The Definitive Guide to Living in the Capital , Cairo , Egypt

صحبة ياسمين

صحبة ياسمين: كل مشاكلك هـ تهون وتدوب في لحظة واحدة

  • توك شو
  • من الآن
  • محمد بلالمحمد بلال
تم التقييم بواسطة
Marwa Fathy
قيم
قيم الآن
صحبة ياسمين: كل مشاكلك هـ تهون وتدوب في لحظة واحدة

لو عاوز ترمي همومك على حد وكمان يساعدك لإيجاد حل لمشكلتك،
ويأخذ بأيدك لطريق الصواب يبقى لازم تشوف برنامج «صحبة ياسمين» اللي بـ يعرض على
قناة cbc
الفضائية وبـ تقدمه الداعية ياسمين الحصري.

البرنامج بـ يعرض مشاكل اجتماعية
بـ تهم كثير من الناس، وبـ تطرح في كل حلقة موضوع ممكن يكون ناس كثيرة مش مهتمة به
لكنه مهم، وبـ تعرضه بطريقة فيها حميمية بينها وبين المشاهد وده بـ يساعد ناس
كثيرة أنها تفتح لها قلبها وتتصل وتحكي كل مشاكلها، ودائمًا بـ تعرض قصة حقيقية من
واقع حياة والدها الشيخ محمود الحصري وربطها بموضوع الحلقة علشان يكون قدوة حسنة
للناس.

بعد كده فيه فقرة عن “الناس
بـ تفكر في إيه النهاردة” وفيه بـ تعرض تقرير مصور عن حالهم في الشارع الغني
منهم والفقير، وأمانيهم في حياتهم وإيه أكثر حاجة بـ تشغل بالهم النهاردة، وكمان بـ
تطرح سؤال مهم في الحلقة على الفيسبوك وبـ تهتم بالتصويت عليه سواء بنعم أو لأ. وده
طبعًا إيجابية جميلة من البرنامج لأنه بـ يهتم بمشاركات الناس على كافة المستويات.

وبعدها فيه فقرة الاتصالات
التليفونية وكل واحد بـ يطرح فيها مشكلة خاصة به، وتحاول ياسمين أنها تحل المشكلة
بكل سلاسة، وبعد كده فيه فقرة “واحدة مننا” وفيها بـ تعرض قصة كفاح سيدة
في مهن غير عادية على مجتمعنا، وفي الفقرة دي بـ توضح مدى اهتمام البرنامج بالمرأة
المعيلة ومعاناتها علشان تعيش حياة كريمة. وفي نهاية الحلقة تأتى فقرة
“المشاكل” اللى بـ تهتم بعرض مشكلة حيوية عرضت على البرنامج عن طريق
الإيميل وتحاول أنها تحلها بطريقة مناسبة لكل الأطراف.

ورغم جمال البرنامج إلا أن ياسمين
الحصري دائمًا بـ تضرب الأمثلة في بعض الموضوعات الحياتية بوالدها محمود الحصري
رغم وجود علماء كثير في مجال الحياة ممكن نضرب بهم المثل علشان يكونوا قدوة، وكمان
ركز البرنامج على فقرة “واحدة مننا” يعنى اهتم بشكل كبير بمعاناة المرأة
على الرغم من وجود رجال بـ يعملوا في مهن شاقة وغريبة، وكمان أداء ياسمين الخيام
مقارب لدرجة كبيرة للداعية عن كونها مقدمة برنامج، وكمان مشابهة لحد ما لبرنامج د.
عبلة الكحلاوي، وكمان بـ تفتقد إلى روح الحوار في الاتصالات التليفونية أمام
الكاميرا على الرغم من شعبيتها الكبيرة بين الناس، وكمان اهتمامها بوضع ماكياج
يتنافى مع فكرة أنها داعية.

عجبك ؟ جرب

برنامج "أول الحكاية" على قناة دريم 1.

نصيحة 360

من برامج الحديث المباشر من تقديم ياسمين الحصري بنت الشيخ محمود خليل الحصري واللي اشتهرت في المجتمع باسم ياسمين الخيام وأغنيتها المشهورة "محمدًا يا رسول الله"، رئيسة تحرير البرنامج سهير جودة، ومن إخراج محمد بلال، ومن إنتاج قناة cbc وبـ يعرض ثلاثة أيام في الأسبوع: السبت والاثنين والأربعاء الساعة 6 مساءً.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح