The Definitive Guide to Living in the Capital , Cairo , Egypt

ستايل

ستايل: حققي حلمك في الموضة والجمال

  • عائلي
  • من الآن
  • أسامة عامرأسامة عامر
تم التقييم بواسطة
Marwa Fathy
قيم
قيم الآن
ستايل: حققي حلمك في الموضة والجمال

كل سيدة بـ تدور دائمًا على إيه
الجديد في عالم الموضة والديكور والجمال علشان توصل إلى ما تتمناه ويرضي نفسها
خاصة وأن الموضة دلوقتى بقت مطلب لكل فتاة وسيدة، وكمان فيه اهتمام بجمالها
ورشاقتها علشان تلبي كل سيدة احتياجاتها من الجمال، يبقى لازم تشوف برنامج
“ستايل” اللى بـ يعرض على قناة التحرير الفضائية.

والبرنامج بـ يهدف لتقديم كل ما
هو جديد ومبتكر في عالم الموضة والجمال والأتيكيت والديكور والجميل فيه أنه مش بـ يهتم
بالموضة فقط لكن بكل أنواع الجمال والشياكة في المجتمع وكمان بـ يهتم بالعناية
بالبشرة والإكسسوارات وعروض الأزياء.

دائمًا بـ يبدأ البرنامج بتقديم
معلومة طبية أو صحية للمشاهد وغالبًا ما تتعلق بجمال البشرة والحفاظ عليها وبـ تهتم
في كل حلقة بتقديم معلومات عن الجديد في عالم الموضة خاصة عن صيف 2012، وبعد كده
فيه تقرير مصور لعروض الأزياء عن آخر الصيحات العالمية، لكن الجميل أنه بـ يقدمه
بما يتناسب مع طبيعة المجتمع الشرقي، وبعد كده فيه فقرة عن الأتيكيت وإزاي نقدر
نتعامل بشياكة في دخول الفنادق سواء كان في اللبس أو المعاملات.

وفي فقرة ثانية عن الإكسسورات
خاصة المصنوعة يدويًا، وبعدها فيه تقرير مصور ولقاء حواري مع المتخصصين في المجال
ده، ومن الفقرات الثانية في البرنامج فقرة العناية بالبشرة سواء كان في التجميل أو
عمل الماسكات، وفي نهاية البرنامج فيه فقرة متخصصة عن الديكور وبـ يكون فيها تقرير
مصور عن أحدث أنواع الديكورات الخاصة بالمنزل سواء في غرف الأطفال أو الصالونات.

ورغم جمال البرنامج إلا أن مستوى
الصوت فيه سيء للغاية، فيه عدم تطابق ملحوظ بين كلام المذيعة والصوت الخاص
بالبرنامج، وكمان فيه تقصير واضح في التقنيات المستخدمة على الرغم من أن قناة
التحرير ما تعتبرش من القنوات المبتدئة، إلى جانب أن في بداية ظهورها كان فيه
برامج قوية في الأداء والتصوير والتقنيات المستخدمة لخدمة أي برنامج.

وبالرغم من أن أداء المذيعة جيد
إلى حد ما إلا أنها تحتاج إلى تدريب أكثر للتقديم بشكل أفضل، وكمان من الملاحظ أن
تصوير البرنامج بـ يتم في أماكن مفتوحة وبجانب مناظر طبيعية خلابة إلا أن تقنيات
البرنامج أثرت على جماله، وكمان مدة البرنامج غير كافية مع تقديمه لموضوعات كثيرة
ومتنوعة، وكمان مافيش أي مشاركات من المشاهدين لإبداء رأيهم في البرنامج ولو حتى
من خلال الإنترنت.

عجبك ؟ جرب

"آخر موضة" من تقديم أمينة شلباية.

نصيحة 360

من برامج المجلة التليفزيونية ويعرض ثلاثة أيام في الأسبوع: السبت، والاثنين، والأربعاء الساعة 4 عصرًا على قناة التحرير، ويعاد الخميس والجمعة 10 مساءً من تقديم نرمين شريف وإخراج أسامة عامر.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح