The Definitive Guide to Living in the Capital , Cairo , Egypt

دور يا كلام

دور يا كلام: محاولة استنتاج وتحليل اللى بـ يحصل حولنا

  • إخباريتوك شو
  • من الآن
تم التقييم بواسطة
Marwa Fathy
قيم
قيم الآن
دور يا كلام: محاولة استنتاج وتحليل اللى بـ يحصل حولنا

اليومين
دول بقينا نسمع عن العلاقات المصرية الأمريكية وتأثير منع المعونة واللى بقت حديث
رجل الشارع البسيط وكمان الانتخابات والدستور وغيرها من أحداث ثانية كثيرة بـ تحصل
ولسه هـ تحصل كل يوم وطبعًا بـ يدور بين الناس كلام كثير مش عارفين فين الحقيقة
بالضبط، والرجل البسيط تايه وسط كل ده.

لكن
برنامج “دور يا كلام” اللى بـ يعرض على قناة OnTv Live يقدر
يوضح لنا إيه اللى بـ يحصل بالضبط خاصة وأن مقدمي البرنامج من الثوار الحقيقين
اللى شاركوا في ثورة 25 يناير وكان لهم آراء سياسية فعالة وقدروا أنهم يواجهوا
مشاكل كثيرة والجميل فيه أنه بـ يناقش موضوعات حيوية بـ تشغل بال كثير مننا.

وكمان بـ
تعرض لوجهات نظر مختلفة وبـ يظهر ده من المقدمة البسيطة اللي بـ تقدمها إسراء عبد
الفتاح في كل حلقة مع زمايلها المذيعين وهم أحمد خيري وخالد تليمة وبعد كده بـ يكون
فيه تقرير مصور لمضمون الحلقة ويليها لقاء حواري على مدار الساعة والنصف لمناقشة
الموضوع من كل محاوره مع عرض كافة الأطراف المؤيدة والمعارضة للتعبير عن رأيهم،
لكن البرنامج بـ يتبع سياسة القط والفأر يعني طرف يشد وآخر يجذب لحد ما يظهر شكل
مميز للبرنامج، زي برنامج الاتجاه المعاكس اللي بـ يعرض على قناة الجزيرة.

ورغم
جماله إلا أن فيه متناقضات كثيرة ومنها الاختلاف في أداء مقدمي البرنامج، فهم غير
مؤهلين بدرجة كافية لتقديم البرامج وده ظاهر جدًا في طريقتهم لعرضه أو تقديمه، فـ نلاحظ
مثلاً أداء أحمد خيري في تقديم الحلقة سيء جدًا وكمان بـ يُشعر المشاهد أنه مش بـ يعرف
يتكلم، فكل كلامه متقطع وده طبعًا لأنه أول مرة يقف أمام كاميرا، وفي بداية تقديمه
مافيش سلام للمشاهد بـ يدخل في الموضوع على طول على عكس أداء إسراء فهى معقولة إلى
حد ما بالنسبة لأداء أحمد، وكمان واضح جدًا أن آرائهم كلها متحيزة لحركة 6 أبريل
في كل الموضوعات اللى بـ يقدموها، وكمان بـ تقاطع الضيوف كثير لطرح وجهة نظر معينة،
أما خالد تليمة فأداؤه جيد مقارنة بأحمد ومتناغم مع أداء إسراء ففي حلقة التليمي بـ
يكون المشاهد قادر على فهم مضمون الحلقة.

وكمان
ديكور البرنامج تقليدي وغير جذاب بالمرة يشبه لدرجة كبيرة معظم البرامج الحوارية
الموجودة على أغلب القنوات الفضائية، وكمان الفواصل الإعلانية محدودة لكن اللى بـ يميزه
عن باقى البرامج أنه في ختام الحلقة بـ يكون فيه أغنية مميزة من أشعار أحمد فؤاد
نجم وكمان مرتبطة باسم البرنامج مع لقطات من قلب ثورة يناير.

عجبك ؟ جرب

برنامج «الاتجاه المعاكس» على قناة الجزيرة.

نصيحة 360

من البرامج الحوارية، أسبوعي بـ يعرض كل يوم جمعة الساعة 10 مساءً ولمدة ساعة ونصف على قناة OnTv Live وبـ يقدمه مجموعة من شباب الثورة هم إسراء عبد الفتاح وأحمد خيري وخالد تليمة وإخراج أحمد عوض ورئيس التحرير محمد سامي.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح