The Definitive Guide to Living in the Capital , Cairo , Egypt

رحلة جبل

رحلة جبل: حوار طائر مع الجسمي

  • اجتماعى
  • من الآن
تم التقييم بواسطة
Rasha Zeidan
قيم
قيم الآن
رحلة جبل:  حوار طائر مع الجسمي

أما براوة براوة.. أما براوة.. مقطع من أغنية تراثية معروفة، كلنا عارفينها، لكن لما غناها حسين الجسمي، انتشرت أكتر وعمل ليها توزيع جديد، هو فنان مشهور بجد، بيحبه كل الناس في الوطن العربي، صعب تلاقي عليه ناس مختلفة، يعني كل ما تجيب سيرته هتلاقي الكل متفق علىأ نه فنان جميل بيقدم فن جميل، غنى لمصر اللي قال عنها غنه بيحبها جدًا، وعلشان كده أهل مصر بيحبوه جدًا، وبيقبلوا منه كمان كل الأغاني الجميلة اللي عن مصر.

برنامج رحلة جبل برنامج واقعي بيوثق مسيرة الفنان الإمارتي حسين الجسمي، وبيقدمه الإعلامي/ خالد الشاعر، البرنامج بياخد المشاهد لرحلة بجد واقعية جدًا بتبدأ من الكويت علشان يشوفوا حياة حسين الجسمي، عاملة إزاي وفيها إيه، وإيه هي أسراره.

الجديد في البرنامج أنه معمول في طيارة حسين الجسمي الخاصة، في رحلة من دبي للكويت وهما رايحين لمهرجان (هلا فبراير) في الكويت، وبيتكلموا فيها عن كل حاجة تخصه، وطبعًا البرنامج متطعم بمونتاج عبقري بيفصل مراحل حياة الجسمي، وبدأ منين، وإيه أشهر أغانيه، وإزاي قدر يدخل قلب العرب من أوسع الأبواب.

الجسمي في البرنامج ده بيقدم مجموعة من الصور النادرة ليه مع النجوم، وبيوثق كمان رحلته وتنقلاته وحفلاته والكواليس اللي ماحدش يعرف عنها حاجة، بعد ما وصلوا للكويت فريق العلم دخل الكواليس معاه وهو بيحضر لحفلته علشان ينقلنا الوجه التاني لحسين وهو بيتعامل مع فرقته وبيجهز لحفلته.

رحلة بجد مثيرة وكلها أسرار وجمال عن مغني خطفنا بصوته اللي جاى من جبل، وبقى راسخ زي الجبل ففعلًا البرنامج رحلة جبل.

 

عجبك ؟ جرب

برنامج  Saturday Night Live بالعربي

نصيحة 360

برنامج رحلو جبل، من تقديم خالد الشاعر، وإخراج جورج حاتم، يعرض يوم الخميس الساعة 8 ونص  مساءً على قناة 1 MBC 

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح