The Definitive Guide to Living in the Capital , Cairo , Egypt

زي ما عودتنا شبكة تليفزيون
الحياة الفضائية أنها تقدم لنا كل جديد في عالم المسابقات، ظهرت علينا ببرنامج
جديد اسمه “لعبة الجمال” برعاية صانسيلك وبـ يعرض على قناة الحياة 2.

هدف البرنامجش الأساسي هو الاختيار
بين عدد كبير من المتسابقين أفضل مصمم شعر وموديل، وده طبعًا للفوز بجوائز مالية
كبيرة يقدروا يحققوا من خلالها أحلامهم، ومن الجميل في البرنامج أنه بـ يهتم بوجود
عدد كبير ومتساوي من الرجال والنساء سواء كانوا من مصممين شعر أو موديل، وكمان كل
اثنين بـ يشكلوا فريق وقبل بداية كل حلقة بـ يجتمع كل المتسابقين في مكان واحد
علشان يشوفوا كواليس الحلقة وربما يكون الهدف منها معرفة الأخطاء اللى وقعوا فيها
الحلقة اللى فاتت.

ونلاحظ أن في كل حلقة بـ يكون فيه
مهمة جديدة ومختلفة بـ يقوم بها المتسابقين وفي النهاية بـ يكون فيه مجموعة هـ تكمل
المسابقة سواء كانوا فريق خرج منها أو حصل على الحصانة، وطبعًا في حالة حصوله
عليها مش بـ يخرج من السباق تحت أي ظرف ومهما عمل، وكمان من الممكن أنه يحصل على
حصانة مرة ثانية.

وكمان المهمة بـ تكون إما تصوير
لغلاف مجلة من خلال الموديل الموجودين، وطبعًا كل واحدة بـ يكون لها قصة شعر
مختلفة ويتم التقييم على الشكل وطريقة وقفتها كموديل، وكمان بـ يكون فيه مهمة ثانية
زي عمل لوك جديد وده بـ يكون في وقت قليل “30 دقيقة” وبـ يقيسوا من
خلالها سرعة الأداء لكل مصمم ومن الملاحظ كمان أن كل الأدوات المستخدمة للعناية
بالشعر من صانسيلك وبما يتناسب مع طبيعة شعر كل موديل.

ويتم التقييم من خلال لجنة تحكيم
مكونة من 3 أفراد: فنانة ومصمم عالمي ورئيس تحرير مجلة نسائية، وكمان ديكور
البرنامج رائع ومعبر جدًا عن المضمون المقدم لأنه بـ يشعر المشاهد كأنه داخل
البرنامج وطبعًا كل فقرة في البرنامج لها ديكور خاص بها.

ورغم جمال البرنامج إلا أن
المحكمين بـ ينزلوا مع المتسابقين لمراقبتهم أثناء إنجاز المهمة وده طبعًا بـ يعمل
لكثير منهم ارتباك وكمان بـ يأثر على أدائهم وكمان فيه بعض اللقطات تصويرها غير
واضح بالمرة ومحتاج إلى دقة للمشاهد علشان يوصل للصورة الصحيحة، وربما ده يرجع
لعامل الإضاءة في الستوديو غير الساطعة لدرجة كبيرة، وكمان في بعض اللقطات تصويرها
بـ يكون قريب جدًا جدًا، وطبعًا بـ يأثر على الشكل العام للبرنامج، وكمان لبس
المذيعة على الرغم من أنه برنامج متخصص في الجمال إلا أنه فى بعض الأحيان بـ يكون
غير متناسق مع بعضه، ونلاحظ أنه مشابه لبرنامج “لعبة الحياة” اللى كانت
بـ تقدمه نفس المذيعة من 3 سنين وكمان كان برنامج مسابقات.