The Definitive Guide to Living in the Capital , Cairo , Egypt

وحدك

وحدك: برنامج دردشة النجوم على قناة النهار

  • توك شو
  • من الآن
  • شريل يوسف
تم التقييم بواسطة
Rasha Zeidan
قيم
قيم الآن
وحدك: برنامج دردشة النجوم على قناة النهار

وحدك بـ تتصالح مع خوفك، وافتكر لما كل شيء بـ يقلب ضدك، إرادتك هى اللى بـ تخليك تمشى عكس الريح، أنت اتخلقت للنجاح، وعلشان تكون ناجح لازم تخطط للنجاح وتتوقعه وتعيشه علشان تلمسه.

البرومو بتاع البرنامج بـ يشدك وبـ يحرك فضولك علشان تتفرج عليه، فكرة أنك لازم تواجه خوفك، وتصنع نجاحك، مين فينا مش عاوز يعمل كده؟ ومين فينا مش بـ يفكر يا ترى إزاى النجوم نجحوا وأصبحوا مشهورين.

البرنامج بـ يركز على الموضوع ده بشكل كبير من خلال كل حاجة: الديكور البسيط اللى يخليك مركز مع الضيف والأسئلة أكثر من أى حاجة ثانى، شغل الجرافيك الملفت هـ تلاقيه فى المقدمة وبس، الموسيقى الهادئة علشان تركز، حركة الكاميرا البسيطة هى كمان.

مثلًا حلقة النجم أحمد عز اللي بـ يحكي فيها قصة حياته الفنية، من أول الأدوار الصغيرة اللى عملها زى فيلم “كلام الليل” وإزاى اختار الفن على حساب مهنته الأساسية “السياحة”، هنا بـ يظهر قد إيه المذيعة المتألقة “شانتال” مذاكرة الشخصية اللى بـ تقدمها.

كمان لازم نخلى بالنا أن الأسئلة كلها واخدة جو الدردشة والحوار بـ يدور حول: قد إيه أنت واثق من نفسك.. الشهرة بالنسبة لك إيه.. الصراحة إيه عندك.. هل بـ تعترف بالخطأ.

ومن المشاكل اللى هـ تواجهك وأنت بـ تتفرج على البرنامج “اللغة”، آه ما تستغربش اللغة لأن “شانتال” لبنانية ولهجتها بعيدة شوية عن الجو المصرى، فساعات تقول السؤال باللبنانى فـ يعطل الضيف.. وبكل أدب يقول لها ممكن تعيدى السؤال ثانى بالعربى، والجديد فى البرنامج هو فكرة الفواصل اللى بـ تظهر فيها المذيعة لوحدها من غير الضيف وبـ تتكلم عن حاجة خاصة بالنجم (تحليل لشخصيته، موقف تعرض له) وإزاى قدر الإنسان ده يتعامل معاه.

عارفين.. باختصار البرنامج بـ يحاول يروج لفكرة تعالوا نفهم النجم بجد، تعالوا نشوف شخصيته عاملة إزاى، تعالوا نعرف حاجات غير تقليدية عنه، تعالوا نستفيد منه، يعنى مش بس نتعرف عليه لكن كمان نستفيد من خبرته ومن قصص نجاحه فى الحياة ومن مشواره فى الفن والحياة، وده اللى شايفينه جديد فى البرنامج الحالة النفسية المختلفة اللى بـ يلعب عليها، وشغل “التنمية البشرية” اللى شكله كده تسرب كمان للبرامج ومحاولة الاستفادة من كل شيء علشان الإنسان يبقى أحسن، وصراحة ده أحسن من البرامج اللى بـ تستضيف النجوم علشان تعمل فيهم مقالب أو تقول له كلمنا عن “الحب”.

فى النهاية لازم نختم زى شانتال “وحدك بـ تعيش قصتك وكلنا راح نسمعك”.

عجبك ؟ جرب

برنامج "دسك النجوم".

نصيحة 360

البرنامج بـ يعرض يوم الأحد 11 مساءً، والإعادة الثلاثاء 10 صباحًا، من تقديم شانتال سرور على قناة النهار ومن إخراج شربل يوسف.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح