The Definitive Guide to Living in the Capital , Cairo , Egypt

تليفزيون
ولا بالأحلام

ولا بالأحلام: حلويات غربية خيالية

  • طبخ
  • من الآن
  • دارين الخطيبدارين الخطيب
تم التقييم بواسطة
Marwa Fathy
قيم
قيم الآن
ولا بالأحلام: حلويات غربية خيالية

برنامج «ولا بالأحلام» يعرض على قناة فتافيت وبـ تقدمه
نرمين هنو، وفكرة البرنامج هي تقديم أكلات جديدة وغريبة على مجتمعنا المصري، وفي
نفس الوقت لذيذة وطريقتها سهلة. اسم البرنامج ملائم جدًا لطبيعته لأن فعلاً
الحلويات اللى بـ يقدمها كأنها بـ تتقدم في أشيك مطعم في مصر.

البرنامج بـ يقدم أكلات أغلبها غربية، وبـ يركز بس على
الحلويات وقليل جدًا لما بـ يقدم أكلات مالحة وكمان أداء نرمين في البرنامج راقي
جدًا وبـ تقدم الأكل كأنه حاجة غالية قوي وثمينة، ومع تقديم أى أكلة بـ تظهر
موسيقة هادئة وجميلة توحى للمشاهد بأنه فعلاً في مطعم أكلات غربية وفي كل مرة بـ تقدم
نرمين ثلاث أكلات من الحلويات المختلفة.

ديكور البرنامج هائل جدًا سواء في الأواني المستخدمة أو
المطبخ نفسه، وكمان بـ تهتم نرمين بأنها تقدم نصائح مختلفة في كل حلقة تحت عنوان
“سر المطبخ”، وبـ تعرض فيها فقرات زي: إزاي نقدر نحشى الكيك بطريقة سهلة
وبسيطة، ولما نستخدم الأواني لعمل الحلويات ممكن نضيف شوية دقيق في الصينية علشان
مايلزقش الأكل فيها وغيرها من النصائح.

وغير كده في كل مرة بـ تقدم حلويات بطرق مختلفة زي تارت
التفاح واستخدمت نرمين وهى بـ تعمله السكر البني، أضافت 3 أكواب من الدقيق مع الزبدة
وخلطتهم لغاية لما ملمسهم بقى رملي، وبعدين وضعتهم في العجان مع شوية ميه ساقعة
لغاية لما تبقى ناعمة جدًا، علشان تبقى العجينة سهلة الاستخدام وبعد كده نضيف شوية
دقيق ونفردها بالنشابة على ورقة زبدة، وبعد كده نضيف الزبدة وهى ساقعة ونفردها لغاية
لما تبقى ثلثين العجينة، ونضيفها عليها ويتم ثنيها على شكل مستطيل، وثنيها مرة تانية
لغاية لما تبقى على شكل مربع، وبعد كده ندخلها الثلاجة ونخرجها بعد ربع ساعة ونفردها
تانى بالنشابة، ثم تطبيقها على شكل مربع ونكرر العملية ست مرات! وبعد كده نضع زبدة
مع السكر البني وشوية قرفة ونقطع التفاح ونضيفه على خليط الزبدة والسكر ونسيبهم
على النار شوية، علشان يأخذ التفاح من طعم السكر وبعد كده نطلع العجينة من الثلاجة
ونضيفها على التفاح، وندخلها الفرن، ولتقديمها نغطيها بقطعة فويل وبعدها نقلب
صينية التفاح إلى أن تكون العجينة تحت والتفاح من فوق.

ومن الملاحظ
كمان أن كل المكونات المستخدمة ممكن نلاقيها في الهايبر ماركت، زي السكر البني وغيرها
من باقى المكونات السابقة، وكمان قطاعة الكوكيز موجودة هناك.

ورغم جمال
البرنامج إلا إنه ينقصه المشاركة الفعلية من الجمهور، سواء من خلال الاتصالات
التليفونية أو الإيميلات، وكمان لاحظنا أن البرنامج مهتم بفئة معينة من الجمهور
ومش كل الناس تقدر تعمل الأكلات المقدمة، لأن المكونات مكلفة جدًا، ومن أنواع
معينة. لفت نظرنا كمان أن الفواصل الخاصة بالبرنامج تتضمن تنويهات عن برامج القناة
ولا توجد بها إعلانات.

عجبك ؟ جرب

برنامج "من مصر" على قناة فتافيت

نصيحة 360

برنامج يومي يذاع الساعة 11 مساءً في شكل حديث مباشر، يعنى مقدمة البرنامج بـ تكون موجهة كل كلامها للمشاهد، وبـ تقدمه نرمين هنو وإخراج دارين الخطيب.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح