The Definitive Guide to Living in the Capital , Cairo , Egypt

صاحب السعادة

صاحب السعادة: هدوء نسبي لعادل إمام في دراما رمضان 2014

  • خالد زكيعادل إمام...
  • عائليكوميدي
  • من الآن
تم التقييم بواسطة
Mohamed Hamdy
قيم
قيم الآن
صاحب السعادة: هدوء نسبي لعادل إمام في دراما رمضان 2014

للأسف نقدر نقول بضمير مستريح أننا مش من محبى أفلام النجم الكبير عادل إمام، وخصوصًا سلسلة الأفلام اللى قدمها مؤخرًا واللى فى رأينا كانت بـ تعمل كلها على مبدأ مخاطبة الغرائز واستعمال الإيفيهات الجنسية والتحرشات السخيفة وغيرها من الأمور الكثيرة اللى بـ نأخذها على تجربة إمام السينمائية.

إلا أنه عملاً بمبدأ عدم التحيز، لازم نعترف أن التجربة الدرامية والتليفزيونية لعادل إمام قد تختلف عن السينمائية، أو على الأقل جرعة الأمور اللى بـ تضايقنا بـ تكون أقل بكثير.

فى البداية لازم نتكلم شوية عن فريق عمل المسلسل، الفريق اللى بـ يختاره عادل إمام كل مرة ومش بـ يخجل طوال الوقت فى تصريحه أن هو اللى بـ يختار فريق عمله بنفسه، بداية من المؤلف يوسف معاطي صاحب قصص أحسن أفلام عادل إمام، ومن بطولة محمد إمام وإخراج رامي الإمام، وكلاهما أبناء الفنان عادل إمام.

المسلسل بـ يحكي عن “بهجت” الرجل اللى بـ يعيش حياة من العواصف الدائمة مع أبناءه وأحفاده وزوجته لبلبة وبـ نشوف قصص درامية جانبية لحياة كل واحدة من بنات بهجت مع زوجها وأبنائها، واللى بـ يعيشوا كلهم فى (كومباوند) واحد وبـ يتسببوا طوال الوقت فى مشاكل لجارهم (لبيب لطفى) وبشكل عام نقدر نقول أن الأحداث بـ تدور فى إطار كوميدي اجتماعي.

من أكثر الأمور اللى جذبت انتباهنا طوال أحداث المسلسل هى الديكورات، غالية جدًا، فخمة جدًا، والأهم: متناسقة جدًا ومريحة للعين، شوفنا بعض التعليقات على الفيسبوك بـ تسأل عن اسم الكومباوند اللى تم التصوير فيه وأماكن شراء الأثاث المستخدم فى المسلسل وغيرها من الأمور، وكان واضح أن حالة الانبهار والراحة اللى عندنا كانت عند ناس ثانية فى نفس الوقت.

بالإضافة للاهتمام بالديكور تم كمان الاهتمام بالطعام! ودى السمة الأساسية فى أعمال عادل إمام، طوال الوقت بـ نشوف ولائم عامرة بالطعام والشراب، مع الأسئلة المعتادة اللى بـ نسمعها من بعض المشاهدين زى “بـ يودوا الـكل فين بعد كده” و”مش كان الغلابة أولى”، وغيرها من الأسئلة اللى بـ تطرح نفسها فى أعمال إمام.

أداء عادل إمام تخطى مرحلة الأستاذية إلى مرحلة إحنا نفسنا حاسين أنها مش بنفس المرحلة السابقة، فيه شىء معين فى ملامحه وعلامات تقدم السن على روحه قبل سنه، أمور كثير عندنا إحساس أنها بدأت تؤثر على أداء الزعيم، على الرغم من قدرته على الاحتفاظ بمساحة من التحليق المنفرد والحر بعيدًا عن باقى نجوم جيله.

خالد زكي اللى أصبح متمرس فى دور رئيس الجمهورية أو الشخصيات الهامة فى المجتمع بشكل عام، أثار عندنا هيستيريا من الكوميديا بأداؤه دور وزير الداخلية، خصوصًا فى الحلقات اللى تناولت أزمة ضياع حذاء السيد الوزير بعد الصلاة فى أحد المساجد وكيفية تأثر الداخلية بالكامل بالحادث! وغيرها من المواقف اللى قدر زكي أنه يقدمها ببراعة تحسب له، على العكس من نهال عنبر اللى كان أداءها فى دور زوجة وزير الداخلية واللى بـ تشتغل هى كمان لواء فى الوزارة، كان أداءها مفتعل ومنفعل خاصة مع زيادة وزنها بدرجة كبيرة فى الفترة الأخيرة.

صاحب السعادة مش أفضل مسلسل فى رمضان، لكنه من المسلسلات اللى ممكن ترسم البسمة على الوجوه ببساطتها وهدوء أحداثها، بالإضافة لضخامة الإنتاج والاهتمام بالتفاصيل.

 

علشان تعرف مواعيد وقنوات عرض “صاحب السعادة” زور “دليل كايرو 360 للتليفزيون فى رمضان“.

عجبك ؟ جرب

مسلسل "دهشة" ليحيى الفخراني.

نصيحة 360

"صاحب السعادة" هو أول تجارب الفنانة لبلبة فى الدراما التليفزيونية.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح