The Definitive Guide to Living in the Capital , Cairo , Egypt

منى توف

منى توف: برنامج في الجول

  • كوميدي
  • من الآن
written by
Mohamad Adel
قيم
قيم الآن
منى توف: برنامج في الجول

خمس
دقائق بس هي مدة برنامج «مُنى توف» لكن بصراحة فيهم الخلاصة. مع أن البرنامج مفيش منه غير
حلقتين بس لحد كتابة المقال ده لكنه حقق شهرة كبيرة قوي على الفيسبوك، وده راجع
لأن طريقة كتابته ذكية، مختصرة جدًا، فيها المفيد، بدون كلام كثير أو كثير من
الكلام زي ما المثل بـ يقول .

المثير
أن الحلقة الأولى واللي المفروض تكون غالبًا تجريبية أو “بايلوت” بلغة
أصحاب المِهنة من الإعلاميين، لكنها دخلت في الجول على طول لأنها بـ تتناول شخصية
الرئيس السابق محمد حسني مبارك وابنه جمال مبارك، ودي تقريبًا أول مرة في تاريخ
مصر نلاقي برنامج يتناول شخصية رئيس وعائلته وكمان حاشيتهم زي أحمد نظيف وأحمد عز
وصفوت الشريف وغيرهم بشكل كوميدي، خاصة أن قبل الثورة مافيش حد كان يقدر يعمل حاجة
زي دي، ده فكرني بأحد رؤساء التحرير السابقين في صحيفة قومية، لما كتب أن المطبعة
كانت ممكن تقف على رِجل لو زكريا عزمي شَم خبر أن اسمه في مقال أو موضوع مطبوع
بدون ما يكون قبله لقب “دكتور”!

منى هلا مناسبة جدًا في تقديم النوع ده من البرامج الخفيفة، خصوصًا أنه كان
لها تجارب قبل كده في النوع ده من البرامج زي «بالمقلوب» و«ربع مِشكل» و«لمبة شو»،
فعندها خِبرة. والجميل كمان أن منى هلا في الحلقة الثانية بـ تتكلم عن مواقف
الفنانين والإعلاميين المختلفة من الثورة مع أنها في الأساس ممثلة وفنانة، يعني
ممكن ده يضر بعلاقتها مع زملائها، لكن عدم خوفها فيه جرأة تحسب لها خصوصًا أنها استعرضت
ازدواجية بعض الفنانين زي المطرب والملحن عمرو مصطفى لما شتم الثورة في قناة
العربية في أول أيامها ورجع يقول أنه بقى معاها! والمطرب محمد نور لما غنى لمبارك
قبل الثورة أغنية “حقَك علينا” – بفتح القاف – وبعد الثورة غنى لمصر
المرة دي أغنية “حقِك علينا” – بكسر القاف – غير الألفاظ  اللي
ماينفعش تـ تكتب في مقالنا ده، ودي كانت على لسان عمرو أديب لأول مرة يمكن في
تاريخ الإعلام العربي كله مش المصري بس
.

عجبك ؟ جرب

«باسم يوسف شو».

نصيحة 360

لو عندك اكتئاب .. زعل .. ملل .. طهقان .. متضايق .. شوف البرنامج ده وادعيلي.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح