The Definitive Guide to Living in the Capital , Cairo , Egypt

كلام على ورق

كلام على ورق: مسلسل له كاريزما فى رمضان

  • أحمد السعدنيأحمد زاهر...
  • دراما
  • من الآن
  • محمد ساميمحمد سامي...
تم التقييم بواسطة
Mohamed Hamdy
قيم
قيم الآن
كلام على ورق: مسلسل له كاريزما فى رمضان

فى البداية، استغربنا جدًا من اسم المسلسل “كلام على ورق”.. هو المفروض الكلام يكون على إيه ثاني غير الورق؟ يمكن لو كان الاسم “حبر على ورق” كنا فهمنا شوية الهدف من التسمية، لكن لما عرفنا أن صناع المسلسل كانوا هـ يسموا المسلسل فى البداية “جريمة قتل” حمدنا ربنا وقولنا أن قضاء قد يكون أخف من قضاء أسوأ!

المسلسل اللى أخرجه محمد سامي، بـ تدور أحداثه حول جريمة قتل غامضة بـ تحصل فى لبنان فى الوقت الحالى، بـ يتم اتهام حبيبة البيطار (هيفاء وهبي) فى جريمة القتل، ومن خلال روايتها للأحداث مع الضابط اللى بـ يحقق معاها بـ نبدأ نستكشف دائرة من الغموض اللى بـ تلف عدد من المصريين اللى بـ يشتغلوا فى لبنان فى أنشطة غير قانونية بـ تضطرهم طوال الوقت لمخالفة القانون وعمل جرائم قتل أو خطف أو… إلخ.

المسلسل قائم على فكرة التشويق للنهاية، والاستعانة بمشاهد الفلاش باك والخلط فى الكلام بين اللهجة المصرية واللبنانية، وبـ يحاول طوال الوقت أن نهاية الحلقة تكون مشوقة بشدة لضمان عودة المشاهدين من جديد، لكن فى رأينا أن عرض المسلسل فى رمضان حيث (مولد سيدي المسلسلاتي) جعل نسبة مشاهدته أقل، والمسلسل كان ممكن يأخذ اهتمام ووقت أكثر من كده لو كان تم عرضه فى غير رمضان.

هيفاء وهبي عملت دور قوي، لكن فى نفس الوقت إحنا مش عارفين ليه تم اختيار هيفاء بالذات للدور؟! كان ممكن أى ممثلة ثانية تقوم بالدور بنفس المستوى ويمكن بشكل أفضل كمان! هل اسم هيفاء وهبي تم الاستعانة به كنوع من أنواع الدعاية للمسلسل؟ زى معظم الأعمال السينمائية اللى بـ يتم الاستعانة فيها بهيفاء، فى اعتقادنا الشخصى أن ده كان السبب الحقيقي وراء الاستعانة بها.

لازم نشيد بدور المرحوم حسين الإمام، الحقيقة أن الرجل ده بـ يثبت فى كل دور قام به أنه فعلاً ممثل أكثر من رائع، وقادر على تقمص أى دور كان يُطلب منه بقوة وسهولة فى وقت واحد، وبـ ندعو له بالرحمة ونتمنى أنه يكون موجود الآن فى مكان أفضل، زى ما أمتعنا فى جميع أدواره وآخرها “كلام على ورق”.

أما مفاجأة المسلسل بالنسبة لنا تمثلت فى الفنان العظيم أحمد زاهر، نقدر نقول أن زاهر خرج بره جلده تمامًا وقدم دور مختلف عن كل أدواره اللى كان بـ يظهر فيها فى دور الولد المدلل المرفه الوسيم، زاهر بعد تجربة صحية صعبة خرج بشخصية تمثيلية مختلفة، ونقدر نقول أن دوره فى المسلسل هو أهم أدواره.

كلام على ورق مسلسل كان ممكن يكون له نصيب أكبر من كده لو عرض فى غير رمضان، وننصحكم تشوفوه على رواقة فى الإعادة بعد نهاية الشهر الكريم.

 

علشان تعرف مواعيد وقنوات عرض “كلام على ورق” زور “دليل كايرو 360 للتليفزيون فى رمضان“.

عجبك ؟ جرب

الصياد.

نصيحة 360

كان اسم المسلسل "جريمة قتل" ثم تم تغييره إلى "كلام على ورق".

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح