The Definitive Guide to Living in the Capital , Cairo , Egypt

تليفزيون
يوم بيوم

يوم بيوم: محاولة برنامج اجتماعي على قناة النهار

  • محمد مصطفى شردي - ريهام السهلي
  • إخباري
  • من الآن
تم التقييم بواسطة
Ahmed Abd El Gawad
قيم
قيم الآن
يوم بيوم: محاولة برنامج اجتماعي على قناة النهار

اليوم:

الزمن حالة مختلفة، الزمن هو اللى بـ تحسب به حياتك، والزمن هو اللى بـ يخلى العجوز عجوز والصبى لسه صبى، الزمن حالة حيرت كثير من العلماء والفلاسفة والأدباء، الزمن هو السر الكبير واللغز اللى ما اتحلش لحد دلوقت، فكرت بـ تعمل إيه فى يومك، اليوم اللى هو جزء أو وحدة من الزمن، بـ تقعد كل يوم تفكر عملت إيه فيه وإيه الحاجات الإيجابية والسلبية فيه، عندك وقت تروح الشغل، وتقعد مع أولادك وزوجتك وأهلك وقرايبك وتسهر مع أصحابك وتتفرج على التليفزيون وتتابع اللى بـ يحصل ولا صعب.. ها فكرت كويس فى الكلام.

 

البرنامج:

"يوم بيوم" برنامج فكرته حلوة، لكنها طبعًا مش جديدة، يعنى هو توك شو هـ يهتم بكل حاجة علشان يقدم لك كل حاجة، والجدير بالذكر بقى أن البرنامج هـ يعرض بشكل يومي، ماعدا الجمعة، وده من خلال تقديم الإعلامية ريهام السهلي حلقات أيام السبت والأحد والاثنين، أما بقى الإعلامي محمد مصطفى شردي هـ يقوم بتقديم حلقاته يوم الثلاثاء والأربعاء والخميس، علشان يناقشوا كل القضايا والأحداث السياسية والاجتماعية، وطبعًا ده هـ يكون بالاستعانة بالخبراء والمتخصصين فى كافة المجالات.. الديباجة اللى فاتت دى حلوة وواضح أن البرنامج مصروف عليه علشان فريق الإعداد المحترم اللى بـ يشتغل حلو علشان يجيب موضوعات جديدة وضيوف جدد كمان يخلو البرنامج يسَمَع.

 

الموضوعات:

بصوا بقى فريق الإعداد فى أى برنامج بـ يبقى من أكثر الناس اللى بـ تتعب فيه علشان هما اللى مسؤولين عن الضيوف والتقارير والمداخلات التليفونية ومين جه ومين لسه ما جاش، ولازم الضيف اللى ييجى يكون معروف ومتخصص فى موضوعه وبـ يتكلم كمان كويس، وده سبب أننا بـ نشوف ضيوف ثابتين فى برامج كثير وبـ يتكرروا فى كذا برنامج علشان من الآخر بـ يتكلموا حلو، المهم فريق إعداد برنامج يوم بيوم فريق حلو مستواه واضح أنه جيد وبـ يجيب ضيوف كويسين والإخراج بتاع البرنامج عادى صراحة مافيهوش ابتكار يعنى ومش هـ نحمل المخرج أى عبء.. هـ تقولوا لنا ليه؟

 

ليه:

نقول لكم بقى ليه، علشان البرنامج هـ يعمل إيه أكتر من مذيع بـ يتكلم فى ستوديو، وتقارير وشوية مداخلات تليفونية، وبعدين ضيوف فى "أنتريه" شكله حلو، مش كده ولا إيه، المخرج هـ يبدع فين غير فى اختيار توجيه الكاميرا والنقلات، أو الكادر المفتوح، ومن هنا هـ تعرف المخرج الشاطر من غيره بالحاجات دى، من اختياره النقلات بين الضيوف والمذيع وإمتى بـ يفتح الكادر ويجيب لك الصورة كاملة لكل الناس، وإمتى بـ يعمل Close على الضيف، والمخرج بقى اللى عينه حلوة لما بـ يعمل Close على ضيف وعنده عيب فى وشه على الكاميرا بـ يرجع بسرعة للصورة المفتوحة، أما المخرج الثانى ولا فارقة معاه ولا واخد باله أصلًا..

البرنامج فكرته مش جديدة زى ما قولنا، وبـ يقدم تقارير وفقرات متنوعة، وكان عاوز يعمل تنوع بتقديم مذيع كل ثلاثة أيام، وإن كنا شايفين لو كانوا قدموا مع بعض كان هـ يبقى أحسن والإيقاع أسرع.

عجبك ؟ جرب

برنامج "نهار جديد".

نصيحة 360

برنامج "يوم بيوم" من تقديم محمد مصطفى شردي وريهام السهلي، ومن إخراج ؟؟، يعرض كل يوم على قناة النهار الساعة 8 مساءً ماعدا الجمعة.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح