The Definitive Guide to Living in the Capital , Cairo , Egypt

خاتم سليمان

مسلسل خاتم سليمان: قصة نمطية بشكل أسطورى

  • خالد الصاوي، رانيا فريد شوقي، فريال يوسف
  • دراما
  • من الآن
  • أحمد عبد الحميدأحمد عبد الحميد
تم التقييم بواسطة
Mohammed Nabil
قيم
قيم الآن
مسلسل خاتم سليمان: قصة نمطية بشكل أسطورى

“عاشق سارح فى الملكوت، ما يهموش العمر يفوت، يدفع فى الحرية
حياته، لو اتكتف للحظة يموت”.. دى كلمات أغنية تتر مسلسل “خاتـم سليمان”
اللى أبدعت فيه المطربة ريهام عبد الحكيم وقدرت تشدنا من خلال الأغنية للمسلسل من
قبل حتى ما نشوفه، المسلسل بطولة النجم خالد الصاوى واللى من ساعة الثورة ما قامت وأسهمه
فى ارتفاع علشان كان على رأس المظاهرات وساند الثوار من اليوم الأول وقاد كمان بعض
المظاهرات اللى خرجت من نقابة السينمائيين للتحرير.

ورغم أن مسلسله السنة دى ما أخذش حظه
من الدعاية قبل رمضان وسط الزخم الإعلانى عن مسلسلات وبرامج رمضان، الآن “خاتم
سليمان” قدر يجذب المشاهدين من الحلقة الأولى واللى بـ يأكد فيه خالد الصاوى على
نظريته فى التمثيل وهى السهل الممتنع، وبـ يثبت
أن نجاحه ما جاش صدفة، لكن نتاج جهد وعمل وذكاء، وبـ يأكد مسيرة نجاحه بمسلسلات “أهل كايرو”،
و”قانون المراغى” واللى حققوا نجاح كبير لما اتعرضوا فى رمضان الماضى وقبل
الماضي .

المسلسل بـ تدور أحداثه في إطار
اجتماعى تشويقي حول شخصية دكتور سليمان الجراح العبقري الغني والبسيط في نفس الوقت
وبـ يعانى من ضغوط شديدة يتعرض على أثرها لمفارقة
درامية خطيرة تعمل على تغيير مجرى حياته، وبـ يجسدها (خالد الصاوى) وهى تعتبر شخصية جديدة عليه
تمامًا، اختار فيها المؤلف مهنة الطبيب للبطل علشان تعتبر أنسب مهنة ممكن يقنع
الناس من خلالها بشخصيته فى الأحداث، بالإضافة إلى أنها واحدة من أرقى المهن فى العالم، د.سليمان
سايب إدارة المستشفى اللى بـ يملكها لزوجته السيدة الأرستقراطية المتسلطة اللى بـ
تجرى وراء الفلوس بكل قوتها “شاهيناز” واللى بـ تلعب دورها (رانيا فريد
شوقى)، وبصراحة قدرت هى كمان أنها تشد المشاهد بأسلوب بسيط وتجسد دورها بمهارة
تحسد عليها، كمان بـ يتعرض
المسلسل لقضايا الفساد التى انتشرت فى مصر قبل الثورة، مرورًا بالثورة وأحداثها.

المسلسل وجبة درامية دسمة بـ أحداثه
البسيطة ولكن عميقة، ممكن يخليك تتأثر، زى بدايته لما كانت بنت د. سليمان
“شهد” متهمة فى جريمة قتل، أو تنفعل لما كانت شاهيناز ود. سليمان بـ يتخانقوا
لحد ما خالد الصاوى أنهى المشهد بتعبيرات صادقة وعميقة أوى قبل ما يسيب لها البيت،
أو حتى تعيط لما ظهرت “ملك يونس” الإعلامية المشهورة اللى بـ تقوم بدورها
(فريال يوسف) حكت في لقاء تليفزيوني إزاى قدر شخص مجهول مساعدتها ومشي قبل ما حتى
تشكره فى مشهد خلى الناس ثابتة أمام التليفزيون.

كل اللى شاف
المسلسل لاحظ أن فيه ظل أسطوري وروحاني، ويمكن ده السبب فى اسم «خاتم سليمان»،
وكأنها إشارة إلى أننا بحاجة إلى معجزة لتعديل أوضاعنا، وأن المعجزة دى هى أصلاً داخلنا،
القصة من وجهة نظر البعض نمطية لرجل يظل يُقهر فى البداية لحد ما يثور على قهر
الآخرين له، وينتقم لكرامته وحياته، ولكنها من الحلقة الأولى وبـ تُقدم بشكل غير
تقليدى بالمرة. واسم المسلسل في حد
ذاته مش جديد علشان كان فيه فيلم بنفس الاسم ده زمان لعب بطولته ليلى مراد.

وأنت بـ تتفرج على “خاتم
سليمان” مش هـ تحس بالملل خالص في أداء أى فنان، يمكن ده بـ يرجع لأحداث
المسلسل السريعة والمشوقة، لكن إحنا شايفين أن مخرج العمل هو كمان له فضل كبير. والممثلة
شذا اللي بـ تمثل دور شهد ابنة خالد الصاوى ينتظرها مستقبل فنى عريض.

عجبك ؟ جرب

مسلسل "المواطن إكس"

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح