The Definitive Guide to Living in the Capital , Cairo , Egypt

عيادة حب

عيادة حب: للحب ألف طريق على قناة النهار

  • د. هبة قطب
  • اجتماعى
  • من الآن
  • أحمد مدحتأحمد مدحت...
تم التقييم بواسطة
Rasha Zeidan
قيم
قيم الآن
عيادة حب: للحب ألف طريق على قناة النهار

شابوه للدكتورة هبة قطب.. أول طبيبة تقرر أنها تطلع على شاشات التليفزيون وتتكلم عن المسكوت عنه.. وهي العلاقة الجنسية بين المتزوجين، نعترف أننا كنا زي كثير من جيلنا اللي كانوا شايفين أن الكلام في الحاجات دي عيب وده طبعًا راجع لمخزون الثقافة اللي كلنا تربينا عليه.

د. هبة قطب استشاري الطب الجنسي والعلاقات الأسرية وهي الوحيدة اللي قررت تعوم ضد التيار وتطلع في برامج أسرية تحل وتناقش المشاكل الأسرية والعلاقات الجنسية من وجهة النظر العلمية الصحيحة وإزاي الزوجين يوصلوا للسعادة الزوجية.

ودلوقت بقى لها برنامج من الألف للياء بـ يناقش بشكل علمي ومدروس كيفية التعامل بين الزوجين وإحنا عاوزين نحط 100 خط وخط تحت الزوجين علشان ما يطلعش حد مريض ويقول أن البرنامج بـ يشجع الناس على ممارسة الرذيلة.

تتر البرنامج عبارة عن مشهد تمثيلي للحياة الزوجية اللي فيه زعل وخصام وأثر الهدية في تهدئة الجو العام، "عيادة حب" بـ يبدأ بمقدمة عن موضوع الحلقة "زى شهر العسل، الخيانة الزوجية، لماذا يفضل الرجال بنات الليل".

الجديد في عيادة حب أنه مش بس بـ يناقش المشكلة من الناحية العلمية اللي بـ تقدمها د. هبة من حيث الطبيعة الفسيولوجية للمرأة والرجل ووجهة نظر كل منهما في موضوع "العلاقة الزوجية" لكنه مدخلها في فكرة العمل الدرامي، اثنين شباب وبـ يمثلوا أنهم متزوجين وعندهم مشكلة عاوزين يحلوها ويبدأ عرض جزء من مشكلة الزوجين والتحليل العلمي للموضوع، ومن نصائح د. هبة أن العلاقة الزوجية أساسها المودة والرحمة والاحتواء وعن أثر الكلمة الطيبة والهدية.

كمان من أهم نصائح د. هبة قطب أن العلاقة الجنسية علم يجب أن يكتسب بالقراءة والمعرفة وسؤال المتخصص وهو علم زيه زي القراءة والكتابة علشان شهر العسل يكون عسل فعلًا.

آخر حاجة نحب نقولها لكل أب وكل أم خلوا بالكم من أولادكم.. وربوا أولادكم على الثقافة دي وعرفوهم من برامج محترمة بدل ما يعرفوا معلومات غلط من بره.. مش كده ولا إيه؟

عجبك ؟ جرب

"الدين والحياة" لدعاء فاروق.

نصيحة 360

برنامج "عيادة حب" تقديم د. هبة قطب، ومن إخراج أحمد مدحت، يعرض على قناة النهار الخميس 12:30 ظهرًا.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح