The Definitive Guide to Living in the Capital , Cairo , Egypt

تليفزيون
عز الشباب

عز الشباب: معاه تقدر تدخل في فكر كل شاب مصري

  • تقديم: فاطيمة خليل، أحمد فاروق، دينا داود
  • توك شوعائلي
  • من الآن
  • إبراهيم الشربينيإبراهيم الشربيني
تم التقييم بواسطة
Marwa Fathy
قيم
قيم الآن
عز الشباب: معاه تقدر تدخل في فكر كل شاب مصري

لو عاوز تعرف إيه الجديد في
عالم الشباب وإزاي بـ يفكروا وإيه هي طموحاتهم يبقى لازم تشوف برنامج “عز
الشباب” اللي بـ يعرض على قناة روتانا مصرية يوميًا الساعة 6 مساءً وبـ يقدمه
مجموعة من شباب المذيعين.

من الجميل في البرنامج أنه بـ يقدم
كل ما يخص الشباب من ندوات ثقافية وفنية وفكرية، وكمان لقاءات حوارية مع شباب
متفوقين في مجالات متنوعة، بـ يبدأ البرنامج بعرض كافة الفقرات اللي هـ يعرضها في
ملخص بسيط، وبعد كده فيه فقرة عن الأخبار لكنها مختلفة عن باقي البرامج الثانية، لأنها
أخبار خاصة بالشباب سواء كانت عروض فنية أو ثقافية وكمان أخبار خاصة بالإنترنت
والكمبيوتر وكافة المجالات اللى ممكن الشباب يشارك فيها.

وبعد كده فيه تقارير عن جمعيات
أو مؤسسات خيرية ومجتمع مدني وبـ تكون تحت قيادة شبابية وبـ يعلق عليها المذيعين.

وكمان فيه فقرات حوارية عن
موضوعات البرنامج وكلها خاصة بشباب حاصلين على جوائز أو فقرات كوميدية أو دينية، أو
طبية، وكمان بـ يختم الحلقة بفقرة غنائية حوارية مع أحد الشباب الموهوبين غنائيًا،
يعنى نقدر نقول أنه بـ يقدم مواهب جديدة للشباب سواء في مجال الغناء أو الشعر أو
التمثيل، لكن لما بـ يعرض المواهب دى مش بـ يكون في الحوار أي حد من المتخصصين
علشان يقدر يقيمهم أو يدلهم على الطريق الصحيح لتنمية موهبتهم.

وكمان فيه فقرة خاصة بالمطبخ
لكنها بـ تبقى في أماكن مفتوحة وده شيء جميل، لأنها بـ تخلي المشاهد يخرج عن تقليدية
النوعية دي من البرامج، وبـ تساعد على جذب الانتباه لكن المذيعة الخاصة بالفقرة دي
غير متمكنة من أدائها في الحلقة، ومش بـ تسأل الشيف عن كافة الأسئلة الخاصة بأى
ربة بيت لما تيجى تعمل الطبخة، وكمان الفقرة دي مافيهاش مشاركات تليفونية رغم أنها
من الفقرات الهامة عند كثير من المشاهدين.

وكمان نقدر نقول أن البرنامج ده
متنوع بـ يغطى كافة الجوانب والأفكار اللى بـ تخص الشباب، وكل يوم فقراته تختلف عن
اليوم اللى قبله وده بـ يعطى تنوع واختلاف عن باقي البرامج الثانية وبرضه فيه تناغم
واضح بين مقدمى البرامج فبـ يظهره بشكل مختلف وممتع في نفس الوقت لأن كل واحد من
مقدمي البرنامج بـ يعمل إضافة جديدة.

ورغم كل ده إلا أن فيه بعض
المذيعين بـ يقاطعوا الضيف في عرضهم للأسئلة، بينما بـ يترك البعض الآخر مساحة
كبيرة للضيف وما بـ يكونش لهم تأثير في الفقرة، وبـ تكون الأسئلة محدودة وغير ملمة
بموضوعها، وفي أحيان كثيرة في الفقرة الحوارية اللي بـ يكون فيها اثنين مذيعين بـ يطغى
مذيع على الآخر، وكمان الديكور الخاص بالبرنامج غير ملائم وفيه نوع من الملل وغير
جذاب إطلاقًا.

عجبك ؟ جرب

برنامج "بره الدنيا" على قناة ltb.

نصيحة 360

من البرامج الحوارية وبـ يعرض كل يوم الساعة 6 مساءً على قناة روتانا مصرية، مدة البرنامج ساعة ونصف، من تقديم فاطيمة خليل، أحمد فاروق، دينا داود، ورئيس تحرير البرنامج محمد العقبي وإخراج إبراهيم الشربيني ومن إنتاج روتانا مصرية 2011.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح