The Definitive Guide to Living in the Capital , Cairo , Egypt

هو عبارة عن مجلة لأخبار النجوم، تصريحات تلاقى، مقابلات تلاقى، أخبار تلاقى، مقاطع فيديو، وآخر الأخبار الحصرية، صراحة هو وجبة دسمة فى الفن، ترضى فضول الشعب المصرى اللى بـ يعشق الكلام والفنانين، البرنامج من تقديم بدر الزيدانى، مريم سعيد، ناردين فراج.

بـ يتابع أخبار النجوم على الفيسبوك وتويتر وأنستجرام، وطريقة عرضه حلوة جدًا وبـ يعتبره الجمهور فى استطلاعات الرأى واحد من أنجح البرامج الترفيهية فى الوطن العربي، وقدر أنه ينجح فى فترة بسيطة وواحد من أقوى منصات الترفيه والأخبار فى العالم العربي، هو وقف شوية لكنه رجع أقوى من الأول، وهو مشابه لبرنامج عالمي اسمه ET، علشان كده اسمهEt  بالعربي.

متابعات جيدة وطريقة عرض بـ تبهر المشاهد، يمكن علشان واخد شوية طريقة عرض البرامج الأمريكية، فى البهرجة الكاملة والاهتمام بالرتم السريع، ومتابعة أخبار الأوساط الفنية، والمشاهير والأفلام السينمائية، وآخر حاجة تم إنتاجها، والكواليس واللى بـ يتم فيها، والمسلسلات التليفزيونية، وكمان بـ يركز على الموسيقى والفرق الموسيقية وعروض الأزياء والمهرجانات والفعاليات الفنية كله ده فى قالب إعلامى واحد.

صراحة إحنا مشفقين على قسم الإعداد فى البرنامج لأنه أكيد بـ يتعب كثير علشان يجمع كل المادة دى فى حلقة واحدة، والجميل أنه مش بـ يهتم بنجوم بلد على حساب بلد، ومجال على حساب مجال ثانى، بالعكس هو بـ يهتم بالكل بالتساوى، وده بـ يعطينا فرصة علشان نتعرف على الثقافات الثانية والفنيات المختلفة، وآخر التجديد فى عالم الفن والموسيقى والأزياء، وتعرف كمان خريطة العالم ماشية إزاى.

ومن الفقرات المهمة فى البرنامج واللى بـ تشد الشباب جدًا (موضة النجوم) وفيها بـ يتابعوا موضة النجوم من تسريحة شعرهم ولبسهم ولون الماكياج وكل التقاليع الجديدة اللى بـ يعملوها، ولازم نقول أن ده من الحاجات المهمة جدًا علشان نتعرف أكثر، وعلشان ما يبقاش فيه ملل فى التقديم ويبقى فيه جديد دايمًا خاصة لو حاجة الشباب مهتم بها، وبـ يدور عليها وعاوز يعرفها، البرنامج الجيد هو اللى يعرف الشباب عاوز إيه ويقدر يقدمه فى وجبة رتمها سريع ومذيعينها شاطرين قادرين يشدوك من أول الحلقة لآخرها، علشان تتفاعل معاهم وبدل ما تقعد تدور أنت هما هـ يجيبوا اللى أنت عاوزه لحد عندك.