The Definitive Guide to Living in the Capital , Cairo , Egypt

زي الشمس

زي الشمس: برنامج صباحي على قناة CBC

  • إخباريتوك شو
  • من الآن
تم التقييم بواسطة
Bassem Abou Arab
قيم
قيم الآن
زي الشمس: برنامج صباحي على قناة CBC
لطيف أنك تبدأ يومك الصبح على موسيقى مقدمة برنامج “زي الشمس” المبهجة مع تتر بسيط ومبتكر بصور شوارع مصر الصبح فيها ترام مصر الجديدة وعمرو حمزاوي راكب فيه، تاكسي أنيق داخله دينا عبد الرحمن ماشي فى شوارع القاهرة وهي رايقة صباحًا مع Artwork وAnimation جذابين جدًا بألوان مبهجة.
البرنامج يومي صباحي من الساعة 8 صباحًا على غرار “صباح الخير يا مصر” اللي كلنا تعودنا نشوفه على القناة الأولي، لكن مع فارق أعلى واضح فى الإنتاج، “زي الشمس” بـ يشارك فى تقديمه دينا عبد الرحمن أيام السبت والأحد والاثنين، وعمرو حمزاوي الأربعاء والخميس، والثلاثاء مشترك بين دينا وعمرو، أما يوم الجمعة بـ يقدمه شيرين عفت وعلى البهنساوي.
بـ يُقسم البرنامج لعدة فقرات متنوعة ومعتادة حسب أيام الأسبوع زي فقرة الصحافة مع ضيف الحلقة لاستعراض وتحليل الأخبار اليومية ودي بـ تكون من تقديم دينا من السبت للاثنين، الثلاثاء بـ يكون فيه حوار بين دينا وعمرو عن الأحداث السياسية اللي بـ تدور فى البلد، والأربعاء والخميس بـ يقدم عمرو حمزاوي تقرير سياسي عن البلد للمشاهدين ويمكن هنا وضح شوية نقط ضعف فى حمزاوي كمقدم برامج وده لكونه رجل سياسة فى المقام الأول علشان ده بـ يخليه يستخدم مفردات صعبة شوية في فهمها لأغلب الجماهير، عكس دور مقدم البرنامج اللي بـ يحاول يوّصل ويسهّل الطريق بين المشاهد والمحتوى، والجمعة بـ يكون عرض عام للحالة الاقتصادية للبلد بتقديم شيرين وعلى، من الفقرات الثابتة المهمة فى البرنامج هي فقرة بـ تهتم بالتنمية و الأفكار والمبادرات الي بـ يقدمها المصريين، ويمكن ده تسليط ضوء جديد نوعًا ما بأنه يكون في شكل فقرة ثابتة يوميًا ودي تعتبر نقطة قوية تحسب للبرنامج لاهتمامه بفكرة التنمية.

الفقرات المتنوعة بـ تكون زي فقرة استعراض لكتاب سواء عربي أو أجنبي والكلام عنه وده بـ يكون يوم السبت والأربعاء، الأحد بـ يكون فيه فقرة السينما والدراما والمسرح والفنون المستقلة، والثلاثاء فقرة الـ Features ودي عدد من القصص التليفزيونية والتحقيقات الصغيرة اللّي بـ يعلق عليها دينا وعمرو فى الحلقة، والخميس بـ يكون موجود صاحب براءة اختراع أو بحث علمي بـ يتكلم عنه.
زي ما قولنا البرنامج تم تنفيذه بإنتاج كبير كان واضح فى حاجات زي تنفيذ التقارير الخارجية والفواصل الجذابة وإن كانت معتادة شوية أن الواحد يشوف فاصل للقهوجي اللي بـ يقدم شاي فى قهوة بلدي الصبح تعبير عن الأصالة إلا أنها مُنفذة بطريقة ظريفة، بالإضافة طبعًا لتصميم جميل للديكور والستوديو، وكمان مجهود يحترم في الإعداد خلّى المحتوى العام للبرنامج جذاب.

عجبك ؟ جرب

أي برنامج صباحي عادي.

نصيحة 360

يعرض البرنامج الساعة 8 صباحًا على قناة CBC والإعادة بعدها بساعتين على CBC+2

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح