The Definitive Guide to Living in the Capital , Cairo , Egypt

مع نور الشريف

مع نور الشريف: نعيش في زمن الفن الجميل

  • دراماعائلي
  • من الآن
  • طارق أبو العلاطارق أبو العلا
تم التقييم بواسطة
Marwa Fathy
قيم
قيم الآن
مع نور الشريف: نعيش في زمن الفن الجميل

لو حد متابع قناة دريم 2 الفضائية
ممكن يكون شاهد برنامج «مع نور الشريف» اللي بـ يخرجه طارق أبو العلا وبـ يقدمه
الفنان نور الشريف والبرنامج بـ يعرض نقد فني مبسط لأفلام الأبيض والأسود خاصة اللي
كان له بصمة منها في تاريخ السينما المصرية.

في البرنامج يتم تحليل عدة لقطات
مختلفة في الفيلم محور النقاش، بشكل يخلي المشاهد يقدر يعرف قصة الفيلم حتى لو بـ
يشوفه أو يعرفه لأول مرة، وكمان نور الشريف بـ يشرح اللقطات بطريقة مبسطة ممكن أى
حد يفهم طريقة نقده للفيلم.

وغير كده بـ يهتم الشريف بعرض طريقة
الإخراج في الفيلم، خاصة في أدق التفاصيل سواء بالنسبة للممثل أو الكومبارس أو الديكورات،
وبـ يقارن ده بالوضع الحالي في السينما المصرية سواء من مشاهد أو نظام إنتاج. كمان
بـ يهتم بوقت عرض الفيلم أول مرة، وكأنه بـ يؤرخ للسينما المصرية.

ومن ضمن الأفلام  المعروضة بالبرنامج فيلم «ليلى بنت الريف»،
«ليلى بنت المدارس» و«أمير الانتقام» وغيرها من الأفلام المؤثرة في تاريخ السينما.

فمثلاً في فيلم «ليلى بنت الريف» اهتم
بعرضه تطور شخصية الفلاحة، وتحولت من الريف للمدينة وازاى التطور ده كان منطقي وغير
مفتعل في أداء ليلى مراد بطلة الفيلم، وكمان الأحداث العامة للفيلم وردود أفعال الشخصيات
تجاه الأحداث المتلاحقة.

ونلاحظ في إخراج البرنامج أنه مع كل
جانب بـ ينتقده بـ يظهر معاه الديكور المماثل للحالة  المشروحة، زي تحليله للعمل إخراجيًا نلاقيه
قاعد على كرسي المخرج وكأنه في قلب الحدث، وبرضه لما يكون بـ يحلل رأي الجمهور في
تلك الفترة يقعد وكأنه في دار عرض سينمائي.

ومع كل ده بـ يهتم نور الشريف بعرض
رأي لواحد من النقاد البارزين للفيلم المعروض في الحلقة، وكمان بـ يقول رأيه في
قصه الفيلم وهل هى مناسبة للفترة المعروض فيها الفيلم ولا لأ.

وبالرغم من جمال البرنامج وطريقته
الجذابة في عرض الفيلم، إلا أنه بـ يعرض رأي واحد بس من النقاد ويكتفي بطرح رأيه
الشخصي، ولم يهتم بعرض آراء من عاصروا مخرجي تلك الأفلام أو الممثلين. وكمان ركز
نور الشريف على لقطات معينة في النقد، وترك أخرى رغم أنها ممكن تكون مهمة جدًا في
نقده للفيلم.

عجبك ؟ جرب

«سهرة شريعي» تقديم عمار الشريعي

نصيحة 360

برنامج أسبوعي يعرض كل يوم خميس الساعة الواحدة ظهرًا، ويعاد يوم السبت الساعة 11 صباحًا، والبرنامج بـ يأخذ شكل الحديث المباشر، يعنى المذيع يفضل يتكلم أمام الكاميرا.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح