The Definitive Guide to Living in the Capital , Cairo , Egypt

 القاعدة الأولى:

إيمان رياض مذيعة مختلفة تخرجت من كلية الفنون الجميلة قسم تصوير، وعملت كمدير فنى فى عدد كبير من الإعلانات التليفزيونية والفوتوغرافية، فى عام 2005 قررت تأخذ طريق جديد فى العمل، وقامت بتقديم فقرة تليفزيونية فى برنامج”فقه النساء” على شاشة قناة اقرأ.. يعنى مصورة وخبيرة إعلانات ومتدينة ومثقفة كمان… القاعدة الأولى “خلى بالك من المذيعة”.

القاعدة الثانية:

بالخلفية الدينية اللى فاتت لازم نفهم طبيعة المرأة فى البرنامج، فهى عنصر التقديم (إيمان) وهى كمان محور أغلب الحديث فى البرنامج اللى بـ يأخذ شكل جديد مش دينى قوى ومش توك شو.. هو تقدروا تقولوا برنامج خفيف بـ يستضيف خبراء فى مجالات كثير وكل هدفهم يسجلوا القاعدة الثانية فى البرنامج.. دورك فى الحياة (الكلام للستات على فكرة) والمسؤولية الكبيرة اللى عليكى هى أكبر هدف لك فى الحياة.

القاعدة الثالثة:

النعم اللى ربنا أنعم بها عليكى لازم تستغليها لأنها كثير جدًا ولو قعدنا نعدها أكيد مش هـ نعرف نحصرها، ده معروف لكن اللى لازم نركز عليه هو إزاى تستفيد المرأة من النعم دى، وتعتبرها فائدة لها فى حياتها.. إزاى أشكر النعم المختلفة.. إزاى أفهم موضوع النعمة أصلًا.. إزاى أتعامل مع بيتى واولادى وزوجى وعملى على اعتبارهم نعمة.. دى القاعدة الثالثة “أنت والنعمة جميلة بس صدقي ده بالعمل ومش بالكلام”.

القاعدة الرابعة:

شكلك ومظهرك مش هو بس اللى لما بـ تخرجى لازم تخليه جميل، مش هو بس اللى بـ يظهر للناس.. مش هو بس لما يكون فيه ضيوف عندك شكلك ومظهرك لازم يكون جميل وممتع وجذاب ومحترم ومثالى وما يكلفش كثير.. كل ده وأكثر محتاج منك شوية حاجات، يعنى إزاى تدبرى فى البيت وإزاى تخلى شكل البيت جميل، وإزاى تختارى ملابسك بعناية ودون تكلفة.. وإزاى تحافظى على شكلك ووزنك ورشاقتك، وإزاى تخلى بالك من صحتك وصحة أولادك.. كل ده بـ يتم بالميزان اللى جابته مرة إيمان علشان تقدرى توزنى حياتك كلها صح، هو ده معيار النجاح فى الحياة.. ودى القاعدة الرابعة فى البرنامج “أنتى معيار النجاح”.

القاعدة الخامسة والأخيرة:

اوعى تخلي زوجك الخاين مصدر شقاء وتعاسة لك.. تقدرى تهديه بحاجات كثير جدًا وتقدرى تعيدى بناء البيت، وتقدرى تنسحبى لكن أنت الأهم فى كل الحالات وعلى حسب اختيارك هـ تكون حياتك، أما عن إزاى تفوزى بقلب وعقل زوجك فده موضوع طلع سهل جدًا بس أنت تركزى، ولازم تعرفى أن طهارة البدن بـ تجيب طهارة العقل وطهارة القلب فى النهاية وكله مرتبط بالقرب من الله.. ودى القاعدة الخامسة والأخيرة “كل ما تبقى قريبة من الله حياتك هـ تبقى أحلى”.