The Definitive Guide to Living in the Capital , Cairo , Egypt

ملطشة

ملطشة: كل يوم مع أفكار وموضوعات جديدة

  • توك شو
  • من الآن
  • أحمد عصمتأحمد عصمت
تم التقييم بواسطة
Marwa Fathy
قيم
قيم الآن
ملطشة: كل يوم مع أفكار وموضوعات جديدة

بعد ثورة يناير بدأ كثير من
الشباب يأخذوا مكانة مميزة في العديد من البرامج، خاصة أن عندهم أفكار كثيرة
لموضوعات هـ تساهم في تنمية مصر، لكن برنامج ملطشة اللى بـ يعرض على قناة الشباب
الفضائية بـ يتبنى أفكار كثيرة ومتنوعة للشباب.

الجميل في البرنامج أنه بـ يبدأ
بشكل غير تقليدي إما أن يكون المذيع نائم ويبدأ يدخل في موضوع الحلقة أو يتكلم في
التليفون وغيرها من مواقف ثانية كثير، وكمان بـ يهتم بعرض أهم حدث حصل في مصر يوميًا،
والجديد أنه بـ يعرض كل وسائل الإعلام اللى تناولته سواء كانت في برامج أو صحف
وحتى كمان الإنترنت وبعد كده بـ يعلق المذيع على الخبر ولكن بـ يكون من وجهة نظره
الشخصية.

نلاحظ أن أداء المذيع قريب من أسلوب
أبو حفيظة في تقديمه البرنامج لكن الفرق أنه مش كوميدي وكمان بـ يعمل مقارنة بين
الأخبار القديمة جدًا اللي تناولتها الصحف مع أخبار جديدة حصلت اليومين دول، وده
طبعًا فكرة جديدة لكن في رأينا مالهاش فائدة للمشاهد.

وكمان بـ يهتم البرنامج في بعض
فقراته بعرض مشروعات وأفكار جديدة للشباب بـ تساهم في تنمية مصر زي مشروعات خاصة
باستصلاح الأراضي أو تقديم شباب مخترعين، ودائمًا بـ يشرح وجهة نظره الشخصية بالنسبة
للأحداث أو الموضوعات من خلال سبورة علشان يحلل للمشاهد ويقنعه بوجهة نظرة،
والغريب في البرنامج أنه بـ يختار أرقام تليفونات عشوائية للمشاركة معاه في
البرنامج.

ورغم جمال البرنامج إلا أن طريقة
المذيع في تقديم البرنامج غير جيدة ولائقة بالمشاهد، بـ يحاول يظهر أسلوب البساطة
لكنه بـ يعرضه بطريقة سلبية، وكمان لازم على المذيع أنه يأخذ موقف المحايد فى
الموضوعات اللى بـ يقدمها علشان ما يؤثرش على توجهات المشاهد، وهو ما بـ يتبعش
الطريقة دي بل بالعكس بـ يحاول يقنع المشاهد بوجهة نظره، والملاحظ أن فيه بعض
اللقطات في تصوير البرنامج سيئة لأنه بـ يقرب اللقطة جدًا من المذيع وبالتالي بـ يظهره
ضخم جدًا خاصة أنه فعلاً حجمه كبير، وبالتالى الشكل العام له بـ يكون سيء، وفي
أوقات ثانية بـ تظهر لقطة بعيدة جدًا ويبدو المذيع كأنه نقطة بعيدة وده طبعًا عيب
كبير في تصوير البرنامج.

مع كل ده كمان اسم البرنامج غير
متناسب مع مضمون الموضوعات اللي بـ يقدمها، وكمان فيه عيوب في الصوت فبـ يظهر عدم
تناسق في الكلام المسجل مع الكلام المعروض على الشاشة، وربما بـ ترجع كل العيوب دي
إلى أن القناة لسه جديدة وأكيد محتاجة إمكانيات كثيرة علشان توصل لدرجة عالية في
التنافس بينها وبين القنوات الثانية.

عجبك ؟ جرب

برنامج «دور يا كلام» على قناة OnTv Live.

نصيحة 360

من البرامج الحوارية بـ يعرض يوميًا على قناة الشباب الفضائية الساعة 8 مساءً على تردد 12467 أفقي، ومن تقديم أحمد الصغير، وإخراج أحمد عصمت.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح