The Definitive Guide to Living in the Capital , Cairo , Egypt

لازم نفهم – مجدي الجلاد

لازم نفهم: للتعرف على قضايا هامة في مصر

  • إخباري
  • من الآن
  • أحمد جمعة
تم التقييم بواسطة
Marwa Fathy
قيم
قيم الآن
لازم نفهم: للتعرف على قضايا هامة في مصر

«لازم نفهم» من البرامج الجديدة على قناة cbc الفضائية، وبـ يقدمه مجدي الجلاد وبـ تقوم فكرته على طرح قضية بـ
يعاني منها مجتمعنا وممكن نكون مش واخدين بالنا منها، ويبدأ يحقق فيها من كل
الجهات ويحاول يوصل لحل لها في نهاية الحلقة.

ومن الحاجات الحلوة في البرنامج أنه بـ يقدم
مشاركات للجمهور بدءًا من إرسال آرائهم على الموبايل والإيميلات والمشاركات على
الفيس بوك حتى المشاركة عن طريق التليفون، وبـ يبدأ الجلاد برنامجه بمقدمة شيقة وجذابة،
وكمان أسلوبه جيد جدًا لأنه بـ يتكلم بطريقة يفهمها الرجل البسيط في الشارع، يعني
يقدر يوصل لكل واحد فينا، ودى ميزة وعيب في نفس الوقت لأنه بكلامه ممكن يأثر على
الناس بالإيجاب أو السلب في حالة أن رأيه غلط خاصة وأنه أحيانًا بـ يتكلم بطريقة
هجومية على أوضاع كثيرة بـ نعيشها، ومن الجميل كمان في البرنامج أنه بـ يعرض في
بداية الحلقة تقرير مصغر عن نتائج وصل لها البرنامج في الحلقة السابقة، وده بـ
يخلى المشاهد متابع جيد لبرنامجه.

وكمان لما يطرح موضوع جديد بـ يبدأ بسؤال
ويحاول يجاوب عنه في الحلقة، زي مثلاً لما اتكلم عن اللحمة المنتشرة مؤخرًا وتباع
بـ 30 و35 جنية للكيلو في شوادر غير صالحة للاستخدام، وبعد كده قام فريق البرنامج بعمل
تحقيق تليفزيوني عن إيه بـ يحصل في اللحمة سواء كانت عند الجزار أو المجمدة أو
تباع في الشوادر، ومن خلال التحقيق توصل أنها غير صالحة للاستخدام الآدمي بكل
أنواعها.

وبعد كل فقرة في البرنامج بـ يحلل الجلاد ما جاء فيها من
وجهة نظره هو، وبعد كده بـ يستضيف أحد الشخصيات الهامة لمحاولة الوصول لحل جيد
للقضية المطروحة، ومن الجميل أنه بـ يعتمد في كلامه على الوثائق وكمان بـ يكون فيه
تعليقات من المشاهدين على الفيس بوك، وبـ تتعرض آرائهم على الشاشة.

 ومن عناصر الجذب
في البرنامج التتر الخاص به ملائم جدًا لفكرته، ولاحظنا في «لازم نفهم » العديد من
الفواصل الإعلانية وده دليل على نجاح البرنامج.

ورغم جمال البرنامج وجاذبيته إلا أن ديكوراته غير ملائمة
للموضوع، وكمان أسلوب مجدي الجلاد في الكلام هجومي وغير محايد، وبـ يقتصر في حواره
علي شخصية واحدة فقط وليس على أكثر من شخصية، يعني لا يهتم بالرأي والرأي الآخر.

عجبك ؟ جرب

«في الميدان»، «مصر الجديدة».

نصيحة 360

تحقيقات إخبارية في شكل تليفزيوني، يقدم المذيع من خلاله البحث قضية مهمة ويطرحها للنقاش. البرنامج أسبوعي بـ يذاع كل يوم خميس الساعة 10 مساءً بـ يقدمه الكاتب الصحفي مجدي الجلاد ويخرجه أحمد جمعة، ويعرض على قناة cbc على تردد 11488 أفقي على النايل سات.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح