The Definitive Guide to Living in the Capital , Cairo , Egypt

تليفزيون
فاطمة (الجزء 2)

فاطمة (الجزء 2): مسلسل قديم جديد

  • أنجين أكيوريكبيرين سات
  • رومانسي
  • من الآن
تم التقييم بواسطة
Samah Nageh
قيم
قيم الآن
فاطمة (الجزء 2): مسلسل قديم جديد

ما ذنب فاطمة جول؟.. مسلسل تركى أنتج عام 2010 على قناة كنال دى التركية ويذاع على قناة cbc الآن مدبلج للغة العربية وهو مقتبس من رواية شهيرة بـ تتكلم عن قصة حقيقية لكن المسلسل بـ يختلف قليلاً عن الرواية، المسلسل من بطولة بيرين سات وأنجين أكيوريك وإخراج المخرجة هلال سيرال.

قصة المسلسل بـ تتكلم عن بنت فقيرة بـ تعيش فى قرية تابعة لأزمير مخطوبة لصياد اسمه مصطفى، تم اغتصابها على يد 4 شباب سكارى أحدهم كريم (أنجين أكيوريك) وبعد ما بـ يتخلى عنها خطيبها بـ يضطر أهلها أنهم يزوجوها لشخص من الأربعة اللى اغتصبوها وهو “كريم” للتغطية على الثلاثة الآخرين وعلشان الفضيحة وبـ تنتقل معه إلى أسطنبول هى وأهلها وبعد فترة بـ تكتشف أنه ما اغتصبهاش وبعد فترة يقع فى حبها ويحاول يوصل لها ندمه الشديد ولكن فاطمة ما تقبلش ندمه وكانت بـ تقابله بالعداء، وبعد كده فاطمة بـ ترفع قضية ضد الثلاثة اللى اغتصبوها ويشتد الصراع خصوصًا وأنهم من عائلة غنية ومشهورة ومع استمرار دعم كريم لها تميل إليه فاطمة وبـ ينتهى الموسم الأول بتأجيل القضية اللى رفعتها فاطمة واتهام كريم بقتل مراد بعد مشاجرة بينهما ولكن فى الحقيقة مصطفى هو القاتل.

وفى الموسم الثانى واللى بـ يعرض حاليًا بـ يخرج كريم من السجن والأحداث بـ تأخذ شكل رومانسى بين كريم وفاطمة وبـ يستمر الصراع مع الثلاثة الآخرين وبـ تستمر القضية.

ومثلما نال الموسم الأول مشاهدة عالية ونجاح كبير ينال الموسم الثانى حاليًا نفس النجاح والمشاهدة من أعمار مختلفة لأن المسلسل بـ يناقش قضية اجتماعية وهى الاغتصاب واللى بـ تعانى منه مجتمعات كثيرة وبـ تنقل الأحداث نظرة المجتمع للبنت المغتصبة وكيف تتعرض للوم مع أنها المجنى عليها وبـ يظهر ده جدًا فى تخلى مصطفى خطيب فاطمة عنها بعد اغتصابها. وده بجانب الحالة النفسية السيئة اللى بـ تصيب البنت المغتصبة من الاغتصاب ومن نظرة المجتمع لها خاصة فى المجتمعات العربية أو اللى لها مرجعية إسلامية.

فى الموسم الثانى من المسلسل تقل حدة الأحداث وتعلو نبرة الرومانسية أكثر لكن للأسف القصة تسير ببطء شديد على عكس الموسم الأول وبقى البطل فى الأحداث هو الحالة الرومانسية بين كريم وفاطمة والقضية أصبحت تحتل جزء أقل من الأحداث ولكن حتى حالة الرومانسية تسير بشكل بطيء جدًا وده يمكن اللى خلى الناس تمل شوية أو تنتقده خصوصًا أن أغلب المشاهدين منتظرين عقاب المتهمين.

بس بصراحة فيه عناصر ثانية فى المسلسل مش ممكن الواحد يمل منها زى الموسيقى التصويرية مثلاً اللى بـ تمزج بين الرومانسية والشجن، والمناظر الطبيعية فى التصوير الخارجى، والديكور اللى بـ يبين قد إيه المجتمع التركى راقى.

لو بـ تحب المسلسلات اللى بـ تناقش قضايا اجتماعية أكيد مسلسل “ما ذنب فاطمة جول؟” هـ يناسبك.

عجبك ؟ جرب

"عودة مهند" على قناة الحياة.

نصيحة 360

يعرض المسلسل على قناة cbc الساعة 7 مساءً، ويعاد الساعة 9 مساءً علىcbc  دراما، و10 صباحًا علىcbc  دراما، من إخراج: هلال سيرال.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح