The Definitive Guide to Living in the Capital , Cairo , Egypt

تليفزيون
نفسنة

نفسنة: برنامج ضحك وهزار وإسفاف على قناة القاهرة والناس

  • هايدى كرم – انتصار - شيماء
  • توك شو
  • من الآن
  • وائل ناصفوائل ناصف
تم التقييم بواسطة
Ahmed Abd El Gawad
قيم
قيم الآن
نفسنة: برنامج ضحك وهزار وإسفاف على قناة القاهرة والناس

الاسم:

بداية من الاسم لازم نقول أن "نفسنة" مصطلح مصري صميم المقصود به أن حضرتك (عزيزي القارئ) بـ تغير أو بـ تكره أو بـ تحسد شخص ثاني أحسن منك.. أننا نشتغل على مصطلح بالعمق "السيء" ده ونعمله برنامج ده بـ يطرح أمامنا أفكار كثيرة حول طبيعة البرنامج إيه أصلًا.. يعني هل مثلًا هـ يكلمنا عن الناس اللى بـ تكره بعض؟ ويحاول يحل الموضوع ولا الناس اللى بـ تنفسن على بعض ويحسدوا بعض ويحلوا مشكلة الحسد؟ صراحة لما شوفنا أول حلقات من البرنامج فهمنا أن الاسم غير البرنامج خالص، وهو اسم دعائي وبس.. لكن الدعاية هي السر.

 

السر:

شخص 1: أنا عاوز أعمل برنامج.

شخص 2: يا ابني برنامج إيه؟ ده للمشهورين بس.

شخص 1: بس أنا موهوب وأعرف أشتغل مذيع.

شخص 2: ومال الميديا في مصر ومال الموهبة؟.. دي حمادة وده حمادة ثاني خالص.

شخص 1: يا ابني الموهوب هـ يوصل.

شخص 2: ابقى وريني لو اتعرفت.

(بعد مرور 6 شهور)

كل الميديا فى مصر بـ تتكلم عن (شخص 1)

 

هايدى وشيماء وانتصار:

البرنامج اللى معانا النهارده من تقديم ثلاثة فنانات: هايدي كرم – شيماء – انتصار، ما حدش ممكن ينكر أن الثلاثة ممثلات بجد وعملوا أدوار حلوة وقدروا يؤدوا في عدد كبير من الأعمال.. وأن اختيار الثلاثة مع بعض توليفة تنجح أي برنامج.. لأن عندك هايدي بنت الطبقة الغنية، وانتصار اللى بـ تمثل الطبقة المتوسطة، وشيماء اللى بـ تمثل الطبقة الشعبية، وبـ يدور البرنامج حول اختيار موضوع والدردشة حوله واختيار ضيف يقول رأيه حول الموضوع وكمان بـ يسألوه عن جوانب شخصية في حياته ومشواره… كل اللى فات ده عادي وكان ممكن يبقى برنامج هايل جدًا ومشهور والناس تحبه.. لولا..

وآه من لولا دي اللى خلتهم يختاروا موضوعات "شائكة"، يعني الكلام عن الجنس في المطلق والمعاكسات والستات اللى بـ تخون والرجالة اللى بـ تبص بره وسايبة زوجاتهم.. والمشكلة مش هنا لأن دي حالات موجودة في المجتمع –ولو بشكل قليل– المشكلة بقى في تناولهم للموضوع والتصريحات اللى بـ تطلع، أنهم عاوزين يبانوا متفتحين ومش هاممهم حاجة فـ نلاقي تصريحات زي: "أن عادى لما الناس تتفرج على الأفلام الإباحية"، وعادي لما يبقى فيه مشاهد إباحية في الأفلام… وعادي وعادي وكان البرنامج كل همه أن الإباحية تبقى تمام في المجتمع والناس ما تزعلش، وطبعًا التصريحات دي لاقت هجوم كثير.. لأن اللى نعرفه عن الميديا أنها بـ تناقش مشاكل المجتمع وتحلها.. مش تزودها.

عجبك ؟ جرب

برنامج "أبلة فاهيتا.. لايف من الدوبليكس".

نصيحة 360

برنامج "نفسنة" من تقديم هايدي وشيماء وانتصار، يعرض على قناة القاهرة والناس، من الثلاثاء إلى الجمعة الساعة ٨ مساءً.. والإعادة من الأربعاء إلى السبت الساعة ١٢ صباحًا، وهو من إخراج وائل ناصف.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح