The Definitive Guide to Living in the Capital , Cairo , Egypt

ساحرة الجنوب

ساحرة الجنوب: الرعب على أصوله على قناة mbc مصر

  • سوسن بدر، حورية فرغلي، وفاء صادق، صفوة، ياسر جلال، هالة فاخر، أحمد فؤاد سليم
  • رعب
  • من الآن
  • أكرم فريدأكرم فريد...
تم التقييم بواسطة
Rasha Zeidan
قيم
قيم الآن
ساحرة الجنوب: الرعب على أصوله على قناة mbc مصر

فاكرين أمنا الغولة؟ والديب السحلاوي والعفريت أبو رجلين معزة؟ والجن اللي بـ يخطف الناس وبـ يرعبهم، والسحر الأسود والأعمال السفلية؟ والرعب اللى كنا بـ نسمعه وإحنا صغيرين وبـ نخاف من صوت الباب والضلمة وصوت القطط والكلاب؟

كل ده كوم.. وساحرة الجنوب بقى كوم ثاني، الحكاية بدأت بالبنت الصغيرة (روح) اللي خرجت مع أمها وهي صغيرة علشان يزوروا ساحرة القرية الخالة بخيتة في المقابر ووقعت البنت في مقبرة لسه مدفون فيها واحد مقتول ومن هنا تبدأ عقدة المسلسل.. والدة روح نفسها في ولد علشان جوزها نفسه في ولد وهي بـ تحبه جدًا.. وروح بـ تحاول تتكيف مع الوضع الجديد، بـ تسمع أصوات وتشوف خيالات وهي في الأول مش فاهمة.. لكنها بـ تتعود بعد كده علشان هـ تبقى ساحرة الجنوب واللى لها اتصال قوي بعالم الجن والشياطين وتعمل توترات كثيرة في القرية.. وبـ تبدأ تكتشف قوتها الفظيعة دي لما تموت أمها من حسرتها على جواز أبوها اللى بـ يتجوز واحدة ثانية.. وتبدأ القصة..

المسلسل بـ يشدك جدًا وأنت بـ تتفرج عليه، مع أن فكرة العفاريت والسحر في المسلسلات المصرية كثيرة واتعملت كثير، بس مسلسل ساحرة الجنوب صراحة عاجبنا جدًا علشان فيه كده حاجة بـ تشدك قوي وتخليك قاعد وسايب اللي وراك، وكمان فيه طريقة تصوير جديدة وشغل في المونتاج وفي المؤثرات اللى بـ تخليك ساعات تتخض.

إحنا لما عرفنا أن فيه مسلسل رعب مصري اتخضينا في الأول وقولنا يمكن يطلع مش رعب ولا حاجة لكن لما اتفرجنا عليه لاقيناه مرعب فعلًا والخضة والتصوير والحركات كلها بـ تخليك تعيش حالة أن فيه ساحرة في قرية في الصعيد وتخليك تفكر كثير في الموضوع واللى قلبه ضعيف ما يتفرجش، علشان كمان طريقة الإضاءة بتاعة المكان والديكورات بـ تخليك تعيش الحالة.

الممثلين سوسن بدر، وحورية فرغلي، وفاء صادق، وصفوة، وياسر جلال، وهالة فاخر، وأحمد فؤاد سليم، كل حد فيهم عامل دوره بشكل احترافي ومرعب في نفس الوقت يعني اللى بـ يخاف يخليك تخاف، واللي بـ يخوف يخليك برضه تخاف.. يعني هـ تخافوا هـ تخافوا ما تقلقوش.. المهم أنكم تكملوا المسلسل لآخره علشان تفهموا التطورات وأن الموضوع مش سحر بس لكنه سحر وتكنولوجيا وتطور في كتابة وتصوير المسلسلات المصرية، حاجة ممكن تفتح باب جديد.

فاكرين أمنا الغولة؟ والديب السحلاوي والعفريت أبو رجلين معزة؟ والجن اللي بـ يخطف الناس وبـ يرعبهم، والسحر الأسود والأعمال السفلية؟ والرعب اللى كنا بـ نسمعه وإحنا صغيرين وبـ نخاف من صوت الباب والضلمة وصوت القطط والكلاب؟

كل ده كوم.. وساحرة الجنوب بقى كوم ثاني، الحكاية بدأت بالبنت الصغيرة (روح) اللي خرجت مع أمها وهي صغيرة علشان يزوروا ساحرة القرية الخالة بخيتة في المقابر ووقعت البنت في مقبرة لسه مدفون فيها واحد مقتول ومن هنا تبدأ عقدة المسلسل.. والدة روح نفسها في ولد علشان جوزها نفسه في ولد وهي بـ تحبه جدًا.. وروح بـ تحاول تتكيف مع الوضع الجديد، بـ تسمع أصوات وتشوف خيالات وهي في الأول مش فاهمة.. لكنها بـ تتعود بعد كده علشان هـ تبقى ساحرة الجنوب واللى لها اتصال قوي بعالم الجن والشياطين وتعمل توترات كثيرة في القرية.. وبـ تبدأ تكتشف قوتها الفظيعة دي لما تموت أمها من حسرتها على جواز أبوها اللى بـ يتجوز واحدة ثانية.. وتبدأ القصة..

المسلسل بـ يشدك جدًا وأنت بـ تتفرج عليه، مع أن فكرة العفاريت والسحر في المسلسلات المصرية كثيرة واتعملت كثير، بس مسلسل ساحرة الجنوب صراحة عاجبنا جدًا علشان فيه كده حاجة بـ تشدك قوي وتخليك قاعد وسايب اللي وراك، وكمان فيه طريقة تصوير جديدة وشغل في المونتاج وفي المؤثرات اللى بـ تخليك ساعات تتخض.

إحنا لما عرفنا أن فيه مسلسل رعب مصري اتخضينا في الأول وقولنا يمكن يطلع مش رعب ولا حاجة لكن لما اتفرجنا عليه لاقيناه مرعب فعلًا والخضة والتصوير والحركات كلها بـ تخليك تعيش حالة أن فيه ساحرة في قرية في الصعيد وتخليك تفكر كثير في الموضوع واللى قلبه ضعيف ما يتفرجش، علشان كمان طريقة الإضاءة بتاعة المكان والديكورات بـ تخليك تعيش الحالة.

الممثلين سوسن بدر، وحورية فرغلي، وفاء صادق، وصفوة، وياسر جلال، وهالة فاخر، وأحمد فؤاد سليم، كل حد فيهم عامل دوره بشكل احترافي ومرعب في نفس الوقت يعني اللى بـ يخاف يخليك تخاف، واللي بـ يخوف يخليك برضه تخاف.. يعني هـ تخافوا هـ تخافوا ما تقلقوش.. المهم أنكم تكملوا المسلسل لآخره علشان تفهموا التطورات وأن الموضوع مش سحر بس لكنه سحر وتكنولوجيا وتطور في كتابة وتصوير المسلسلات المصرية، حاجة ممكن تفتح باب جديد.

عجبك ؟ جرب

السبع وصايا.

نصيحة 360

مسلسل ساحرة الجنوب من بطولة سوسن بدر، حورية فرغلي، وفاء صادق، صفوة، ياسر جلال، هالة فاخر، أحمد فؤاد سليم.. وتأليف سماح الحريري وإخراج أكرم فريد.. ويعرض على قناة mbc  مصر من الأحد إلى الخميس الساعة 9 مساءً.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح