوب الكلام اللى ظهر به مصطفى فى مسلسل زى “مزاج الخير” على سبيل المثال.

فكرة البطل الأوحد اللى بـ تتهافت عليه كل النساء والبنات قد تكون فكرة ظريفة، إلا أنها فى حالة مصطفى شعبان بـ تكون فكرة غير منطقية على الإطلاق، لأن مصطفى ومؤهلاته الشكلية والجسدية لا تؤهله أنه يكون فتى الشاشة الأول أو النجم اللى الكل بـ يحاول يقرب منه، نفس القاعدة اللى حاول عادل إمام يثبتها على مدى تاريخه الفنى دون أى اقتناع حقيقى من الجمهور.

زمان كنا بـ نقول أن مصطفى شعبان فنان مجتهد وشاطر لكن اختياراته غير صائبة، لكن اليوم نقدر نقول أن حتى موهبة شعبان أصبحت محل خلاف بعد نوعية الأدوار اللى أصبح مُصر على تقديمها مؤخرًا، أدوار بـ تقلل من قيمة المرأة وبـ تظهرها بمظهر الكائن اللى مالوش أى لازمة فى الدنيا غير إمتاع الرجل والارتماء تحت أقدامه!

 

علشان تعرف مواعيد وقنوات عرض “رامز قرش البحر” زور “دليل كايرو 360 للتليفزيون فى رمضان“.

عجبك ؟ جرب

عفاريت محرز!

نصيحة 360

مشاركة مصطفى شعبان فى فيلم "مافيا" بطولة أحمد السقا ومنى زكي كان نقطة انطلاقته الحقيقية لدي معجبيه. مصطفى بداياته كانت فى نهاية التسعينيات من خلال مشاركات فى أفلام صغيرة زى "فتاة من إسرائيل" وغيرها.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح