The Definitive Guide to Living in the Capital , Cairo , Egypt

رقص النجوم (الموسم 3)

رقص النجوم (موسم 3): موسم جديد وشغل عالى على قناة النهار

  • كارلا حداد ووسام بريدى
  • إستعراضي
  • من الآن
تم التقييم بواسطة
Rasha Zeidan
قيم
قيم الآن
رقص النجوم (موسم 3): موسم جديد وشغل عالى على قناة النهار

لما تبدأ البرنامج بعرض جامد وشغل عالى فيه مؤثرات كومبيوتر ومؤثرات صوتية وبصرية.. يبقى أنت عاوز تشد الناس لك قوى… ولما تعمل ده بقى على المسرح فى وسط الناس فده معناه أنك مش بس عاوز تشد الناس ده أنت كمان مركز فى كل تفصيلة بـ تعملها.. ده اللى بـ يحصل فى برنامج "رقص النجوم" فى الموسم الجديد بتاعه واللى الناس بـ تستناه وبـ تتابعه جدًا علشان مرتبط بهم وهما مرتبطين به.. البرنامج ده بـ يخرج موضوع الرقص وحبه داخل كل اللى بـ يتفرجوا عليه.

لكنه مش الرقص اللى فى بالك، مش الرقص الشرقى، هو أنواع ثانية من الرقص بـ ترجعك كده لأوربا زمان لما كان الدوق يطلب من الأميرة أنها تشرفه بالرقص معاها، حاجة كده زى أفلام زمان الكلاسيكية دى.

افتتاحية البرنامج كانت لوحة رقص "فالس" جميلة وهادئة وكمان على لحن أغنية فيروز المعروفة "يا أنا ياأنا وياه" وعند مقطع "عرفوا أنك حبيبى" بـ نعرف أن كل اللى بـ يقدموا الرقصة هما المتسابقين وكمان بـ يشترك معاهم لجنة التحكيم فى مشهد كبير بـ يفتتح المسرح فى منتصفه وتخرج لجنة التحكيم والجمهور هـ يتجنن على المسرح أصلًا وكأنه عاوز يدخل يشاركهم، موضوع حلو وحالة راقية قوى بـ تخلينا نقول برضه الفن له جماله يعنى، مش كده ولا إيه؟

هو برنامج استعراضى فيه كل عناصر التشويق والمتعة والإبهار.. هو مساحة للفرح والحماس والتفاعل مع النجوم فى مجالات مختلفة وبـ يعملوا حاجات مختلفة لكنهم بـ يتنافسوا فى الرقص "صالصا وفالس وتشاتشا" والبرنامج بـ يقدمه كارلا حداد ووسام بريدى، أما لجنة التحكيم فهم الأربعة: دارين بينيت، ميرا سماحة، ربيع نحّاس، ومازن كيوان.

والمشتركين من النجوم كثير، هـ نقولكم منهم: الممثلة كارمن لبّس، وملكة جمال أمريكا ريما فقيه، الممثل غابريال يمين، لاعب كرة السلة المحترف رونى فهد، النجم المصرى محمد عطية، النجم أنطونى طوما، لاعب الكرة المصرى إبراهيم سعيد، ملكة جمال مصر أمينة أشرف، والفنانة جاين قنصل، والنجمة داليدا خليل، وصيف ملك جمال لبنان جان بول بيطار، والمغنية رين أشقر، والجميلة التونسية ليلى بن خليفة.

كل واحد من النجوم دى بـ يقدم رقصة مع شريك له بـ يختاره وبـ يتمرن كثير قوى علشان يظهر بمظهر لائق، واللى بـ يبان فى الرقصة هو شخصية كل ممثل ولاعب وكوميديان، شخصيته بـ تبان فى رقصته وكمان بـ يحاول يضيف على الرقصة ويعمل بها شكل حلو علشان يعجب لجنة الحكام اللى بـ تهتم بتفاصيل الرقص واندماج الاثنين مع بعض وعدم الأخطاء والثقة بالنفس وحاجات كثير كده جنب بعض.

لازم تتفرجوا على البرنامج علشان تشوفوا النجوم لما بـ تخرج من حياتها العادية وتقرر ترقص وتتنافس فى الرقص بـ تعمل إيه.

عجبك ؟ جرب

برنامج Arab’s got Talent.

نصيحة 360

برنامج رقص النجوم، تقديم كارلا حداد ووسام بريدى، وإخراج باسم كريستو، يعرض على قناة النهار، كل أحد 8:30 مساءً.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح