The Definitive Guide to Living in the Capital , Cairo , Egypt

تليفزيون
عرض كبير

عرض كبير: برنامج سخرية ملئ بالانتقادات على قناةcbc

  • توك شو
  • من الآن
  • يوسف مرزوقيوسف مرزوق
تم التقييم بواسطة
Rasha Zeidan
قيم
قيم الآن
عرض كبير: برنامج سخرية ملئ بالانتقادات على قناةcbc

بـ يبدأ البرنامج بـ "الكينج" وهو ماشى بعربيته فى الصحراء وبـ يدور على أكرم الشرقاوى "مقدم البرنامج" اللى مستخبى عند جماعة بدو وبـ يحلب معزة… وأول ما بـ يشوفه فى مشهد تمثيلى جدًا وتصويره حلو بـ يقول له: "أنت لاقيتنى إزاى؟"، وطبعًا الكينج هو النجم الراحل "غسان مطر" وبـ يطلب منه أنه يشتغل معاه فى "عرض كبير" ويشهد عليه شيخ العرب اللى يقول له""خلاص.. أيش فيك يا أكرم".

أول مأخذ على البرنامج أنه بـ يستهزأ بالبدو وخلاهم يقلعوا ملابسهم لما طلب لبس بدوى جديد… وخلاهم يحتفلوا بشرب "الخمرة" وعادى يعنى شيخ العرب يقتل ابنته علشان أكرم كان عاوزها.

المهم البرنامج بـ يبدأ علشان نتعرف عليه وهو "توك شو كوميدى" مصروف عليه كويس جدًا ومعمول له ميزانية ضخمة وتصوير أقرب للتصوير السينمائى.. علشان يشد عين المشاهد اللى طبعًا بـ يتشد له علشان ميكس "التمثيل" والبرنامج اللى داخلين فى بعض.

الستوديو كبير وضخم ومجهز بأحدث التأثيرات والإضاءة عالية جدًا وبـ يبدأ كأنه "ستاند أب كوميدى" مع فرقة موسيقية مسميها أكرم "أوركسترا البتنجان" يعنى أهو أى كلام علشان الجمهور يضحك والسلام.

طبعًا الإعلانات اللى اتعملت قبل البرنامج شوقت الناس قوى، هما عاوزين يعرفوا إيه العرض الكبير ده وهـ يحصل فيه إيه ومين اللى هـ يستضيفه أكرم من الضيوف وإزاى البرنامج مالوش علاقة بالطب ولا السياسة ولا غيرهم وأكرم أكد على المعلومة من الأول علشان الناس تعرف أنه برنامج ساخر جديد فيه مسابقات وأسكتشات ومزيكا ومقابلات مع ضيوف علشان يسألهم أسئلة مالهاش علاقة باللى متعودين عليه.

بـ يناقش البرنامج فكرة أو موضوع مختلف وجديد كل حلقة وبـ يسخر من كل الحاجات  اللى بـ نقابلها في حياتنا سواء في الإعلام أو الفن أو في السياسة في عرض كوميدي على مسرح ضخم وبحضور جمهور كبير تقريبًا بـ يضحك طوال الوقت.

وبـ تتنوع فقرات البرنامج بين أخبار من كل حتة علشان الحلقة تسخن وبـ يعرضها أكرم بطريقته اللى الناس مختلفة عليه، فيه ناس بـ تقول عليه "بـ يأفور" وناس ثانية بـ تقول الكوميديا عاوزة كدة.

والبرنامج بـ يهتم بموضوعات كمان بـ تدور حول أهم الأحداث اللى موجودة فى البلد و اللي بـ يتم التعليق عليها بشكل مختلف يعنى الموضوع متعوب عليه لكنه برضه بـ يعدى السخرية العادية زى فقرة الفراعنة اللى فيها بـ يتكلم عن الهرم وهو كأنه فرعون ماسك شيشة فى أيده وقاعد عاوز يدفن كلب فى الهرم وعاوز يكلم البلدية علشان تهد المعبد لأنه "جارح" الهرم يعنى بـ يطل عليه.. وطبعًا ده استهزاء من تاريخنا مش حاجة تضحك.. والفقرة الأساسية بـ يجيب فيها الضيف اللي بـ تتميز باختلافها عن أي حوار تقليدي، وكمان فيه فقرة ألعاب مع الضيف مش هـ نقول لكم عليها ونسيبكم مع البرنامج تشوفوه وتحكموا أنتم.

عجبك ؟ جرب

برنامج "رقص النجوم".

نصيحة 360

البرنامج تقديم أكرم الشرقاوى وإخراج يوسف مرزوق، يعرض على قناة cbc، كل خميس 9 مساءً.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح