The Definitive Guide to Living in the Capital , Cairo , Egypt

عيش صح

عيش صح: هـ تعرف تعمل كده على قناة صدى البلد

  • عائلي
  • من الآن
تم التقييم بواسطة
Ahmed Abd El Gawad
قيم
قيم الآن
عيش صح: هـ تعرف تعمل كده على قناة صدى البلد

عيش:

كلمة بقيت صعبة جدًا دلوقت أنك تعرف تعيش.. يعنى مع الظروف واللى بـ يحصل والمشاهد اللى ملأت الشاشات دلوقت من قتل ودم وضرب وسحل وغيره حاجات كلها بـ توديك ناحية واحدة بس.. أنك صعب تعيش بجد فى الظروف من غير ما تتأثر بها.

 

صح:

فما بالك بقى لو قال لك كمان عيش صح؟.. صراحة أول حاجة نورت فى دماغى لما شفنا الاسم ده هو الناس عارفة تعيش أصلًا لما كمان تطلبوا منهم يعيشوا صح؟!.. وبعدين قولنا طيب ما هى فكرة برضه.. أى إنسان لازم يعيش صح واللى عايش غلط كمان فى الظروف دى هـ يبقى الغلط عليه مضاعف يعنى مش كفاية وكمان مش عارف تعيش لكن إيه بقى الفكرة.

 

هـ تعرف تعمل كده:

الفكرة كلها قائمة على سؤال محدد: “هـ تعرف تعمل كده؟” هـ تعرف تعيش صح؟ البرنامج بـ يحاول يجاوب على السؤال ده.. يعني تقدروا تقولوا كده “نور فى وسط الطريق”.. محاولة فعلًا لدعوة الناس بأنها تهتم بحياتها.. والبرنامج بـ يتكلم عن كل حاجة بـ تهم الأسرة.. بداية من الزوج والزوجة لحد الأطفال.. وكان بـ يقدم معلومات وأخبار اجتماعية وصحية.. فكرتهم قائمة على مساعدة كل أفراد الأسرة.. وبـ يحاولوا يوصلوا رسالة لهم إزاى يعيشوا حياتهم صح.. وده فى كل جوانب حياتهم يعنى فى البيت، فى الشغل، فى المدرسة والجامعة، فى العلاقات الأسرية كمان وإحنا طبعًا عارفين أهمية العلاقات الأسرية واللى بالاهتمام بها نقدر نعمل بيت طبيعى خالى من المشاكل وده بـ يظهر تأثيره بعد كده على المجتمع كله..

كمان البرنامج بـ يهتم بتربية الأطفال واللى هـ يصنعوا المستقبل بشكل أفضل لو قدرنا نصنع طفل صحيح من الناحية العقلية والنفسية والجسدية.. وعلشان كده البرنامج برضه بـ يهتم بالتغذية والرياضة والصحة وطبعًا الثلاثة اللى فاتوا دول لو اهتمينا بهم لازم نعيش بعدها صح.. والبرنامج تقدروا تقولوا عليه كده تشكيلة من الضيوف الخبراء والمتخصصين فى مجالات كثيرة.. وأكثر حاجة هـ تلاحظها فى البرنامج أنه بجد مبهج يعنى بـ يحاول يصنع حالة من السعادة وبـ يساعد على كده المذيعيتين الشابتين هبة الجارحى ومروة صبرى.. والديكور عندهم ألوانه هادئة وفاتحة طوال الفقرات.. ولازم كمان نشكر المخرج اللى قادر ينقل الكادرات بمهارة ومش بـ يتعب العين من التنقل الكثير لكنه عارف إمتى يغير الكادر ويخليك مبسوط وأنت بـ تتفرج.

عجبك ؟ جرب

برنامج "عز الشباب" على قناة روتانا مصرية

نصيحة 360

يعرض من السبت إلى الخميس الساعة 4 عصرًا على قناة صدى البلد (ملحوظة: "الأيام اللى بـ يكون فيها أحداث كبيرة وتوتر فى البلد بـ يعرض بدلاً منه برنامج "ستوديو البلد") ومن إخراج مجدى يونس.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح