The Definitive Guide to Living in the Capital , Cairo , Egypt

تليفزيون
عرب كاستينج – Arab Casting

عرب كاستينج: حلم التمثيل على قناة النهار

  • وسام بريدى، أسيل عمران
  • مسابقات
  • من الآن
  • سامر دانيالسامر دانيال
تم التقييم بواسطة
Rasha Zeidan
قيم
قيم الآن
عرب كاستينج: حلم التمثيل على قناة النهار

لو حلمك أنك تبقى ممثل، لو حلمك أنك تبقى ممثلة، يبقى روحوا واشتركوا في برنامج "عرب كاستينج".. البرنامج اللي عاوز كل الناس تمثل وتشترك، لكن اللي هـ ينجح عدد قليل جدًا، مين فينا ما وقفش أمام المراية وقعد يقلد حركات أو ما قعدش يقول إيفيهات من أفلام هو حافظها ويضحك عليها مع أصحابه أو ما قعدش يقلد ممثل معين في وقت ضحكه أو غضبه علشان يلفت الانتباه له.

هي دي بقى فكرة "عرب كاستينج" اللى عاوز كل اللى عنده موهبة في التمثيل في الوطن العربي يجي ويشترك في البرنامج علشان يعملوا تصفيات أولى يطلع فيها المتميزين وبعدين ياخدوهم ويبدأوا برنامج تدريبي جاد وجامد جدًا قايم على مجموعة من الخبراء في التصوير والإخراج والتمثيل وفي النهاية هـ يطلع منهم ممثل أو ممثلة العرب.

طبعًا واخدين بالنا جدًا أن البرنامج مش جديد من نوعه، قبله كثير برامج مسابقات في الغناء ومسابقات المواهب، يمكن فيه ناس مقتنعة بالموهبة وعاوزة الموهوبين يشتهروا أو أن الموضوع ده بـ يكسب بجد علشان كده انتشرت البرامج دي، ما هي كل الناس عاوزة تعرف مين اللى هـ يكسب وإيه الاختبارات ويتابعوا ابن أو بنت بلدهم برضه مش كده ولا إيه.. والله حاجة توجع القلب لما تقعدي تتفرجي على برنامج علشان صاحبتك وتشجعيها وتحسي أنها ممكن تبقى مشهورة في أي وقت وبعدين علشان دوسة زرار من لجنة التحكيم تطلع بره.. إحنا مش معترضين على البرنامج لكن اعتراضنا على انتشار البرامج دي واللى ممكن يؤثر بشكل سلبي على الشباب ويجيب نتيجة عكسية يعني.

 

لجنة التحكيم بقى مش هـ نقول لك، حاجة كده فخيمة:

قصي الخولي:

الشاب السوري اللى أهله ما كانوش عاوزينه يمثل لكنه اعترض وكافح وأصر على التمثيل واتعلم ومثل في المسرح والسينما والتليفزيون، لحد ما بقى ممثل عربي معروف وده بعد تمثيله في مسلسل (باب الحارة) الشهير، ومن بعده مثل مسلسلات كثير أشهرها (العشق الحرام) وأخد جائزة أفضل ممثل عربي مرتين في 2006 و2011.

 

غادة عبد الرازق:

ممثلة مصرية مشهورة بدأت مشوارها مع الإعلانات، لكن البداية الحقيقية لها كانت في مسلسل (الحاج متولي) مع الراحل نور الشريف واللي اشتهرت بعده جدًا، لها عدد من الأفلام زى "حين ميسرة، الريس عمر حرب، وفيلم عن العشق والهوى" اللي أخدت عليه جايزة مهمة.

 

باسل خياط:

ممثل سوري معروف ولد ف حي شعبي وجاهد لحد ما بقى ممثل معروف، درس التمثيل في المعهد العالي للفنون المسرحية بدمشق وشارك في مسرحيات كثير في فرنسا ولبنان والأردن ومصر، له أعمال كثيرة جدًا لكن من أشهرها "صلاح الدين الأيوبي والتغريبة الفلسطينية" ومسلسل "طريقي" مع الفنانة المصرية شيرين.

 

كارمن لبس:

ممثلة لبنانية معروفة شاركت في أدوار كثير ما بين الكوميدي والتراجيدي وتميزت بقدرتها على أداء أدوارها، ومن الحاجات اللى شاركت فيها: "الشحرورة، سرايا عابدين، العشق الحرام".

 

كده إحنا تعرفنا على لجنة التحكيم واللى لازم تتفق كلها أو ثلاثة منهم على الأقل على المتسابق علشان يطلع للمرحلة اللي بعدها، ولازم نعرف أن كل مرحلة بـ تبقى أصعب من اللى قبلها، يا ترى مين اللى هـ يكسب؟ ده اللى هـ نعرفه لما نتابع البرنامج.

عجبك ؟ جرب

برنامج The Voice.

نصيحة 360

برنامج عرب كاستينج Arab Casting كل يوم جمعة الساعة 8 مساءً على قناة النهار، وهو من إخراج سامر دانيال، وتقديم وسام بريدي وأسيل عمران.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح