The Definitive Guide to Living in the Capital , Cairo , Egypt

تليفزيون -
شارع المرح

شارع المرح: حياتك كلها ضحك وفرفشة

  • توك شوعائلي...
  • من الآن
  • ياسر الحسينيياسر الحسيني
تم التقييم بواسطة
Marwa Fathy
قيم
قيم الآن
شارع المرح: حياتك كلها ضحك وفرفشة

أوقات كثيرة بـ نحب نشوف مواقف كوميدية سواء كانت درامية
أو سكتشات متنوعة على التليفزيون، وطبعًا بـ يكون الهدف الخروج من كل الضغوط
النفسية اللي بـ نمر بها طوال اليوم سواء كان في العمل أو الحياة اليومية، وده
اللي بـ يقدمه لنا برنامج “شارع المرح” اللي بـ يعرض على قناة أبو ظبي
الأولى الفضائية.

وبـ تقوم فكرة البرنامج على تقديم شكل جديد ومبتكر من
أشكال الكوميديا هدفها الأساسي تقديم السخرية من واقع الحياة اللى بـ نعيشها، والجميل
في البرنامج أنه بـ يقدم مجموعة متنوعة من السكتشات القصيرة الكوميدية وكمان فيها
سخرية من الإعلانات اللى بـ تعرض على القنوات الفضائية المختلفة زي إعلان “سنكرز”
اللى كلنا شوفناه في الفترة الأخيرة واللى دائمًا كان بـ يعرض قبل أي مسلسل، وطبعًا
كان فيه فرق واضح بين النسخة العربي والمصري.

ونلاحظ كمان أن البرنامج بـ يهتم أنه يقدم أخبار فنية
عالمية ومحلية من خمس دول مختلفة: السعودية، والكويت، والإمارات، ومصر، والأردن. وكمان
مقدمى البرنامج من نفس الدول ودائمًا ما يبدأ البرنامج وكأنه في منطقة عمل تحت
الإنشاء ووسط شارع كبير وكمان فيه لقطات متنوعة من شوارع لدول عربية مختلفة.

وطبعًا فقرات البرنامج عبارة عن مواقف تمثيلية عن حياتنا
اليومية زي مثلاً السخرية من خاصية النداء الآلى، النور لما يقطع لما نتفرج على
الحلقة الأخيرة من مسلسل بـ نتابعه، حالة ولادة متعسرة، موقف داخل تاكسي، وبعد عدة
فقرات بـ يظهر مذيع يتكلم عن المواقف اللى بـ تحصل للواحد وكلام الناس عنه، ولأنهم
مش سايبين حد في حاله وبـ يتدخلوا في كل حاجة فبـ يمثلوا المواقف دي في شكل هزلي
مضحك وبعدها فيه سكتشات ثانية لموقف بـ يحصل في بلدين مختلفين واختلاف ثقافة كل
مجتمع في تطبيقه.

ورغم جمال البرنامج إلا أن هناك بعض السلبيات زي مثلاً أن
اسم البرنامج ما بـ يدلش على مضمونه، ومن الأفضل أن يكون له اسم ثاني وكمان أداء
بعض الممثلين العرب غير جيد ومفتعل وما بـ يعطيش أى رغبة للضحك، بعكس أداء بعض
الممثلين المصريين والأردنيين، وكمان فواصل البرنامج غير منطقية.

عجبك ؟ جرب

"منى توف".

نصيحة 360

برنامج من تقديم مجموعة من الشباب من 5 دول عربية وهم: عبد الله محمد، عبير محمد، جنى زين الدين، يوسف كيوان، عبد الله الغامدي، لارا صوالحه، صوفيا جواد، أحمد راسم، نهى عادل، أميرة كامل، رامي نادر وهو من برامج الكوميديا التمثيلية وأسبوعي يعرض كل يوم ثلاثاء الساعة 8 مساءً بتوقيت مصر ولمدة 45 دقيقة من إخراج ياسر الحسيني، ومعتز التونسي وإشراف شريف طايع.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح